التغروده والبحر الهلالي .!!!!! ( تعال وشوف ) ..

[بدرالهبيري]

/
/
/
/

أول شيئ اطلب من الاداره ان ترى هل هذا كلام فيه

شتم او سب او كلام تحليلي لاعلاقة له بالاشخاص

وقبل كل شيئ تراعي الراي والراي الاخر في مسئلة

الحذف والتعديل وماشابهها ,, ولولا الثقه بمنتدى الهيلا

والحريه الموجوده به لما تقدمنا بطرح مواضيعنا هنا ..

\\
\\
\\
\\

الدكتور غسان الف كتاب قرابة خمسمئة صفحه

يتحدث به عن وزن يقال له التغروده , من اين جاء به غسان او

كيف اكتشفه الشاعر اللي قاله ..

هزري على زايد - يــشابه يده - رغيب لي سد العرب ماسده
يسلم لي زبينه والطليب يرده - ولي معاصي يبشره بالشده

يده : كنت اضن انها يد زايد ولكن بعد التحليل اكتشفت
انها جده يعني جد زايد وشارها نطق الجيم ياء وكذلك
الدكتور غسان الاردني نطقها يده سبحان الله ..

الشاعر قايل البيت لااعلم من .. لكن الاكيد ان هذا ليس بحر او وزن

جديد وليس اختراع ..

وكذلك ليس بيت شعري كامل بل هذا البيت على بحر الهلالي !!!

لوجاء شاعر بالمسابقه وقام بجعل البحر الهلالي او الصخري

ملتزم بالقافيه في الشطرين من اول القصيده لآخرها لأقامت

اللجنه الدنيا ولم تقعدها لأنه معروف عند جميع النقاد ان

البحر الهلالي ملتزم بالقافيه في الشطر الاول والشطر الثاني

من البيت الاول فقط وتختلف من الشطر الاول في البيت الثاني

الى اخر القصيده مثال :

شاب الكلام ولابقاله تـــــــــالـي - والصمت خيْم وابتديت امـــــثالي
الله كريم ورايته مـــــــــنصوره - واسمه تجي معه البيوت اجزالي
والعرف يقصر عنه من لايدرك - والعارف امعلق عليه آمــــــــالي

الابيات اعلى هي على بحر الهلالي وهذه الطريقه الوحيده

التي يكتب عليها الهلالي منذ ان عـُـــرف الشعر ....


أعني أنهم جعلوا الهلالي مثلا ً تكون قافيته ( الي )

من اول القصيده لين تنتهي بالشطر الاول والشطر

الثاني مثل : هزري على زايد اللي جابوها ..

وهذا نشاز بالشعر بلاشك ..

والغريب في الامر ان اللجنه عابوا على احد المشاركين

في مامضى التزامه بالقافيه على طول القصيده

لماذا هنا وافقوا وتغير الامر .,

والمشكله انهم اجبروا الشعراء على مجاراة هذا الاختراع

اللي ماادري من وين جابوه رغم ان الشعراء واضح على

وجيههم السخريه وخصوصا ً خلف المشعان عندما بان

عليه الاشمئزاز ...

حولوا اسمه من البحر الهلالي الى التغروده وجعلوا

القافيه ملتزمه بجميع الاشطر , يعني تحوير للشعر

عيني عينك الا تخبيص واضح .....



بكره بيجون يقولون ان هذا بحر جديد ومستنبط من الهلالي ..



بنفس البرنامج جاب بدر الخالدي قصيده على الهلالي

وقالوا كلهم انها على البحر الهلالي ومنهم بدر صفوق

عندما قال ان الهلالي لايصلح للشكوى بل للفخر وهي

قصيدة القمه :

ستين عام ٍ والقمم معقوده - لكن ويش الفايده بالقمه

وبما انهم يعرفون ان هذا البحر هو الهلالي

لماذا جاءوا بهذه الفكره المحرفه بالبحر الهلالي وغيروا

اسمها من الهلالي الى التغروده ..
,
وهناك فرق بينه وبين الهجيني وفرق شاسع وكبير

ولايمكن ان يشبه بحر الهلالي بالهجيني مهما كان ابدا ً ..



حبيت اوضح بس

تحياتي وتقديري .. بدرعيد ..

آخر تعديل بدرالهبيري يوم 24-Mar-2008 في 04:52 PM.