سلطان الجلاوي و ملفي المورقي والمعنى .!!

[سيف السليس]

السلام عليكم ورحمة الله وبركاته

طاروق بين الشاعرين
سلطان الجلاوي و ملفي المورقي

في حفل عبدالله الغدراء الذي عُرض ع قناة الساحة

وكان المعنى ع حسب أعتقادي والله آعلم
يدور حول بيوت سلطان الجلاوي او محاوراته بشكل عام


سلطان الجلاوي

في حفل عبدالله سليل الجود=أمثل العتبان بأكملها
يامرحبا ع الشحم والعود=في حلةً ربي مجملها

ملفي المورقي

ياصاحبي مايلحقك منقود=والناس نزلها منازلها
ألك البقا والصادرات ورود=واللي يقدمها يحصلها

سلطان الجلاوي

بكره ضحى نبغا نسوق الذود=مسيرةً والعز فأولها
لكن خلك عندنا موجود=المايله نبغا نعدلها

ملفي المورقي

نقدم لو انه لأشقر البارود=حوص النجايب مانعقلها
الصبح ابحضر وابذل المجهود=اللازمه ماني بمجلها

سلطان الجلاوي

انته يابو وافي جمعت القود=حمس بني مورق ومثلها
وان صار فالماقاف كدح زنود=حنا معك والنار نشعلها

ملفي المورقي

وين انت ياراع البكار السود=ماقد راحت عن مداهلها

ان صار برّاق ومطر ورعود=انتم وحنا من قديم الها

في البيت الأول ع ما اظن ملفي يقصد بيوت سلطان دائماً بدون معنى ودايم ع شيء محدد ..


سلطان الجلاوي

اصبر عليّه والبراء مردود=بجيب نقوتها مجللها
الصف واحد والله المعبود=عزوة عتيبه من يطاولها

في البيت الأول يقصد سلطان , أصبر علي ياملفي


ملفي المورقي

منت بعلى درب الشقاء محدود=الله يستر لاتحصلها
ياصاحبي عد الرواء مارود=والمملكه مكثر قبايلها

يقصد ملفي ببيته الأول منت مجبور ع التعب , ريح راسك
لكن أبوصاهد مادخل الميدان إلا واثق من نفسه


سلطان الجلاوي

البل تبا رجلاً قوي عضود=يوم انت ياملفي مضللها
مادام تال العمر بين لحود=وش يمنع إنا مانطبلها

يقصد ملفي المحاوره تبي رجل فاهم صح ماهو ع عماها <-- خربها المحلل


ملفي المورقي

بعض المغازي ماوراها فود=اخاف في لحيتك تاكلها
الناس احد طارد واحد مطرود=والثانيه ماني بقايلها

هنا ملفي يقصد بعض البيوت ماوراها فائده , ويمكن تاكلها مثل ما اكلها بعض الشعراء
والبيت الثاني ماني بقايله <--


وهنا المحاوره بالصوت والصوره


بصراحه المحاوره اعجبتني , لكن فيها "دقات" كثيره , وملفي كان شاد حيله , وابوصاهد كذلك ,
أتقبل اراءكم جميعاً ,


أخوكم : سيف السليس