يابيت ماودي أمرك ولا أجيك

[خلف سرحان الثبيتي]

يابيت ماودي أمرك ولا أجيك = والعين جازت مالها فيك لده
معاد تسوى شي من عقب غاليك = أصبر على وقتك كماية وصده
جفيتني واليوم أنا بعد أجافيك =الوقت جار وصارلي منك ضده
لكن ريحني لا تبحث خوافيك =دربٍ يمرك حالفني لسده
عشرة عشر يابيت مني تكفيك = وكلن على قول المثل دون حده
ذكراك تاخذني على ساس ماضيك =ابني جدارك حلم وارجع وهده
لازال لك حشمه لحظرت معاليك =لكن وين اللي سكنبك نوده
قيدتني بعده على شان ماجيك = لكن حاول قيد رجلي تمده
ماباقى الا جرته فالسراميك = وباقي بحوشك منه بيت المخده
يابيت ساعدت الزمن فوق وافيك = وذلحين وشعادلك عندي تعده
معاد إبة يابيت شيٍ يحليك = لاتقول مهما راح يرجع مرده
عزوني العالم وأنا جيت أعازيك= وخترت عنك بلاد مكه وجده
بكره أنا لاجيب شيول ووريك = مدام صدري منك بيحت سده
اعرف ترى ما واطي الفعر واطيك= ارضى بحكم أيامنا المجرهده
وعسى خيالٍ نصب العصر يسقيك = لو كان عيني مالها فيك لده
وختامه يابيت ماني بناسيك = لو كان جاني منك يابيت ضده