 |
|
|
اختيار تصميم الجوال
 |
 |
 |
|
|||||||
 |
 |
 |
 « آخـــر الـــمـــشـــاركــــات » |
 |
| أدوات الموضوع | انواع عرض الموضوع |
|
|
|
|
29-Jul-2009, 12:37 AM
|
رقم المشاركة : 1 | |||||
|
يآ دبآس من عقبكـ ترى البآل محتآس##وعليكـ دمع العين حرّق نظيرهـ لــ/راشد الدباس
الســـلام عليكـم
 يآ اللّه يآ من ردّ من عقب مآ يآس//يوسف على يعقوب وأبصر نظيرهـ ***** أخآف من حكي العدآ ثم الأنجآس//أهل الحكآيآ الطآيلهـ والقصيرهــ من أجل القصائد اللي مرت علي راشد الدباس الدوسري كان راشد مزارع من سكان بلدة العودة في سدير سافر ولده دباس وبعد ثمان سنين من سفر دباس بعض أهل البلدة قاموا يضايقون أبو دباس ومنعوا عن مزرعته الماء فكتب هالقصيدة يشكي لولده حاله: يآ ونّةٍ ونّيتهآ من خوى الرّآس .............................من لآهبٍ بـ الكبد مثل السعيرهـ ونين من رجلهـ تقل مقوآس .............................يوّن تآلي اللّيل يشكي الجبيرهـ ويآ حمس قلبي حمس بنٍ بمحمآس .............................ويآهشم قلبي هشمهآ بـ النّجيرهـ ويآ وجد حآلي يآ ملآ وجد غرّآس .............................يوم أثمرت غرسهـ صفى عنهـ بيرهـ على ثمر قلبي سرى هجعة النّآس .............................متنحّرٍ دربٍ عسى فيهـ خيرهـ اللّه يفّكهـ من بلآ سوّ الأتعآس .............................ومن شرّ عبثآت اللّيآلي يجيرهـ في ديرةٍ تقطّعة عنهـ الأرمآس .............................سبعين يومٍ لـ الركآيب مسيرهـ لآ واللّهـ الاّ حآل من دونهـ اليآس .............................حطّ البحر والبرّ من دون الجزيرهـ يآ اللّه يآ من ردّ من عقب مآ يآس .............................يوسف على يعقوب وأبصر نظيرهـ تردّ عليّ دبآس يآ محصي النّآس .............................يآ عآلمٍ مآ بـ الخفآ والسّريرهـ يآ دبآس أنآ بـ أوصيكـ عن درب الأدنآس .............................ترى اللّذي مثلكـ ينآظر مسيرهـ عليكـ بـ التقوى ترى العزّ يآ دبآس .............................في طآعة اللّي مآ ينجّيكـ غيرهـ هآذي ثمآن سنين من رحت يآ دبآس .............................لآ رسآلةٍ جتني ولآ من بريرهـ يآ دبآس من عقبكـ ترى البآل محتآس .............................وعليكـ دمع العين حرّق نظيرهـ وعليكـ كنّي في دجى اللّيل حرّآس .............................أصبح على حيلي وعيني سهيرهـ أصبح أنآ مآ بين طآري وهوجآس .............................طوآريٍ تطري علينآ كثيرهـ مثل الوحش قلبي على كفّ حبّآس .............................يكفخ كمآ طيرٍ سبوقهـ قصيرهـ متحيّر من عيلة البين يآ دبآس .............................أرجي ثوآب اللّهـ وأخشى المعيرهـ أخآف من حكي العدآ ثم الأنجآس .............................أهل الحكآيآ الطآيلهـ والقصيرهـ يقآل خلّى عيلتهـ عنّز الرآس .............................أقفى وخلّى عيلةٍ لهـ صغيرهـ والاّ فـ أنآ يآبوكـ قطّآع الأرمآس .............................مآنيب مثبورٍ رجلهـ كسيرهـ آصلكـ لو دونك نبآ حمر الأطعآس .............................الصلب والصمّآن مآ هي عسيرهـ مهآلكٍـ مدآركـٍ مآ بهآ ونآس .............................الاّ الثعل والبوم تسمع صفيرهـ لآركب على وجنٍ من الهجن عرمآس .............................فجّ النحر يآدبآس حمراً ظهيرهـ متروسة الفخذين مزبورة الرآس .............................كنّ الخلآص عيونهآ يوم أديرهـ يآ شبهـ ربدن يوم تخفق بالأونآس .............................