ابن سرحان الثبيتي
ياعلي من يوم جات الهزة الارضيه = وانت لا وديت حظ ثبيت ولا جبته
الخبر من يوم جاء فالنشرة الجويه = لا تقول ان الجرايد كلها كذبته
النشمي
طول اغيابك بغيت اكتب مية مرثيه= قلت اكيد ان المصايب كلها صايبته!!
نشرة الاخبار بعض اخبارها سريه=مار ابن سرحان شكل اخبارها معجبته!!
ابن سرحان الثبيتي
شاعر المعنى سقط من يوم مات العيه = و الزمان ايمر يالنشمي ولا حسبته
لا تقول انك صحيح وحالتك مبريه = البعير ايموت ماشاف العوج فرقبته
النشمي
فيه شعار ابدعو فالساحه الشعريه=والشعر جاله عرب تال الزمن عذبته!!
انت شاعر وانكبتك احلامك الورديه=ينقصك خبره وصعب الوقت ماجربته!!
ابن سرحان الثبيتي
منهو اللي ضيع الدولار و الربيه = واحد ٍ يمشي مع الانذال لين انكبته
مانبا نلفت نظر فالدعوه الكيديه = وانت شاعر لكن التاريخ مارتبته
النشمي
غير الموضوع واخذ الجايزه نقديه =من ضحك من مشكله تضوي على عاقبته!!
تفرقت فتح وحماس اسبابها سوريه= ولو يحاربها اليهودي صبح ماحاربته!!
ابن سرحان الثبيتي
خلها بيني وبينك سالفه رمزيه = والهدف لامنك اخطيته تقلي صبته !!
يالحجازي وش تبا بالعرضه النجديه = جبت راسك تحت حد الموس لين شذبته
النشمي
انت صانعلك مكوك وقنبله ذريه= وش تبا بالعود لين اتعبك وانت اتعبته!!
لوحكمة امريكه مع الدوله العبريه= مارضيت بصحبت المصري ولا صاحبته!!
« آخـــر الـــمـــشـــاركــــات »
28-May-2009, 11:21 AM
العرض العادي
