يا عتيبه الهيلا جاكم ضيف

[بن علي]

سلام الله سلام ن والتحيه ساسها موثوق.........على الهيلا رجال العرف حاضرها وماضيها
لزوم انا ندل الدرب قبل انا نروح السوق.........وانا طرقي على ذودي اسيّر في خطاويها

[ذيب الحصيني]

الايامرحبا ترحيبةً ف الموقع المرموق=عتيبه رؤس الاشهادي وتسمعها وتوحيها
لزوم انك تحكم الذود وتسوقه علانا سوق=عشاننا نثور في علابيك وعلابيها

[بن علي]

يدوم الك البقا ياالشاعر اللي تحسن المنطوق.........وانا للدار ضيف وعملتي ماني بمرخيها
على جزل المعاني يالعتيبي هز فيني الشوق........واظن البندق اللي معك ماتضرب مراميها

[ذيب الحصيني]

ليا من جيت لابرقا ليا من جيت يمة روق=ليا انخسف سناء الشمس الصقيله حن نضويها
يابن علي كثر الحكي يعثر قوامك الممشوق=تسرحها يابن علي جفار ولاتضويها

[بن علي]

ولا يالحر الاشقر انت ودك تنقلب غرنوق.......سواتك عاالغصون السود باالنيشان نرميها
علامك ضايق ن صدرك وانا جيتك حسين اللوق.......اخاف ان النياق البيض ماترضع حواريها

[ذيب الحصيني]

ياصاحبي خذلك بنادول وتداوابه وروق=خفايا الضيف مابانت وواجبنا نداريها
بين الحزم والهلال السعودي سيطره وفروق=ممايؤكد نتائج هذه الدوره وراعيها

[بن علي]

يعطيك العافيه اخي العزيز ونشوفك على خير,,,,,,,,,,,




ان بنصحك يارجال عينك لاتطالع فوق.........سلوم القوم انا اللي فالبشر صاحبت راعيها
سواتك دلته للضيف ماجى بنها محروق........بلاشي نبدي المستور والشينات نبديها

[ذيب الحصيني]

الشمس مافوقها الا الآهاً يستر المخلوق=عسى الله يستر العرجاء ليا كثرت مساريها
بعد ماذقت زنـجبيلي تبى تشتاقلي شوق=يبى ينبت ثمرنا ثم تأتينا ونسقيها

اعتذر عن التأخير لخروجي من المنتدى وشرفني مجاراتك يابن علي والله يحييك بمحلك

[أسير القوافي]

الله الله



كبـــآر .. صحَت ألسنتكم ..



ومرحبا فيك أخوي .. بن علي ..

[بن علي]

صح بدنك اخي اسير القوافي,,,,,,,,

ويعلم الله اني بين اخواني في هذا المنتدى الاكثر من رائع,,,

ويعطيك العافيه على المرور الجميل,,,,