ولآ رفعت جنحآنهآ مستذيرهـ تسرح من العودهـ على نور الأنفآس .............................عند الفجر واللّيل مقفي مريرهـ والعصر بـ الصمّآن تسمع لهـ أضرآس .............................حبل الرسن خطر تبتّر جريرهـ نهآر ثآلث بين حمّى والأروآس .............................وآرهـ يمينكـ جعلهآ لكـ سفيرهـ ثمٍ على سآجيّةٍ تقلب الرآس .............................تمشي بأهلهآ فـ البحور الغزيرهـ قم انهض العيرآت مع كل فرّآس .............................يـ دبآس دوّر خيّرٍ تستشيرهـ حدّك وعمّآنكـ هَل العزّ والبآس .............................أهل الموآجب مكملين القصيرهـ واليوم يآمروي شبآ كل عبّآس .............................أنت الرجآ يـ كعآم وجهـ المغيرهـ عشرين عآمٍ كلهآ أرجيكـ يـ دبآس .............................مثل الغرير الّي تولّع بطيرهـ عدل المنآكب هيلعٍ فرخ قرنآس .............................يمنآهـ في لطم الحبآري شطيرهـ عآنق خلوجٍ روّحت عقب مروآس .............................عند العصير لـ بيضهآ مستديرهـ اللّيل جآهآ وحآل من دوهآ اليآس .............................روحهـ على فرقآهـ فرّت فريرهـ يـ دبآس يآبوكـ مآنيب دلاّس .............................لكن عيلآت الرفآقآ كثيرهـ جنّبت وسط السوق وأمشي مع السآس .............................وآخذ شويّ الحق وأتركـ كثيرهـ يـ دبآس لو ان جبت من دحب الاكيآس .............................مختلفةٍ مآبين زرٍ ونيرهـ مآلي بهآ يآجعلهآ بـ ألف قبّآس .............................أو جعلهآ تذهب لوهي كثيرهـ يـ دبآس قلبي كلّ مآ هبّ نسنآس .............................شرقيّةٍ هبّت بـ قلبي سعيرهـ والحآل يآفرز الوغى مسّهـ البآس .............................عليكـ يآ نآطح وجيهـ المغيرهـ وغصون قلبي يآفتى الجود يبّآس .............................غآدٍ أنآ يآبوك كنّي هشيرهـ من شآفني يقول ذآ فيهـ لسّآس .............................والّي برى حآلي يلآهي خبيرهـ لوآ على من قبل غوّآل الأنفآس .............................ومفآرق الدنيآ يجينآ بشيرهـ عسى يطّق البآب ونّآس غطّآس .............................يآوآلي القدرهـ عليكـ تعبيرهـ وصلآة ربّي عدّ مآ هبّ نسنآس .............................على النّبي عدّة حقوق المطيرهـ بعد ما وصلت دباس هالقصيدة رجع لبلدته وأخذ حق أبوه من اللي آذوه ورد عليه بهالقصيدة: حيّآ الجوآب الّي لفآنآ من الرآس .............................جآبهـ غلآمٍ مآ توآنآ مسيرهـ أهلآ هلآ بهـ عدّ مآ خط قرطآس .............................أو مآكتب فوقهـ بيوتٍ شطيرهـ جوآب من هو لي مودٍ من النآس .............................أبوي مآيوصف حليٍ لـ غيرهـ فرز الوغى كنّهـ على الوكر قرنآس .............................قروم ربعهـ كلهآ تستشيرهـ دليل عيرآتٍ ليآ هبّ نسنآس .............................ثمّ أدلهّم الجوّ مآبهـ ذخيرهـ مهف الغنم لـ أهل الركآيب والأفرآس .............................لآجو من الهيفهـ عليهم قصيرهـ رآعي معآميلٍ لهآ العدّ جلاّس .............................للبنّ يشري بـ السنين العسيرهـ هآذي بـ مركآهآ وهآذي بـ محمآس .............................وهآذي يصبّهـ للوجيهـ السفيرهـ وخلآف ذآ يآ رآكبٍ فوق عرمآس .............................مآمونةٍ من نقوة الهجن عيرهـ حمراً وهي في سنّهآ وقم الأسدآس .............................