يانور عيني

[نايف بن ملحق الثعلي]

يانور عيني تراني ناحفن حالي=لاكن طالبك روحي لاتعذ بها
بعد الجفاء والمفارق ضايق بالي=خفف همومي علي انته سبايبها
ارفق بحالي وتكفي لاتحمالي=نار المحبه تري شبت شبايبها
تراك من زين وصفك دايمن غالي=يازين سود العيون وزين حاجبها
والخد مثل القمر والرمش قتالي=نظرت عيونك عذاب اليا نظرتبها
ماشفت مثلك بشر في اول ولا تالي=عين الهواوي ليا شافتك تجذبها
ما ضن مثلك يجي في كل الاجيالي=واصدق الناس في مثلك وكذبها
من بعد خلي ماعرف المر والحالي=اضحك مع الناس والايام احسبها
الوقت ماطاعني ولي تهيالي=مايرحم الناس لو كثرت مصايبها
عودت غصبن علي ابرك اجمالي=يوم ان بعض العرب سجت ركايبها
يالجادل الي عليك القلب ميالي=ياليت الايام صافيت مشاربها
تعبت وتعبتني رجلي وخيالي=اثر المحبه تعذب حال صاحبها
ياليت منزال خلي جنب منزالي=تبا تمر الليالي مادريتبها
ونسي همومي ويحلي شرب فنجالي=كل الحبايب تبا شوفه حبايبها
انته سوات القمر ماهو يورالي=يبدي علي مشرق الدنيا ومغربها
مارضي عليك الجفاء يوم انت ترضالي=والعين ماودها الا شوف غايبها
زادت همومي علي الوان واشكالي=ناسٍ تخاطبك بالمعقول خاطبها
وانت السبب منك جاء ياطيب الفالي=خليتني كل كلمه قمت اذيعبها
من كثر حبك عطيتك حالي ومالي=وتقول هاذي تراها مارضيتبها
ياليت ياصاحبي تدري عن احوالي=ما كان الاصحاب مثلي ماتعاتبها
لوني احذف شماغي واحذف اعقالي=الي يعرف المحبه ماتغاربها
باليتني ماعرفت الحب وشوالي=ماكان الا عيان والا فكار اتعبها
ابشر تراني عزيز ومنزلي عالي=امشي علي مله الناس ومذاهبها
ياالله يا خالق الانسان يا والي=سهل دروب المحبه لا تصعبها

التوقيع

ما هوب لازم توقيع00

آخر تعديل نايف بن ملحق الثعلي يوم 14-Mar-2008 في 04:46 PM.

[فهد الزيادي]

بيض الله وجهك يانايف على القصيده الجزله

[محمد صالح العطاوي]

صح لسانك يانايف

[نايف بن ملحق الثعلي]

فهد الزيادي وجهك ابيض

[نايف بن ملحق الثعلي]

محمد العطاوي صح بدنك

[محب الهيلا]

صح لسانك

قصيدة رائعة بروعة ناظمها

مشكور وماقصرت

[نايف بن ملحق الثعلي]

محب الهيلا
صح بدنك ياغالي
مرورك يسعدني

[عبدالله الجـــذع]

نايف الروقي


ليس بغريب عليك الأبداع يالغالي..

قصيده جميله جدا..

صح لسانك ولافض فوكـ ودام ابداعك ..

يسلم راسك..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[معلا إبراهيم الأسعدي]

مبدع صح السانك بارك الله فيك

التوقيع

[نايف بن ملحق الثعلي]

عبد الله الجذع صح بدنك بالغالي
مرورك يشرفني