القريب الله يحييييه...

[حبيب العصيمي]

سلام في منتدى الهيلا زحول الرجال= ربعي عتيبه هل الطاله خوال النبي
الشعر مثل البحر موجه يهد الجبال= يعوم فيه الذكي ويضيع فيه الغبي

[سويلم الشيباني]

يامرحبا عد مالاحت بروق الخيال=ترحيبة(ن) صافية بالمنطق اليعربي
الموهبة ماتباع وتنشرى بالريال=ادحم بجنب(ن) متين وقول لي وش تبي

[حبيب العصيمي]

دام البقا يابن مشيب والسوالف طوال=وحذرى تدورعلى عيشه براس الضبي
الموهبه قصر ماهي قول قيل وقال= أحد(ن) يجيها عدي وأحد(ن) يحوبي حبي

[سويلم الشيباني]

سولف وسولف معك جواب يتلي سوال=والضبي له طلقة(ن) فالراس من مزهبي
الملة اللي عليها صف صفر الدلال=ماذقت من بنها فنجال من مغربي

[حبيب العصيمي]

أمشي وأسوق المعاني مثل سوق الجمال=وادوس من فوق راس الداب والعقربي
مانارد الا يابن مشيب لعدٍ زلا ل=ولا جيب كلمه تنقد لحيتي وشنبي

آخر تعديل حبيب العصيمي يوم 17-Aug-2010 في 04:50 AM.

[حبيب العصيمي]

امشي وأسوق المعاني مثل سوق الجمال= وادوس من فوق راس الداب والعقربي
مانارد الا يابن مشيب لعد زلال= ولاجيب كلمه تنقد لحيتي وشنبي

[سويلم الشيباني]

البيع والمشترى يحتاج له راس مال=والراجحي ماتغره نغمة المطربي
هداج قدمك وورد بالحبال الطوال=لوتارده بالحبال القطم ماتشربي

آخر تعديل سويلم الشيباني يوم 17-Aug-2010 في 05:19 AM.

[حبيب العصيمي]

أطب سوق الغلا وابيع واشري حلال=وانته ليا شفت سلعه غاليه تهربي
الشمس ماهي يابن مشيب سوات الضلال= والبرد لن جاك خلك مستتر فـ العبي

[سويلم الشيباني]

لاعاد تذن باذان(ن) غير ماذن بلال=سنتك لاتختلف عن سنته ياصبي
احد(ن) عن الدرب شرق واحد يمشي عدال=لاوحسافة يابن عصم يضيع تعبي

آخر تعديل سويلم الشيباني يوم 17-Aug-2010 في 05:54 AM.

[سويلم الشيباني]

صح السانك ياحبيب وعن اذنك معاد اشوف من النوم