علي فلاح العضياني+جميل الروقي

[ولد عمهوج]

علي فلاح العضياني+جميل الروقي
في 6/9/1429هـ

علي فلاح العضياني


سلام رده يا جميـل و سرّهـا ليلـك طويـل
=و الموعد الرسمي طلوع النور و الساري سرى
جميل يا ليتك ليا غنّيـت مثـل ابـو جميـل
=و تصير بكره شاعرٍ مشهور و الساري سرى



جميل الروقي


يامرحبا يابو فلاح بكـل يـوم وكـل ليـل
=ياشاعرن مفقود والك اشهور والساري سرى
انا ليامني بديت ابـدي كمـا مبـدى سهيـل
=والطيب ماهو بالعرب محكور والساري سرى



علي فلاح العضياني


دام البقا و الله يبارك فيـك فالليـل الفضيـل
=وحنا ليا جات اللزوم حضور و الساري سرى
البرق يبرق فالسما والسيـل عيّـا لا يسيـل
=و الارض جفّت والديار دهور و الساري سرى



جميل الروقي


قالولي انك بعت وسط السوق وانهيت الحصيل
=مما حصلك ياولد ماجور والسـاري سـرى
البرق يبرق فالخيال ولا علـى الله مستحيـل
=واللي يجيـب الطيبـه مشكـور والسـاري



علي فلاح العضياني


لا تستمع يا صاحبي في هرج قال و هرج قيل
=الناس قاموا يشهدون الزور والساري سـرى
إنزل ميادين المعارك واشهر السيف الصقيـل
=تراك وافي ما علاك قصور والساري سـرى



جميل الروقي


اللي يطب المعركه يصبر على ضرب الفتيل
=ترى الفلك طول الزمان ايدور والساري سرى
يابو فلاح الوضع فيه اشكال جيلن بعد جيـل
=والناس واجد تعطي الميسور والساري سرى



علي فلاح العضياني


مال المرض غير الطبيب مداوي القلب العليل
=شكره على وصفه من الدكتور والساري سرى
متى يابو ماجد نشوف اسمك مسجّل فالدليـل
=معزوم مع ملفي و مع مستور والساري سرى



جميل الروقي


بعض العلل يصعب دواها وش تحط وش تشيل
=مافيه داعي نبحث المستور والسـاري سـرى
فيك الكفايه ياعلي وانته تراك اخـر موديـل
=متى قصيدك فالقناه يثـور والسـاري سـرى



علي فلاح العضياني


شيل الحموله يالبعير شعيل حملـك لا يميـل
=لا تبرك بحملتك فوق الزور و الساري سرى
جميل عمرك راح وانت مع الدير عابر سبيل
=لازم تعمّر فالديار قصور و الساري سـرى



جميل الروقي


اشعيل ينقل ماتحملّـه ولـو حملـن ثقيـل
=والدور جاء للي علاه الدور والساري سرى
آخذ من العالم وفا وامد واف الكيـل كيـل
=ماني بمن ياكل بقايا السور والساري سرى



علي فلاح العضياني


ما شوّقتك امّ الرموش العكش و الطرف الكحيل
=اللي شبيهه من بنات الحور و الساري سـرى
يمنا الكريم تجود جودٍ ما يجـود بـه البخيـل
=يا صاحبي يبقي علاك اومور و الساري سرى



جميل الروقي


انا مسكت ايمينها وانا لهـا عـم وخليـل
=والبورصه تبغالها هامور والساري سرى
ماكامل الا وجه ربي راعي الوجه الفضيل
=مير انتبه لايقلب البابور والساري سـرى



علي فلاح العضياني


تبغا الصراحه ماش عندك لا كثيـر و لا قليـل
=الحمد لله ما نـي بمغـرور والسـاري سـرى
والله لو انّي منك لا اتركها واجنّـب و استقيـل
=بعض العرب يا صاحبي معذور و الساري سرى



جميل الروقي


عندي وعندك خير والله راعي المد الجزيل
=لاكن طبعي ماني مسعور والساري سرى
بدري علاك انك تزعلني واجيبلك الحفيـل
=ماني مدرج للعمي والعور والساري سرى

منقول من ميدان الشعر