وصف السفيه الجاهل

[قيس العازمي]

السلام عليكم ورحمة الله وبركاته

اقدم لكم هذه القصيده واتمنى ان تحوز على اعجاب الجميع

ياجاهل ٍ وصف السفيه الجاهل = تعال ابا اعلمك ويش اوصافه
تلقاه لو الوضع مايستاهل = يبلش وينشب عند شيٍ تافه
ويعارض الهرجه يحب ايجادل = ويعد نفسه عارف العرافه
واذا سمع موضوع خبر عاجل = يشرح عن الموضوع لو ماشافه
واليا نصحته قال اعرف الحاصل = لو مايعرف ارباعه من انصافه
ولاهو بشرط ايكون سنه نازل = كم شايبٍ من سمع هرجه عافه
لاشفت شكله قلت هذا عاقل = وهوه فراشه بالجهل ولحافه
والكامل الله مابخلقه كامل = والجهل والنسيان للعقل آفه
وصلاة ربي للنبي العادل = اعداد من زار المقام وطافه