لا تشيل اكثر من وزنك

[شعيل الزلامي]

السلام عليكم ورحمت الله وبركاته

عقلك صغير يسمح لك بذالك



هيه يالي تشيل حمول ماهي قليله

نزل الحمل عنك اللي نقلته لحالك

نزله عنك في وادي نزوله محيله

ثم بعدها تعيد لوباحدا جمالك

ماتصدق ولو قيل الك حالك هزيله

من كثر ماتشوف الناس مماجرا لك

انت ماشفت حملك لو يشوفه قبيله

لو تشوفه ماشلته لو تفقد عيالك

قل لنفسك وعاتبها وش اللي تشيله

ويش نفسك تشيل وويش تربط حبالك

ازن نفسك وشفها هي تجي كم كيله

ثم على قدر وزنك شيل ما اطرا لبالك

شيرها واعصها حتى تعرف الفضيله

لاتدهورك نفسك في بحور المهالك

كيف تحمل حمول(ن) ماوراها عقيله

كل من شاف حملك قال عزى لحالك

انت ماتدري ان الكبر حمله ثقيله

بس عقلك صغير اللي سمح لك بذلك

آخر تعديل شعيل الزلامي يوم 25-Jan-2011 في 12:12 AM.