اخواني مشرفي واعضاء منتدى الهيلا/قسم المحاوره
نضع بين ايديكم المحاوره التي تم اختيارها من قبل الإدارة كمحاورة
مميزة للاسبوع.
وهذا لايعني انه لايوجد محاوره تستحق غيرها.
بالعكس فأغلب المحاورات كانت رائعه ولكن كما تعودنا الاختيار لمحاورة
واحدة فقط.
مرزوق حمدان العتيبي
يامرحبا ترحيبة التقدير والقصد الشريف = بالشاعر اللي لابغا التشخيص يقلب غترته
هذا السماري ياجماعه مانشوفه في جنيف = حده حدود المملكه ماهي بعيده نظرته
السميــــــري
الك البقا يلي ترحب والله بخلقه لطيف = ولاّ ترى بعض العرب يحفر وطاح بحفرته !
وانته وين أنته ماتعدّى من بقيق اليا القطيف = وفي تالي الأيام و(الشيعي) تفضّل عشرته
مرزوق حمدان العتيبي
المشكله غرتك نفسك تعتقد مالك وصيف = وانته كما اللي لوبغا يطمر قصيره طمرته
آ ثرك قلبك ممتلي بالحقد واحسبه نظيف = ليتك تشاور واحد ٍ عاقل وتاخذ خبرته
السميــــــري
(رشيد) مايبلاه في نفسه كما المبلي ( منيف ) ! = ومرزوق مثله فالمشاكل ماينزّل عجرته !
ماودي والله ياولد حمدان أحدك للرصيف = آمسح على راس اليتيم اللي خنقته عبرته !
مرزوق حمدان العتيبي
مازعل حبيب سوى تركي بمنطوق ٍ سخيف = وحبيب العملاق ماتمشي علاه العفرته
يا صاحبي ماودي اكلفك بالحمل الكليف = الداب ندمغ قلته وتموت فوقه شجرته
السميــــــري
والله يامرزوق لولا الدين والشرع الحنيــف = إني لحشر اللي يدور عند ربعه حشرته
عمر الهبايب ماتحرك من حصى الضلع المنيف = (ياليت يفهم للعباره قبل يلقى عبرته !)
مرزوق حمدان العتيبي
انته علامك منزعج مني ومنطوقك عنيف = غديت مثل اللي على عمه يحدد شفرته
بالله انا بنشدك لو جالك من العتبان ضيف = تبا تكمل سفرته ولا تهمل سفرته
السميــــــري
لانك مراوغ والمراوغ ماله الا حد سيف = واللي يحط الجمر قدمي تاطا رجله جمرته !!
يصير هوّ معزبي وانا له الضيف الخفيف = ولاّ أنت وش رايك بضيفٍ دق لك من نمرته ؟
مرزوق حمدان العتيبي
ياصاحبي ماوصلت انك تجرد السيف الرهيف = دام العلوم مناقشه والرجل نفهم نبرته
انته تقوله بس واقعكم ترى واقع مخيف = اللي طلب خوتك هاك اليوم ترفض حضرته
السميــــــري
الظاهر أنك خفت واطرافك من الذله رجيف = لكن قلبي لك يابن حمدان فاتح حجرته!
حال الضعيف أقشر منه ياصاحبي .. حظ الضعيف = واللي يضيع للأمانه كيف تقبل عمرته . !
مرزوق العتيبي
قدام ابو تاج وثلاث انجوم وقف ياعريف = تراك مثل العود ماتصعب عليّه كسرته
ضاعت علومك يالسميري مالقيت اللي تضيف =ولياعجزت اتسد نوبك كل شخص وقدرته
السميــــــري
مرزوق ؟ لولا شيبتك إني لانتفّها نتيف = لكن شايبنا نقدّر وسط وجه شعرته!
وش لون ضيعت الأمانة وانت من أول حليف = لكن من يبغى يذيع العلم عندك نشرته !
« آخـــر الـــمـــشـــاركــــات »
18-Apr-2008, 09:57 PM
*****-----*****_المحاوره المميزه لهذا الاسبوع_*****-----*****
العرض العادي
