رسالة رد على رسالة الشيخ عائض القرني

[عبدالمجيد الثعلي]

عتيبه الهيلا على العين والراس
د. عائض القرني
1/9/1432هـ

هذه قصيدة ردا ً على رسالة فضيلة الشيخ الدكتور : عائض القرني

جات الرساله مع المرسول مرسولـّه=ياحيّ مرسولها وياحيّ مرسلهـا
العذر مقبول ورسالتكّ مقبولـّه=معذار عن كلمة مأنتّـه قايلهــا
ياعائض القرنـّـي , المعذار !؟ وشهولـه؟=ياشيخ نعرّفكّ والجهال نجهلها
يا شيخ و الشيخ للإسلام والدولـّه=وأنتـّه للإسلام والدولـّة وحنالهـّـا
منزه ٍ عن كلام ٍ قالوا يقولـّه=وعن ناقل الفتنـّـة وناس ٍ تناقلهـا
من الحياء وجيه بعض الناس مغسولة=حيين (بقلوب موتى ) إبليس حيّ لهـّـا
داءهم دواه الوحيد ضعيف مفعولـّه=يادوب يأثر شويه في مفاصلها
يعني جسد حيّ فيه الروح مقتوله=ولافيه قانون للناس ومغفلها
دام الهويات والأشخاص مجهولـّه=يتعب ليا حطها ويتعب ويحملها
لارحمـّـها مهبل ٍ من رحم مهبولـّه=كل العروق الخبيثـّه تستمدلهـّا
بث ٍ مباشـرّ , وإعادة بث ,منقولـه=في كل ميدان معتمده مراسلها
من ماضي الدهر مشروبه ومأكوله=وياجعلها بشـرّ تشربها وتأكلها
ياشيخ .. فتنه و معقوده و محلولـه=نقرأ عليها آية الكرسي وتبطلها
نعرفكّ عرف المزن لاسال بسيولـه=مافيه شك الكواكب في منازلها
عزالله ونعم رجل ونعمها رجولـّه=ونعم القبيله ونعم رجال ماأرجلهـا
يــا دعاة الإسلام أخذتوا صوله وجوله=ويا أهل الجمال ومباركهاو معقلها
وعن نصرة الحق حنا سيوف مسلولـّه=وشاعر من عتيبه الهيلا وأمثلها
مافي بيوت الرجال أبواب مقفولـّه=لاهنت ياللي توصلهـا توصلهـا

وسلامتكــــم

آخر تعديل عبدالمجيد الثعلي يوم 19-Aug-2011 في 05:40 AM.