تبشر بفنجال يشب النظر فيه

[خالدالعصيمي]

يا مل قلبآ ضيق بصدر راعيه

لولاي اعذل به عن المستحيني

عمال مشغول بهمه وطاريه

الا ألى صكوا به الغانمين

ولا لاح له مرقاب وده يعديه

لا قلت هذا الدرب حطه يميني

ما هوب لاقي له رفيق يصافيه

ولا ظنتي بالرأي صفيوا ثنيني

يا راكب حرزها لبس راعيه

مامون قطاع الفيافي هجيني

لولا المرس صكن ضروسه لواحيه

عقب على كوره عياب يبيني

يشبه لفرخ بين اللوح راعيه

لا صف جنحانه بعد حومتيني

يلفي لابن ضيدان حثيه يلفيه

ابو محمد مدهل الغانميني

تبشر بفنجال يشب النظر فيه

امعذب تطرب له الحاضريني

مع كبش مصلاح بفرقة مربية

وقم الرباع مربيتنه سميني

اوصل نصيحة من نصح له وحاميه

عن دقة في مجلس الخايبيني

ليت الردى وسم على وجه راعيه

اللي يدق بغيبة الغافليني

فطنتني شي وانا قبل ناسيه

وانته غديت لهم قلبي عويني

جمل جوابك واصرفه يم واليه

اللي سعى بك وانت ماء مهيني

متكفل بالعبد من حين ينشيه

لما يرده لاسفل السافليني

والرزق عند مسير العبد مجريه

محيي الفياض البالية بالغشيني

والدين مانأخذ ندور الشرف فيه

الا نسدد به خلول تبيني

حنا سبب همه وجمعه وطاريه

لو يجزي المعذار ماكان ديني






الشاعر
مصلط ثويني الزغيبي،






-

[طلال الثعلي]

خالدالعصيمي


شكرااا لنقلك المتميز دائما...

وصح لسان مصلط الزغيبي..

تحياتي...

[خالدالعصيمي]

طلال الثعلي

مشكووووووووووورعلى مرورك

الذي انار القصيده مع الشاشه

[((الدلبحي))]

ماقصرت ياخالد
تسلم يمناك
صح السانك والسان الشاعر مسلط
تقبل تحياتي

[خالدالعصيمي]

الاخ ((الدلبحي))

مرور معتاد منك

مما يعطي المشاركه رونق خاص

لك فائق تحيات خالد العصيمي

[متعب العضياني]

تسلم مليوووووووووون وبيض الله وجهك
قصيده بقمة الجزاله الله يعطيك العافيه على نقبها
وتقبل تحياتي

[خالدالعصيمي]

الاخ متعب العضياني

وجهك ابيض ويمينك سالمه

شكرآ على مرورك الكريم

لك اجمل تحيه من خالد العصيمي

[وصل العطياني؟؟؟]

بيض الله وجهك...
مجهود سخيّ تبذله معنا ...
فلك الشكر الأجزل ..




تحياااااتي.

التوقيع

na111na@hotmail.com

[خالدالعصيمي]

الاخ وصل

لاهنت على المرور المعتاد

لك اجمل تحيه