الا يا ليل وين اهل الوفى

[شامان الروقي]

بسم الله الرحمن الرحيم

الا ياليل وين اهل الوفى واهل الكرم والجود=ابا اسكن في ضمايرهم مدام قلوبهم للناس مفتوحه
انا احب الوفى واهل الوفى واكره هل المنقود=احب الطيب واهل الطيب والي يبني صروحه
وانا شامان اعيش بغربتي بين البشر موجود =اسوق الرجل وامشي خطوتي قدام مبروحه
غريب وغربتي في الدار من يومي طفل مولود=الا ياالله ترحم هاالغريب وتبري جروحه
يجوب الناس والاوطان كنه يابشر مطرود= يبي قلبٍ كبير يعيش به والنفس مشروحه
تعب يبحث ولاحصل ضميرٍ يحتوي المقرود = تقول ان المشاعر والوفى في الناس مذبوحه
والا ياناس رفقاً به غريبٍ بينكم مضهود= يناديكم عباراته بدت بالصوت مبحوحه
وترى قلب الغريب يفز لاهبت هبوب النود =حمام الورق دوم يجاوبه وينوح مع نوحه
ليامنه كتب شعره تبين غربته وتزود= ولامنه صمت تقرا حروف البعد في لوحه
ولونه جريح العشق تنسيه اليال السود= ولاكنه بعيد عن الهوى والعشق وصروحه
غرامه يذبح الغربه ويلقا حضه المفقود= ويطعنها بسكين الوفى وتموت مسفوحه
ويقطن فوق عده مايفارق عده المورود =عسى هداج تيماء يبري الضميان من فوحه
وضلع النير يزمي له ويبدي في رفيع الطود= يضمه في حجاه عن الوطا والذل وشحوحه
ولا بد الغريب يصير له ديره هذا موكود= ابا القى لي ضمير اعيش به لو ابعد الشوحه

آخر تعديل شامان الروقي يوم 29-May-2010 في 02:35 PM.