وش عندك تقدمه ياكبتن عتيبه ؟ = شف لك عتيبي ولبّس يدّه الشاره

[عقاب العنزي]

السلام عليكم

مسيت بالخير ياكبتن

وش عندك تقدمه ياكبتن عتيبه ؟ = شف لك عتيبي ولبّس يدّه الشاره
ماعاد لك ذا السنه ياصاحبي هيبه = من بعد منته حديث الناس والحاره !

[صاهود]

الله الله

ياعقاب

معني معجب في كبتن عتيبه

بس الصف صفك مايحتاج حنا يالاقليات لازم نتحد ههههههههههههههه

[عقاب العنزي]

صح بدنك


ههههههههههه

اي والله لازم نتحد ولا ضعنا بيديهم


شاكر لك مرورك

..

[كبتن عتيبه]

الله الله

عندي كلامً كما الشلفاء مضاريبه=والكبتن أن غاب تلقى كبتناً غاره!!
امولع النار لو تكثر مشاهيبه=لا هل وبل السحابه تنطفي ناره!!

التوقيع

قالو ياكبتن من مكبتنك ومن أنت؟=قلت العفو..بالرّبع ماهي غريبه!! ماهو بأنا..اللّي ياجماعه تكبتنت=لا بِالله اللّي كبتنتي..عتيبه!!

[عقاب العنزي]

ماشفت باارض الحجاز ونجد مع طيبه = رجل ٍ نقارن بمقدارك ومقداره
الظلع ياصاحبي اليا عوى ذيبه = ضاعت علوم الجماعه تاره وتاره

[كبتن عتيبه]

الله الله

وأنته بعد قدرك العالم تهذريبه=وشرواك واجد يمين الدرب ويساره!!
لقيت لي ذيب مكسوره عراقيبه=ويقول الايام يالعتبان دواره!!

[عقاب العنزي]

طيب طيب

كل اسم دوّن بوسط الكشف ترتيبه = والكشف مدري بمقاييسه ومعيّاره !
الذيب لامن حضر هرجك مايدريبه = لن حل في ديرتك وان راح لدياره

[كبتن عتيبه]

طيب طيب

العلم مافيه لا شكّه ولا ريبه=فالحي ياصاحبي كلاً عرف جاره!!
اعقاب مفقود فالمحضار والغيبه=بعض العرب غيبته سواة محضاره!!

[عقاب العنزي]

الكبتن الله يخلي له اصاحيبه = اعطوه مشلح وبيت وختم الاماره
اعقاب لاغاب ولا ّ حل ياطيبه = اعصابكم منه مشدوده ومنهاره

[علي خيران العتيبي]

وش عندك تقدمه ياكبتن عتيبـه ؟
شف لك عتيبي ولبّس يدّه الشـاره

ــــــــــــــــــــــــــــــ

عندي كلامً كما الشلفاء مضاريبـه
والكبتن أن غاب تلقى كبتناً غاره!!


ـــــــــــــــــــــــــــــــــ


الله الله

يا سلام

صحت السنتكم
واصلو
متابع
و الصف صفك يا كبتن
ولا يهون الوايلي