اللي ترك اخته على شاطي النيل ... !!

[فيصل الثبيتي]

السلام عليكم ورحمة الله وبركاته

بلا مقدمات واشارات .............. متواضع ما عندنا /

يالله من فضلك طلبناك يا حيّ=ترحم بعد جانا من العلم تفصيل
البارحة مرت ولا زيّها زيّ=يوم الصدر ضَيَّقه علم الرياجيل
فلان يشكي يوم جنّب عن الفيّ=وفلان واقف وسط مجراك يالسيل
بعض العرب تنفخ ولا عندها شيّ=كلن حَسَب نفسه كم الجدي وسهيل
وإليا عطيت ابن العرب حاجةٍ ليّ=انكر عليّه حاجتي وأكثر الميل
يا كثرهم تبّاعة الزيف والغي=ياقلهم هاك الرجال الحلاحيل
اللي سرى ليله ومعشوقته(ميّ) !=واللي نوى يتبدل الجنس تبديل !
واللي يعذرب في كرم حاتم الطيّ !=واللي ترك اخته على شاطي النيل !
ذولا على الاسلام مثل اسود الكي=امطردين الكذب والقال والقيل
الله يعز الدين ويعوّد الضيّ=لاهل الصلاة اللي مع ( النجم والفيل )
مني سلام الله على عابد الحيّ=محمد اللي فصّل الدين تفصيل

وسلامتكم .. واعذرونا على القصور

[عجاج الليل]

صح لسانك الفيصل تحياتي لك وقصيده أبدعت في نظمها وياليتك دايم على هالمنوال .. اكرر تحياتي

[الــوآفــي]

الله يعـز الديـن ويعـوّد الـضـيّ
..... لاهل الصلاة اللي مع ( النجم والفيل )


صح لسانك يالفيصل

قصيده رااائعه لدرجة الغليان

ننتظر الابداعات القادمه بكل لهفه

ذيبان

التوقيع

ليا جاء طاري الهيــــــلا يفز القلب فزة شوق ألبوم صور مدونه مميزه

[المسرّي]

وإليا عطيت ابن العرب حاجـةٍ لـيّ ** انكر عليّـه حاجتـي وأكثـر الميـل


بيض الله وجهك وصح لسانك
رااااااااااااااائعه

[فيصل الثبيتي]

يا هلا والله يا عجاج الليل

صح بدنك طال عمرك ولا هنت على هالرد

الله يعطيك العافية ويبيض وجهك

كل الشكر لشخصك ...

الفيصــــل

[نايف الحميدي]

صح لسانك ابداع يالفيصل

[((الدلبحي))]

ماجى منك الاكل علم غانم

صح السانك

تحياااااااااااااااااتي

[فيصل الثبيتي]

شرف لي

ان تخط يا ذيبان في صفحتي

الله لا يهينك

بيض الله وجهك

كل الشكر لتواجدك وتشريفك ...

الفيصـــل

[فيصل الثبيتي]

المسّري هنا ... !!

لله درّي كيف كتبت ما

ينال على اعجاب المسرّي ؟!!

الف شكر لردك وتواجدك ...

تحية عطره لك

الفيصــل

[فيصل الثبيتي]

يا هلا يا نايف

ابداع ان ألمس متابعتك

صح بدنك يالغالي

لا هنت