ارجوا قبول هذه المتواضعه مع اصدق تحياااتي
ياهواجيس الضماير فزعتك مطلوبه = افزعي مفزاع يامي ينتخي له يامي
لك خوي ٍ صاحبه ماقصر ابماجوبه=ولك عشير ٍ للقصيد الجزل جايع ضامي
ان نوى المنهاج دايم ماتضيق ادروبه = يطوي البيدا ويسبح كل بحر ٍ طامي
والمخايل ماتطفي ناره المشبوبه = منهجه سامي وتاريخه وفعله سامي
كل ماتطري عليه الجادل الرعبوبه=قال طاب الفال وايام السعد قدامي
وانت ياللي جيتي عندك ماهي محسوبه = منت لا خالي ولا انته واحد من اعمامي
سيرت بي في ديرك الخطوه المكتوبه=لين شفت المرقب العالي لغيري زامي
صاحبي لو ان خلان الرخاء باروبه = لو نظامه يختلف ما اخلفت معه انظامي
لو من يذنب ومن يخطي يحسب اذنوبه=ماتعنا اللي حلم لمفسر الاحلامي
ومن نسى جرح الزمان اللي ستره ابثوبه = ماذكر مايحفظه له ماضي الايامي
قلتها من صدري اللي ماصفاء مشروبه = من مشاعر صادقه ومصدقه بأبهامي
القصايد في حنايا اليعربي مكتوبه =وان تغنا اليعربي بالشعر ماينلامي
ان تركها من يرد احقوقه المسلوبه = وان كتبها مارضى تنكيسة الاعلامي
لو انا روحي عليها لي سنه مغصوبه =قبل تحقيق الامل عيا يصيب الرامي
ودي اكتبها قبل لعلن واقول التوبه = وودي اقراء ماتخطه فالكتاب اقلامي
في عذوبة شعر مشعان وجمال اسلوبه = وفي سعة صدر وكرم ضيف الله الغنامي
| التوقيع |
ياناشد ٍ عن عتيبه تعرف اعتيبه =قبيلة ٍ تظهر المسجون من سجنه !
قوم ٍلها العزّ والامجاد والهيبه =وتشهد لها الناس ( قبل العرض واللجنه )!
واللي تشوفه على (الصحرا ) نماريبه =هذاه مترك سليل المجد ابن حجنه !
mrm@mergab.com |
« آخـــر الـــمـــشـــاركــــات »
20-May-2008, 08:23 PM
العرض العادي