متوسّطٍ لآفآطر ولآصغيرهـ مآهي لحوحٍ رآكبهـ بـ العصآ دآس .............................حرٍ عليهآ غير شيل النقيرهـ والخرج هو بيوت قيلٍ بـ قرطآس .............................مع مذهب الأيآم مآ هي كثيرهـ وفوقهـ غلآمٍ منوتهـ قطع الأرمآس .............................لو هو بـ ليلٍ مآ تغيّر نظيرهـ واليآ لفيت الدآر فـ أجهر بالاحسآس .............................وبلّغ سلآمي كل ذيكـ العشيرهـ وأختصّ أبوي الّي نفل جملة النّآس .............................وخصّهـ بـ علم وقل ترآني بشيرهـ لآ يآنقيّ العرض يآبوي لآبآس .............................ان كآن تشكي الضيم فـ آنآ أسيرهـ وان سآيلكـ عنّي ترآني بنومآس .............................وأنآ أحمد الّي مآ توسّلت غيرهـ المدح لو يشرى شرينآهـ بـ أكيآس .............................بأموآلنآ نرخص ندور الستيرهـ مطرق أفرنجيٍ مضآريبهـ الرآس .............................ومصلبخٍ جبتهـ عسآني ذخيرهـ صنّآعهآ نصرآنيٍ يشرب الكآس .............................يذكر ورى جآوهـ بعيدٍ مسيرهـ أبغيهـ للي حآدّينكـ على السآس .............................أهل النمآيم والحكآيآ الكثيرهـ ربعٍ نووآ فيكـ الردى والتّخسآس .............................مهبول يـ الّي قآل غآيب عشيرهـ عليّ دينٍ لو دعآ الجمع ينحآس .............................لين العشير يقول يلعن عشيرهـ إن مآ سكنّآ الدآر من غير هوجآس .............................والاّ نعآف الدّآر وندور غيرهـ كلّهـ لعينهـ كلمةٍ قلت يـ دبآس .............................تشكي وأنآ دوني بحورٍ غزيرهـ خذ لكـ يمين الشرع قطّآع الأنفآس .............................أنّهـ فلآ جتني علومٍ بصيرهـ لآ ندّ جآني منكـ حبرٍ بـ قرطآس .............................أيضآ ولآجتني علومٍ سفيرهـ ان كآن تشكي الضيق يآبوي لآ بآس .............................جآكـ الفرج يآبوي والبريرهـ والاّ فـ أنآ يآبوي قطّآع الأرمآس .............................أصبر على الشدّهـ ولو هي عسيرهـ يآبوي أنآ مآرحت لـ كيفة الرآس .............................مع ذآ ولآني في سفآهٍـ وغيرهـ يآ مسدني يآبوي شوف أوكد النآس .............................ثمّ أنشدهـ قل ويش هو في مسيرهـ من كآن لهـ غآيب فلآ يقطع البآس .............................وان قدّر اللّهـ جآب علمهـ بشيرهـ في سآعة الّي قلت والنّآس غطّآس .............................يآ وآلي الدنيآ عليكـ تعبيرهـ وجدي عليكم وجد من بـ اللّقآ جآس .............................خلّي طريحٍ فوق وجهـ المغيرهـ أو وجد من شوّح بـ بلدهـ ولآجآس .............................بتّيلهم بآن الخلل في مسيرهـ أرخص بذبّ المآل لو هو بـ الاكيآس .............................ويصيح لـ الربّآن مآمن جزيرهـ لأني نادراً أرجع لموضوع أو رد كتبته  أشكر مقدماً كل من نوّر الصفحه بمروره  سلاااااااااااااااااااااااااام |
|||||
|
|
|
|
|
|
|
|
|
|
29-Jul-2009, 01:32 AM
|
رقم المشاركة : 2 | |||||
|
لاهنت يا نسناس على ايراد هالقصيده المشهوره
|
|||||
|
|
|
|
|
|
|
|
|
|
|
02-Aug-2009, 04:15 AM
|
رقم المشاركة : 3 | |||||
|
:: ابن صنهوت ::
تسلم ع المرور ياذيبان |
|||||
|
|
|
|
|
|
|
|
|
|
|
11-Aug-2011, 10:26 AM
|
رقم المشاركة : 4 | |||||
|
لاهنت يا نسناس على ايراد هالقصيده المشهوره
|
|||||
|
|
|
|
|
|
|
| العلامات المرجعية |
| يتصفح الموضوع حالياً : 1 (0 عضو و 1 ضيف) | |
|
|
 |
 |
العرض العادي
