وانا على الرجلين بالقيض حافي

[خالدالعصيمي]

قال الفهيم يولف القيل توليف

متولع يبني على كل قافي

اشرفت مشراف طويل المشاريف

العين ما شافت بلا القلب شافي

شوف بعيد وزمة الصبح ما شيف

وانا على الرجلين بالقيض حافي

باكر على خير وسلامه مناكيف

الفود من دون العسير انحرافي

ابي الشمالي وعند وجهي شواحيف

والحي مع طول الليالي يشافي

يا دونهم من نابيات المياهيف

ومن خالي مثل ازرق الجم صافي

من دون مرفوع الكسور المشانيف

بيت تبني في بيان الكشافي

ريف الفقارا والقلوب الملاهيف

اعنز على مقحم لشوفه نوافي

بحر الندا يضحك حجاجه إلى ضيف

افنا الغنم ومنيلات الشعافي

ولا كل مَن كثر العطا والمصاريف

من مد اللي مده على الناس ضافي

انا طلبت محزم النخل بالليف

يبعد عنك شر البلا والخلافي

يا عل ما نسمع عليك التحاسيف

تموت نيران اليتامى الضعافي

يا مروي حدود الحديد المناحيف

والخيل عن مثلك باهلها مقافي

جيناك من عقب التعب والتواقيف

وخليت تالي فاطري بالمهافي

النضوه اللي ادبوها العساسيف

تاقف على حبل الرسن بالعسافي

تفداك يا حبس العواد المزاهيف

من عرض ما تعطي وهي بالذلافي

وانت الذي ترهم عليك العجاريف

الله جعل كفك لمالك تلافي

انتم هل المعروف والجبر بالسيف

وللفضل يا عز الهواشل ملافي

جدك مصوت بالعشا بالشفاشيف

وبعض المشايخ يا اخو قطنه عوافي

قبست من خصلات جدك تواصيف

مروي القنا يا ذا الشجاع السنافي





الشاعر
فهد بن صليبيخ





-

[طلال الثعلي]

خالد العصيمي


المتميز دائما متميز.........

وانت كعادتك متميز..

تسلم ياغالي......


تحياتي....

[((الدلبحي))]

اخوي خالد
كتابات جيده ويد مانعدمها
يعطيك العافيه

[صـويب الرمـــش*]

أخوي الذيب خــــالد
الله يعطيك العافيه
صحيح ذوقك رايع جداااااااااااااا

[ابو وعيل]

تسلم مليوووون ياالي مميز دائم

بأختيار رائع ... خالد العصيمي ......

[شيباني نت]

تسلم يالعصيمي
على هالدرر
والاختيار الحلو
والله يعطيك العافيه

[خالدالعصيمي]

طلال الثعلي

مرورك هو كل التميز

مرور معتاد وليس مستغرب

من اخ عزيز

تقبل اجمل تخيات خالد العصيمي

[خالدالعصيمي]

الاخ ((الدلبحي))

لاعدمناك على المرور

تمنياتي لك بالتوفيق الدايم

[خالدالعصيمي]

الاخ صويب الرمش

صوابي سبته تراء صوابك

من الرمش المسلهم يارفيقي

تشرفنا بمرورك الكريم

لك خالص تحيه من خالد العصيمي

[خالدالعصيمي]

الاخ ابو وعيل

مشكور على المرور والغير

مستغرب من مراقبنا القدير

ابو وعيل

لك خالص تحيات خالد العصيمي