البارحه ماامسيت ليلي شقاوي

[نفل ناهض الصخابره]

هذي قصيده اتمنا ان تنال اعجابكم


اقووووول

البارحة ماامسيـت ليلـي شقـاوي = شطر سمعته هيض القاف بعتـاب
على المها اللي ذكرها لي شفـاوي = أم العيون السـود والخـد جـذاب
عزلت من قول المدح والهجـاوي = مالي بها مـادام للقلـب مطـلاب
ياويل ويلي مـن حيـاة الشقـاوي = ويا ويل ويلي عد ماهـب هبـاب
لاصار في قلبي ونى فيـه هـاوي = ابصم له بعشـره لفتحلـه أبـواب
بنحت بيوت الشعر بالحبر قـاوي = وهاجوس قلبي بين الإضلاع جلاب
انا اشهدن الحـب رأس البـلاوي = وأنا اشهدن الشوق ضنك للأحبـاب
لاصار ناسيني ونى فيـه غـاوي = " ذي عادة الدنيا تقلـب تقـلاب "
ياما معك سجيت والهـم ضـاوي = وياما معك هليت لي مزن الاسحاب
واليوم انا ناشـد واجـر الغنـاوي = واجر موالي على وتـر الأربـاب
من قصه طالـت وزاد الجفـاوي = ما أظن تفرج قلتها اليوم غصـاب

سلامتكم