تكفون الفزعة يا صبيان الهيلا

[تركي بن صوفان البهيشي]

قصيدة للشاعر: عبد الرحيم بن حثله ينتخي فيها آل سعود وشيوخ القبايل لطلب العفو عن الشيخ سعيد بن مشبب آل لافي البهيشي شيخ قبايل نازلة من قبائل نهد بن زيد بالجنوب ومن الشيوخ الذين تم ذكرهم شيخ عتيبه ابن حميد تكفون وصلوا له القصيدة يا النشامى ، أنا نخيتكم فلا تردوني خايب


ياربنا يالواحد المطلوب رب العالميــــــن
بيديك حل المعظلات دقاقها وجلالهـــــــا
ياكاشف الكربه وياجالي هموم المكربين
يوم ادلهمت واستدارت ثم هبتنا قبالهــــــا
تجرت الدنيا علينا من يسار ومن يميـــــن
والنفس ضاقت من حمول في ظهور جمالــها
وش حيلة الي يحتري موته وهو باقي سجين
احدى عشر عام وهو يمكث ورى زرفالـــها
يهل شيبه والبلاوي تستفزه كل حيــــــــــن
احيان تلقاله وبعض احيان مايلقالهـــــــــــا
يصك بالكفين في زنزانة مالها سكيــــــــن
الا الهموم الي خذت في خاطره مدهالهــــــا
يذكر صغير مامضى من سيرته كود اسنتين
ويذكر محاذيف البلا لا حتمت بوصالهــــــــا
لامن طلع في ساحة والقيد فعظام اليديـــــن
والموت يمشي تو عينه في عظيم اهوالهـــــــا
العون ياهل العون كل العون من كف العوين
حكامنا الي كل الامه في كناف ظلالهـــــــــا
ياسيدي ياخادم البيتين بالحق المبيـــــــــــن
يلي طويل النايفات تتوق فوق اطلالهـــــــــا
ياسيدي صقر العروبه ياامام المسلميـــــــن
ياحاكم الدوله تدير امورهــــاوحوالهـــــــا
انت المليك ابن المليك ابن الملوك العادليـن
الشجره الي من حرارة شمسنا نلجالهـــــــــا
ياراعي الجاه العظيم الي يجير الخايفيـــــن
الناس مماصابها صوبك تشد رحالهــــــــــا
وياسيدي سلطان يامهجي نفوس الجايعيــــن
ياراعي الكف النديه تنعرف بافعالهــــــــــا
ياسيد سادات الكرم مالك شبيه ولا وزيـــــن
معروف سلطان الكرم داخل نفوس اجيالهــــــا
قالوا ان حاتم واحدي واقول حاتم حاتميـــــن
ولاشك سلطان الكرم يرجح على معدالهـــــــا
دايم وفزعاتك سريعه فالمواقف ماتليـــــــــن
تعتق رقاب من سيوف في يدي سلالهــــــــا
وياسيدي سلمان واسمك يحمل المعنى المتيـن
سلمان ميزان العداله مابخس مكيالهــــــــا
كم مرة تعتق سجين وتمسح دموع الحزيـــن
كم حرمة منعتها مارملت باطفالهـــــــــا
وجه وجاه وطيب فال وهرجكم در(ن)ثمين
وعند الفجيعه ترتكي لخفافها وثقالهـــــــا
وياسيدي فيصل ولد خالد ولد ذرب اليميــــن
اميرنا حليمنا كل الحمايد نالهـــــــــا
وجهك وجاهك يالامير الي مع الفزعه تبيــن
وتجير من دارت عليه الدايره بحبالهــــــا
فزعاتكم يال السعود العادلين الطيبيــــــــــن
بالوجه والجاه العظيم الي يفك اقفالهــــــا
من يستجير بظلكم يلقاله ظلال وكنيــــــــــن
ومن يستعين بعونكم يبشر بزين اعمالهـــــا
ومن بعدكم يال السعود انخا هل الهرج السمين
انخا شيوخ المملكه وواجاهها وعقالهـــــــا
انخاك يابو ساق ياشيخ القيوف الصامــــدين
ماخاب من جاه الوزى في يام لى نادالهــــــا
انخاك يابن دليم تكفى ياوريث العامريــــــــن
شيخ قحطان الي علوم المرجله تسمالهـــــــا
وانخا بن ربيعان وابن حميد والمنصى متيـــن
شيوخ قومن ما يخيب الي طلب مدقالهـــــــــا
وانخاك يابن مشيط والداعي يجيب الرد زيــن
ياشيخ شهران العريضه والمعزي جالهــــــــا
وانخا بن مفرح عسير والعسبلي وابو ثنيــــن
والمتحمي وابن الدويش اشفق على ميصالهــــا
وانخا الشريف اليا حضر بالوجه والجاه المكين
وانخاك ياراكان بن حثلين مثلك شالهـــــــــا
سعيد بن لافي نخاكم يالشيوخ العارفيــــــــن
دارت عليه الدايره ولالها الا رجالهــــــــــــا
من خلف قضبان الحديد يحاكي العقل الفطين
تكفون ياصحاب الوجيه الي زبن من جالهــــا
تخرصت الانظار فينا وابتلتنا كل عيــــــــــن
وسود الليالي درهمت بيمينها وشمالهـــــــا
بالوجه والجاه افزعيلي يانفوس الخيريــــــن
والله يطيب فالها والله يجمل حالهــــــــــــا
وفي النهايه ياصلاة الله لخير الشافعيــــــــن
يوم القيامه لا استوت بسهولها واجبالهــــــــــا