مساجله بين مقبل وفالح..

[مقبل]

هذه القصيده موجهه من الشاعر مقبل بن جودان الرويس الى الشاعر فالح بن فويز الشيباني..والرد موجود لديه ارجو ان ينشره هنا..وهي تنشر لاول مره وقد خصيت بها المنتدى اتمنى ان تنال اعجابكم..

على ما الحمام اللي توشح به المسقوف=يثير العجب لا شافني فاتحٍ بابي
ينوح بحماسة مطربٍ هزه المعزوف= بعد زان جوّه والتفت يم هندابي
عليه الملامه يوم هودل وصف وقوف=واخذني على متن السحاب وتحفوابي
تحت رحمة انغامٍ تسلل تقول سيوف=تحز الخفوق المشتعل حز بنجابي
صحيح انها ما فجّرت عرق وسط الجوف=لكن العبت بالحيل في حسبة اعصابي
حسابك على الله يالحمام وعساك تشوف=كبر شوفة اللي ما هقا منك ينصابي
تحسب ان قلبي يابسٍ كنه الغضروف=على شاكلة شارون ابو قلبٍ ارهابي
وانا مثل باقي خلق ربي علي ظروف= واحس بألم فقد الأمل والله ادرابي
تحملت ابو كل البلا وامهات الخوف=وان اشتلت حمل زود ما قمت بثيابي
تقول ان حالي حال من حال دونه طوف=يضيق السما بي واندفن حي بترابي
ما عاد احتمل حتى اقول آه والاّ اوف=ما غير اتفكر بالزمن ويش سوابي
يروح الخيال بحالتي خارج المألوف=ليا صرت صاحي راح وان نمت يسرابي
من أول أخبّي مسألة همّي الملجوف=عن الناس انوء بحاجتي وافتل اشنابي
واليوم انفضحت وبان سري على المكشوف=تعبت وطفا عند الخطر راس مشهابي
قضى ما بقالي من صبر والرجا مقصوف=ابشكي على الله من أذى سوء الأسبابي
واحط النتيجه كلها داخل المظروف=نويت اطلب النجده شعر وارسل خطابي
على فالح بن فويز الشاعر المعروف=امير القوافي مقصد قروم الاعرابي
لانه شجاع وشاعرٍ بالكرم موصوف=يحب البيوت اللي مصادرهن اصعابي
يابو مقرن اوكلتك ولو مانته بمكلوف=تساعد معي مشكور ما عنك مجنابي
انا من زمان ابحث بلا فايده واحوف=جميع الأماكن جيتها وانشد اصحابي
عن التاج ابو لمعه جعل فاقده مخلوف=اللي طاح مني فوق مشنقة الارقابي
بليلة خميسٍ مظلمه بدرها مخسوف=تلاشى قمرها في نظر كل هوابي
ترنح مكانه ثم قام يعدي محفوف=باخطار تلفه لف منزوع الانيابي
لمحته بعد فات العتب حاجبه ملفوف=يجر الكسيره دمعته دم تنسابي
ركب له سفينة بر دولابها محذوف=كبيرة حجم تنقاد واللون عنابي
عليها رقم سبعة عشر مع نقط وحروف=عددهن ثلاثه كان ما اخطيت بحسابي
توارت امامي واقتفى دربها عاصوف=ولا عاد من ركابها علمٍ يْجابي
سمعت انها مرت صعافيق وام كهوف=تنصت بلاد الشين روبرت موقابي
هذا ما عرفته من اقاويل عمْر وعوف=كلامٍ وصلني وانطبع داخل كتابي
ياخوك افزع لشخصي ترى صاحبك ملهوف=تجلّى مصابه وانحنى قدم الانشابي
بغيتك تنشّد لي ورى تاجي المخطوف=عسى في رجوعه خير من بعض الاطبابي
تراني انا وانته على هالزمان ضيوف=لزوم نْتكاتف واقبل رْضاي واعجابي
وان ابطيت ما جاني خبر يفرح المسعوف=ابا اعيش كنّي ميْت واموت عزابي

مقبل بن سعود بن جودان الرويس..

[سلطان العصيمي]

صح لسانك

قصيدتك جزلة ووافية

مشكور ماقصرت وكثر الله من امثالك

[/عبد العزيز الجذع/]

صح لسانك يالذيب..

تحياتي..

[فهيد مقعد الرويس]

بليلة خميسٍ مظلمه بدرها مخسوف=تلاشى قمرها في نظر كل هوابي
ترنح مكانه ثم قام يعدي محفوف=باخطار تلفه لف منزوع الانيابي
لمحته بعد فات العتب حاجبه ملفوف=يجر الكسيره دمعته دم تنسابي
ركب له سفينة بر دولابها محذوف=كبيرة حجم تنقاد واللون عنابي
عليها رقم سبعة عشر مع نقط وحروف=عددهن ثلاثه كان ما اخطيت بحسابي
توارت امامي واقتفى دربها عاصوف=ولا عاد من ركابها علمٍ يْجابي
سمعت انها مرت صعافيق وام كهوف=تنصت بلاد الشين روبرت موقابي
هذا ما عرفته من اقاويل عمْر وعوف=كلامٍ وصلني وانطبع داخل كتابي
ياخوك افزع لشخصي ترى صاحبك ملهوف=تجلّى مصابه وانحنى قدم الانشابي

صح السانك

مدد بلاعدد

جزل يابوسعود والجزل مايحضر الاجزل

ونرجو موافاتنى بالرد حين وصوله

ننتظر المزيد من الابداع

تقبل تحيتي وتقديري

[مرزوق حمدان العتيبي]

...
.
ابو سعود .. شاعر يثير الاعجاب .
ونجد الشعر الحقيقي ... عندما نرى اسمه ...
صح لسانك مدد بلاعدد ... يالبحر ....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[أبو نجر النفيعي]

..

الله الله عليك يابو جودان ..

ابداااااااااااااااع منقطع النظير .. وصح لسانك على هالدرر مدد بلا عدد

وفي انتظار جديدك القادم ..!!



أخوك

التوقيع

.....

[جــودآآنــ]

وانـا مثـل باقـي خلـق ربــي عـلـي ظــروف
واحـــس بـألــم فـقــد الأمـــل والله ادرابـــي
تحملـت ابــو كــل الـبـلا وامـهـات الـخـوف
وان اشتـلـت حـمـل زود مــا قـمــت بثـيـابـي

مقبل
صح لسانكـ

قصيده جزله من شاعر اجزل...



ننتظر جديدكـ

[فالح بن مسيب الدحيلي]

موضوع جميل جداا