وصف القهوه في عيون شيوخ عتيبه الهيلا

[ألليث]

هذا وصف في القهوه ,,,, من شيوخ قبيلة عتيبه الهيلا الافذاذ




وهنا الشاعر الشيخ/ تركي بن صنهات بن حميد رحمه الله حيث يصف القهوة ويقول :

يا ما حلا يا عبيد في وقت الاسحار = جر الفراش وشب ضو المناره
مع دلة تجذا على صالي النار = ونجر الى حرك تزايد عياره
النجرب طق وجاذب كل مرار = مالفه الملفوف من دون جاره
في ربعة ماهيب تحجب عن الجار = لامن ولد اللاش ما شب ناره

وهذا الشيخ الشاعر مشاري بن سلطان بن ربيعان رحمه الله ,,,يقول :

قم سو فنجال على خمسـه اجنـاس = احذر تجي حرقـه وبالـك نياهـا
خلك لها عن كل عذروب حسـاس = قيس لها الطبخه علـى قـد ماهـا
حتى يجي فنجالها يجلي الاعمـاس = عقب الصلف والسهرما اكبر غلاها
خصص مشاكيل على النار جـلاس = حبوس الرجال اللـي بعيـد مداهـا

وهذه قصيده طويله للشيخ / ذعار بن مشاري بن ربيعان رحمه الله

,,,,,منها

مع دلة صفرا على النار مركـاه = أبصر بصبتها على كيف روحـــي
فنجالها يشدي خضاب الخونداه = , الجادل اللي عند اهلها طموحـــــي
يا مكيف الفنجال خصص هل الجاه = راعي الجمايل قبل قن قموحـــــي
صبه لمن هو تنثر الــــدم يمنــــاه = يثي جواده عند راع اللدوحـــــــي
والثاني للي مــــاتوانامطــاياه = يظوي ليا صكت عليه النبوحـــي
وعده لمن عوص النجايب تنصـاه = ريفن لهن ليا جا الزمان اللحوحي
دب الدهر يضحك حجاجه لمن جــاه = وقت المعاسرمارد مايزوحي
وباقي الرجال فحول نسوان ورعاه = ضباط مال وحافظين السروحي
وراعي الردأماحدليامات ينـــــعاه = لا صار محروم جبان شحوحــي

وايضا قول الشاعر الشيخ /ناصر بن بتال الشغار رحمه الله:

يامسوي الفنجال كثر بهاره = يقعد عماس الراس ريحه ليا أشفيت
ليازل بالفنجال يشدى حماره = اصفر كما زهم النعام الافاويت
عده على اللي يحتمل للخساره = أهل العزوم وخل عنك المشاميت

ويقول الشاعر الشيخ / شليويح بن ماعز العطاوي رحمه الله :

يامسوي الفنجال عده لمـدوخ=واثنه لبن صـلال والجـلاوي
وأنا زبون الحرد أبو ضيف الله=لا كلح الشارب عن الشفاوي
أنا أحمد الله يوم أنا من لابـه=ماهم من قصار البتوع شـواوي

جميع حقوق النشر محفوظه لمنتدى عتيبه الهيلا ...........الليث....... اتمنى ذكر المصدر لمن يريد النقل

آخر تعديل ألليث يوم 07-Jan-2011 في 01:09 AM.