الطارف سدااد...مرحبا في مرحبا في اثنين والناتج هوايل

[المرشـ ساطي ـدي]

مرحبا في مرحبا في اثنين والناتج هوايل=للرجال اهل المواقف ربعي عتيبه حزامي
التفت شرق وجنوب وغرب وليا اجهات حايل=من يخاويني مع الطرقه وخط النار حامي

[راعي الشلفا]

البقا ياللي ترحب بالعرب والراس طايل=وانت ساطي قلب ياساطي وانا ساطي وظامي
سرها مسرى الذيابه بين يام وبين وايل=مثل مسرانا على عروى من الدار التهامي

آخر تعديل راعي الشلفا يوم 08-May-2008 في 01:56 AM.

[المرشـ ساطي ـدي]

شاش راسي يا بن عمي بعد جاء رد الرسايل=مثلكم يفرض علينا كل حشمه واحترامي
بعد طريت العلوم الماضيه يوم القبايل=ميلها يم الموالي قسمنا راس السنامي

[راعي الشلفا]

الله الله

الخيال الموسمي خيل وخيله فالمخايل=ياعساه أيساقي الديره ثلاثين الف عامي
والله أنا ما خذيناها من العالم جمايل=ماخذين العز من رد البرى شرقٍ و شامي

[المرشـ ساطي ـدي]

الله اكبر هاض بالي ارقب لطلع الاوايل=يابعيد الدار شف البال شوف السيل طامي
تشهد العدوان والصدقان في ذيك الفعايل=والحجر لو ينطق بيشهد مع وادي جهامي

[راعي الشلفا]

ياولد مرشد سليل المجد ليش الحمل مايل=لاتغير بعد ماطال السفر لجل النيامي
يرحم اللي نزلك بالرمح وارهيف السلايل=طبعهم (حمايت المركي) موردة الحسامي

آخر تعديل راعي الشلفا يوم 08-May-2008 في 02:48 AM.

[المرشـ ساطي ـدي]

ما يميل الحمل يا الشاعر مع عيال الحمايل=طالت الطرقه على عينك وانا اشهد ما تلامي
يرحم اللي عنك حد القوم في ضهور الاصايل=ربعنا كعامة العايل عساهم للرحامي

[راعي الشلفا]

الله الله

يشهد المولا وخلقه واكثر العالم دلايل=مابخسنا وزنت الميزان والعلم النظامي
المثل قد قال قولٍ ينحفظ مع كل قايل=ياتدوس الراي ياتنداس في يوم الزحامي

[المرشـ ساطي ـدي]

أعرف لوضح النقا معرفك يا درب التحايل=رح لناس غبت البلوى ورى كبار الاسامي
والمثل قد قال قول ما لقينا له بدايل=زبدته مقال(ن) يصنف على حسب المقامي

[راعي الشلفا]

كل وجهٍ غير وجه الله يامخلوق زايل=مير لا جيتوا ولد مزيد عطوه ازكا سلامي
الهبوب البارده هبت وسيل الارض سايل=ياعساها تحيي الدار الدهر غر الغمامي