فواز السعيدي " 3 "

[مشعل الحافي]

سلام رديّه على فواز والمعنى بحر=من هاجسن له في بيوت الشعر قومه واقعده
اما نزلنا للثرى ولا طلعنا للقمر=ولاّ كسبنا الغاليه ولاّ كشفنا الارصده

[فواز السعيدي]

الله الله

يامرحبا من هاجسي والعين يقديها النظر = واللي يمد يداه لاهل الجود نملاله يده !!
الثانية للعارفه راع المكان المعتبر = والاوله لابوذنيب اللي يهاب المصيده !!

ههههههه

التوقيع

حنـا هذيـل ان صـار فالعلـم زرقــه=نغضب غضب سيل الربوع ودماره حريبنـا يونـس علـى الكـبـد حـرقـه=نهـدر هديـر السيـل لا جـات غــاره مهما حصل مايدخـل الصـف فرقـه=نورث شجاعـه والشجاعـه شطـاره مجـد اهذلـي مايقبـل الوقـت درقــه=درع الحجـاز وفزعـتـه وانتـصـاره مـن طبعنـا مانسـرق المجـد سـرقـه=يشهـد لنـا التـاريـخ باحـسـن عـبـاره

[مشعل الحافي]

الله الله

دام البقا والله يعين العين من طول السهر=مديت لك يمناي وصافحت اليمين المسعده
الكلمه اللي قلتها جتنا على بطن وظهر=وانته مقابل شايب وعمرك على عمر اولده

[فواز السعيدي]

ههههههه


اجل شايب ؟


تصلح للنشمي هههه


الله الله :

ياعود يامال العمى حنا ظهر حنا ظهر = اصحى لبعضات العلوم الناقصه والزايده !!
لا واحليل الاجودي اللي على الطيب انفطر = بعض البيوت اللي بلا معنى تراها منقده !!

[مشعل الحافي]

جايه الدور الزميل لاتوصي حريص ههههههه

الله الله

ياورع يامال الوجع وش فيه معناكم قصر=الناقصه ماهي لنا والعود جاك بفايده
لك عين داب وشوك نيص وفيك مارية صقر=وان ماقنعت بعلمنا ابشر لك بعلم ابعده

[ريف المسايير]

ههههههههههههههههههههههههههه

لاحول العرب وش جاهم

البنادق ثايره

[مشعل الحافي]

هههههههه ارحب ريف المسايير

[فواز السعيدي]

ابك ابك


اثرك اثرك


طيب طيب :

الناقصه في وجه قايلها يبو خشمٍ حمر = انت ابيض الشارب وتتعبك الدروب النايده !!
لوكنت بوش الظاهر بتشرد بجزمة منتظر = انته عتيبي والمهمه معك ماهي كايده !!

[مشعل الحافي]

دوك دوك

انته علامك جيتنا من اقصاك ماعندك صبر=الله يرحم شايبك ماباقي الا مقعده
انا عتيبي مسلم وهذاك بوش اللي اتخبر=يا الهذلي مابعيونك الا الما وعينك مرمده

[ريف المسايير]

المشاركة الأصلية كتبت بواسطة رجم النوايف

هههههههه ارحب ريف المسايير

البقى يارجم هههههههههه

تراني في صفك ولايهون فواز