يوم الذيابه ناويات اعتراشاء

[أبو فيصل الدلبحي]

السلام عليكم ورحمة الله وبركاته

اطرح بين ايديكم هذي القصيده واتمنى من كل قلبي ان تنال رضاكم


وهذي القصيده مناسبتها ان فيه شخصين كنت اعدهم اخوان لي وكنت اعرض نفسي للموت دونهم اكثر من مره وجازوني انهم باع الخوه عشان شي مايسوا




ياوايـل اخـذ الـي خـفـا بالـمـحانـي
مـن باعني بنـسان بـعته بـلاشـاء
والله مـشري خـوت الـي جفـانـي
بـنساه دامـه بالنـميـمه تـماشــاء
زود عـلي بكـاس مـر(ن)سـقـانـي
من زود مر الكاس جاني طراشـاء
دمـحت لـه بالـفـعل لـين ابـتـلانـي
والـيـوم مــابـيـن وبـيـنـه نـقـاشـاء
يـحسب بـانـه باعـني وشـتـرانـي
مسكين عنده بالنظيره غـشاشـاء
والثاني الـي يحسب انـه طـوانـي
مايـطرد السربـان غـير الـعطاشـاء
عـنده بـانـه ضـامـني واحـتـدانــي
بـيطـول نـجم(ن)مـايطوله نواشـاء
مسكين يـحلم مـن قديم الزمانـي
واليـوم حـلمه قـدم عيـنه تـلاشـاء
حاول يطول اطويق عشر وثمانـي
لـكـن صـابـه فـضـلـوع ارتـعـاشــاء
ماهـو بـكفـو اطـويق هـذا جـبانـي
ينحاش لامـنه سمع لـه وشاشــاء
كانه نسى فـي يـوم وقـفت بيانـي
يـوم الـذيـابـه نـاويـات اعـتـراشــاء
حضرت له في ظرف عشرة ثواني
يـوم الصـدور امن الغبينه تفاشــاء
واليوم عقب الـي فـعلتـه نـسانـي
نسى مواقيف الرجـال الحراشــاء

[ماله امان]

ابو فيصل الدلبحي


صح لسانك واعتلا شانك 0تحياتي،،،،

[أبو فيصل الدلبحي]

ماله امان

صح بدنك ولاهنت على مرورك الكريم

[محب الهيلا]

صح لسانك

ومن باعك بيعه

مشكور وماقصرت

[أبو فيصل الدلبحي]

صح لسانك

ومن باعك بيعه

مشكور وماقصرت



صح بدنك ,,

مرورك يعني لي الكثير يالغالي..

[خالد عبدالله القداح]

ونعم بك يابوفيصل وصح لسانك وسامحني على القصور وتراني اجهل في ارسال رساله خاصه ولذالك كتبتها كما صارت اخوي ياالذيب لايجي في خاطرك شي وترى من واخذ رفيقه باول زله خلاه الزمان بلا رفيق هذا اذا صار متعمد الزله اما اذا كانت عفويه مثلي فلا يلتفت لها وقد قال صلى الله عليه وسلم عفي عن امتي الخطا والنسيان الحديث وتراني ما انتبهت للموضوع حتى نبهني احد الاخوه وقال المفروض انك ترد على الشخص برساله خاصه ولكن زلقت ياابن العم وتراني الى الان ارى ان كلامك وجهة نظر وكذالك كلامي المهم عساك سالم انس الموضوع كانه لم يكن تبقى وتسلم

[معجب العتيبي]

صح لسانك ياغالي


ابيات معبره عن مافي النفس

وخل صدرك وسييييييييييييييييييييييع

التوقيع

[أبو فيصل الدلبحي]

اخوي الشاعر هوشان : (ماعليك زود وصح بدنك ) ماجا منك قصور يالقرم وخاطري مايشيل على مثلك وشرواك وانت ابيض وجه وماحصل منك غير كل علمن غانم
ولاهنت على مرورك الكريم العطر











تقبل خالص تحياتي وتقديري يالقرم

آخر تعديل أبو فيصل الدلبحي يوم 10-Mar-2008 في 12:55 AM.

[أبو فيصل الدلبحي]

معجب : صح بدنك والصدر شمالي وانت خابر صدر الشمالي







ولاهنت على تعليقك ومرورك الي اعتبره وسام على صدري

[عبدالله الجـــذع]

ابو فيصل..

ماشاء الله قصيده وجدت فيها احساس صادق وعميق لدى الشاعر وبصراحه جزله من رجال جزل..

صح لسانك حتى ترضى ودام راسك وبقا..

شكرا لك بعنف.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا