السلام عليكم ورحمة الله وبركاته
محاورة جمعت بين الشاعرين علي فلاح العضياني وعبدالعزيز العازمي
علي العضياني
سلام والشرهه ثقيله مالها غير الثقيـل=من دون قاصر فيك ياعبدالعزيز العازمي
إبن محيا فارس الفرسان مزبان الدخيل=إذنه مسكرها ليا ناداه أخوه المزحمـي
عبدالعزيز العازمي
يامرحبا بك والجمل يمشي وحمله مايميل=واللي مايقدر يرتكي للحمل ماله لازمـي
ابن محيا عنده الحكمه عسى عمره طويل=واللي يثورها بدون عيار ماهو ب آدمي
علي العضياني
بعد البطا بان الصدى في سلة السيف الصقيل=اللي منـول فالحـروب مخضبينـه بالدمـي
عيد النظر دنياك لا تطغيك يالحـر الأصيـل=المشكله فاللـي بـرد دمّـه و عيـا يحتمـي
عبالعزيز العازمي
الضلع لو ترميه بالبندق تهده مستحيـل=وأنا على ضلع الهدا ماني مفرغ محزمي
خلك على ممشاك في دنياك ياعابر سبيل=أنت بدويٍ للحمايـا والمشاكـل تنتمـي
علي العضياني
يالعازمي عندي من القرآن والسنه دليـل=و عندك دليل من الحضاره و النظام العالمي
الأضحيه فالعيد من سنة براهيـم الخليـل=أكّد عليها صفوة الناس الرسول الهاشمي
عبدالعزيز العازمي
إحفظ دليلك وأسترح ما أنت بعلى العالم وكيل=أنا أعرف المظلوم وأدري وش مصير الظالمي
عيد الضحيه باقيٍ قدامـه الشهـر الفضيـل=ترى وعدنا ياعلي بعـد ارمضـان القادمـي
علي العضياني
إليا طفح كيل العلوم تكيل ولّا ما تكيـل=حنا من الليله نحاول فيك وأنتـه معتمـي
ياللي قضيت الوقت غافل بين يوم و بين ليل=يمكن على غفله يوقع فيك مشعاب سلمـي
عبدالعزيز العازمي
انته من الليله تعاف الهيل تبغا الزنجبيل=نبا نكيل الزنجبيل لعلي كان انـه ضمـي
احسن تريح في فراشك لا تحط ولا تشيل=انته عضياني من العضيان جعلك تسلمي
« آخـــر الـــمـــشـــاركــــات »
07-Jun-2010, 09:55 AM
(( علي العضياني × عبدالعزيز العازمي )) ,,,, محاوره جديده
العرض الشجري