العرب تمشي على دف السمع والصوره

[صالح غزاي ابو كتيفه]

السلام عليكم ورحمة الله وبركاته

مساكم الله بالخير



تقبلووو هذه الابيات المتواضعه

العرب تمشي على دف السمع والصوره=ما نشوف المبدع اللي يقتبس من فكره
عالما عاشت على طي الأمل مقهوره=ما خطت حذو الأمام خطوتن مبتكره
ينظر المسلم لغيره ما يقوم بدوره=كن ربي خالق أفكار العرب محتكره
ما نشوف أعلام ترفع غير فوز الكوره=وين ماضينا المجيد اللي نعيش بذكره
وين عز أسلافنا اللي نفتخر بسطوره=ما بقى إلا ذكرياته بأيده من فتره
المساجد زخرفت وأوساطها مهجوره=ندري أن الله حسيب ولا نقوم بشكره
داهمتنا بالبلاو العالم المسعوره=كيف نصمت لين يحدث فالوطن ما يكره
وكيف نرخص دينا اللي عزنا دستوره=يأهل التوحيد فوقوا من عميق السكره
احكمو باب الفتن والشر سد ثغوره=لا قطع رأس البلاء ما عاد رز العكره
والجرب لا حل في وادن طلاه النوره=والمرض لا سار في الأجساد لازم بتره
والوقاية خير طب وحكمت(ن) مشهوره=كل مؤمن يتخذ من عهد ربه ستره
يا عسى وقتن جفانا ما تدوم دهوره=يعتر من شاف غيره والوعظ بالعبره
العداء متواردتنا والخطى مقصوره=نسمع لهمس الأذان وكل ناب بنتره
يخضع المسلم ذليل ويجرحون شعوره=منظر(ن) يدم الكبود ورويت(ن) في قتره
وأن رقص طاغ الطغاة وصفقوا جمهوره=كل حاقد صار يدفن حيلته مع مكره
قالوا أنا مصدر الإرهاب وهم البوره=مصدره من عندهم لو يفترون وكره
شوهو صورة محمد وعكسوا منظوره=كرم الله شان رسله عن دعاء ما يكره
دعوه محمد لربه دعوتن منصوره=يدحر الله شوكة الطاغي ويعلن كتره
الله اللي مرسل(ن) رسله ومتمم نوره=ما خشى كيد الطغاة اللي تحب وتكره
والعرب لو قيل تعذر ما هي بمعذوره=من يجامل دعوة الظالم يدان بنكره
اضعف الأيمان كلن قدرته مقدوره=من عجز عن رفع يده لنصرته فل يكره
ما علينا لو تدانت شلتن مغروره=زمرة الإرهاب دارة مثل دور المكره
مادهاها دين ولا عنترة مسحوره=ذاقت الطعم المسمم وبلشت بالحكره
كم مظل(ن) زيف اللحية وهي ديكوره=ما تلحى دين يمكر والله اطفى مكره
يخفي الدرس المسمم من ورئ السبوره=وان حصل له فرصت(ن) حلق وطش الغتره
يارجال(ن) تدحر الظالم وتكشف زوره =انفروا في طاعة الله والفرج من بكره
جددوا سيف الوليد وهيبته وعصوره=والشهيد اللي يتلذذ من خلال السكره
وابشروا بجنان عدنه وابشروا بحوره=من يجاهد في سبيل الله لعلاء ذكره
والسعيد اللي تطير مسك وكافوره=والشقي اللي تمتع في خطاه ونكره
يا مجير أرواحنا وأحوالنا مستوره=وان بلاك الله بشي لا تحب وتكره

[حمود بن صدغان العصيمي]

صح لسانك يابو عزاي

ملايين ولايكفن

جزله من راس جزل

تقبل مني كل الود

[عبدالله الجـــذع]

الله..

ابو غازي قصيده فيها لوم للنفس
وفيها من الحكم مدارس

شاعر عملاق بمعنى الكلمه

صح لسانك ملايين بلاعدد

محبك
.

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[فيصل المسعودي]

جزالة

مليئه بالدروس والحلول لما نواجهه ونعيشه من متغيرات

صح الله لسانك يالغالي

على هذه الجزلة والشامخة بشموخ ماتحتويه

تحياتي

أخوك

فيصل النفيعي