فاطري يافاطري مجاراة لقصيدة الفراعنة ناقتي يانافتي

[مخاوي الملوك]

[align=center]قصيدة فاطري يافاطري لشاعر عبدالعزيز سعود الحمد السبيعي
فاطري يافاطري فـي خـلا مابـه ونيـس
.....درهمت مثل النعامه تـدوس القفـر دوس.
اذكر اللي سخـرك واتعـوذ مـن بليـس
.....كل ماقامت على القفر فالمقطـع تحـوس.
روحت من نجد عجله ويرعبها الحسيـس
.....تسبق الميج المسمى صناعة نسـل روس
مانبي ديرة قطـر مانبـي ديـرة عويـس
.....وجهتي لبوظبي بدخل الحـرب الظـروس
شاطي الراحة وقد مثل نـار فـي حميـس
.....يوم جاهم ناصر الشعر واعطاهـم دروس.
اطمني ياروس قوم على المعنـى دسيـس
.....مارد الشعار رمحه على الشعر امغـروس.
البحر طم الجبـل يالمقـوس وش تقيـس
.....اتعب السباح بحر المعانـي لـو يقـوس.
هيه يالي تحسبون الشعر طبخـة مريـس
.....معجزة والمجزه صـار بيـن ومحسـوس.
المعادن وافـره والذهـب يبقـى نفيـس
.....في بنوك المال يبقى مجـود ومحـروس.
خبر الخباز يتعـب علـى خبـز التميـس
.....علم ناصر عند ركب وصل داره عسـوس.
القلوب الحاقده من صـدى فيهـا تخيـس
....والشعر في صدر ناصر موطن ومحروس.
جرت اذيال الفشل والرحي تظرس ظريـس
.....لاتعلاهـا القطامـي تعلـي فـرخ قـوس.
جرها جر الرشـا والحبـل حبـل مسيـس
....واحتماها عن هل الزور واضعاف النفوس.
ازبنت في ضف ناصر عن الهيس الخسيس
....واطمحت له معجبه والبست زين اللبـوس.
عقب سود البس والغبن والحـظ النحيـس
....انورت ثم اشرقت كنها شمس الشمـوس


[color=#FF0000]مجاراة لقصيدة ناقتي ياناقتي الشاعر الكبير ناصر الفراعنة السبيعي


علماً انا الشاعر القدير عبدالعزيز سعود السبيعي كان ضمن قائمة المئة شاعر
وفي اعتقادي ان الشاعر عبدالعزيز كان يستحق الدخول وبقوة ضمن ال 48
شاعر والدليل بين ايديكم وكذلك لوجود اسماء لم ترتقي مشاركتهم
لمستوى المطلوب
في برنامج شاعر المليون

[ذيـب الـهيـلا]

أشهـــد أنه شاعر متمكــن

كثيـــــــــــــــــــــر

شعار يستحقون ال48


و كثيــــــــــــــــــــــر

ما يستحقون ال48


على العموم صح لسانك و لسان الشاعر

[كاسر الحوم]

.....يوم جاهم ناصر الشعر واعطاهـم دروس.
اطمني ياروس قوم على المعنـى دسيـس

.....اتعب السباح بحر المعانـي لـو يقـوس.
هيه يالي تحسبون الشعر طبخـة مريـس

قصيدة قووووية في معناها

وهذي البيتين من اقوى البيوت في القصيدة

خبر الخباز يتعـب علـى خبـز التميـس
.....علم ناصر عند ركب وصل داره عسـوس.

وهذ البيت فيه رسالة واضحة

على العموم

صح لسان الشعر

ومشكور يامخاوي الملوك

[روح جاي]

صح لسان الشاعر