(( أودعتك الله ))

[محمد النخيش]

أودعتك الله لاتردد اعلومي=عند القريب اللي ترجا علومه
خلك كما بيرن غطاه امحكومي=ماهوب رسن يشربه من يهومه
لاتنقل اعلومه عليه بيومي=من شان تأخذ له وتملا احزومه
أونست من نقل الكلام السهومي=وأنا لها بيرن غطاه امحكومه
يوم إن غيري غارقن فالحلومي=ويعزم لمصلحته وينسى سلومه
الكبد في بحر النكايد تعومي=يوم إن نفسك للدوادي خدومه
خلك بعيد ولا تجيب الثلومي=اللي تعذرب فالقريب وتلومه
وعنده تحط اللي عليه نقومي=وعندي تحط اللي تجيله نقومه
الواقع أبعد من بعيد النجومي=من هرجك الخايب وزرقة سهومه
منته بفيد العرف دامك تحومي=حول الهزيل اللي تكاشف غيومه
كم مرة(ن) حطيت منها رسومي=ولافادت النمام كثرة رسومه
مكشوف من ناس(ن) تصون السلومي=ماتقبل علومه ونقل(ن) يرومه
والله على وضعه شفوق(ن) رحومي=من ناره اللي لجل مثله شعومه

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@