يا سايق الفنجال عدّه لفيحان ..!!

[أبو نجر النفيعي]

.

السلام عليكم ورحمة الله وبركاته ..

هذي قصيده .. قلتها في مخيّم ذوي دهيران ( من الحمادين من النخشه من النفعه من عتيبه ) .. عند حضور شيخ الحمادين للمخيّم الاسبوع الاول ..

وأرجوا أن تنال لو القليل على اعجابكم ..

.

الله واكبر عد همّال الامزان = وبسم الله الرحمن في كل جوله
أبدا بذكر الله علاّم الاكوان = الواحد اللي ماش شيٍ يطوله
يالله أنا طالبك يا عالي الشان = تغفر لنا في يوم يزداد هوله
انته وليّ الكون معطي ومنّان = وأنت الذي جاعل محمّد رسوله
ومن بعد مطلوبك تسامح وغفران = أبدا بذكر اللي تنومس فعوله
كريم سبلا من طويلين الايمان = راع الكرم والجود ذخر الرجوله
شيخٍ ولد شيخٍ ومن روس شيخان = واليا وقف كل الشيوخ أحسبوا له
من طيبته ذكره بوضح النقا بان = وزان اللقا ذالليل من زين زوله
يا سايق الفنجال عده لفيحان = اللي ليا ضاقت علاهم لجوله
يمناه تعطي ما تحسّب للاثمان = كله تحت خدمه عيال الحموله
ربعه بني عمه سلايل حميدان = اللي لهم فالوقت جوله وصوله
وما بعد أبن هذلول ياكود الاخوان = أقوله الليله وربعي تقوله
قايد و زايد لارجح كل ميزان = عمله ترجّح عملةٍ فالعموله
ميقافهم واضح على مر الازمان = والطيب سامي والعوارف سموا له
هم فخرنا دايم وحنا الهم اعوان = يوم أنهم جو للحسم واحتموا له
يالله عساهم يكسبوا كل ميدان = ويحقق الرحمن فاللي سعوا له
والمجلس اللي يجمع اعلومٍ أسمان = كل الرجال اللي تشوفه لفوا له
واكبر فخر هالليل شيبٍ وشبّان = اتكاتفوا واتلاحموا واعتزوا له
الجنب جنب الجنب وجنوبنا امتان = تدحم جنوبٍ فالملاقا ميوله
والروس شاشت بالحميّا والاحسان = والنفس عند الربع ماهي ملوله
والبندق اللي دون حبّه ونيشان = يم الهدف مرماه مصعب وصوله
قلت المثل قلته وكلّه على شان = ربعي هل الوقفات خص وشموله
لاد النخيش امع الوغا دوم شجعان = وللجزل سبّاقه ولاهي خبوله
وللطيب عنوانٍ وللحرب فرسان = وللصعب تصبر لين تلقى حلوله
مديّتها اشويّه وكان اللذي كان = عفويّةٍ جت من ضمري دبوله
وقلته وأنا شاعر وجدي حشيفان = و ربعي هل الطالات ذوله وذوله
وصلّوا على سيد البشر نسل عدنان = أعداد ما هل المطر من هطوله

.

وسلامتكم جميع ..

التوقيع

.....

[جمال النفيعي]

الله اكبر يابو نجر

الله اكبر يامنبع الشعر


بسم الله عليك من العين


صح لسانك


قصيدة جزله

[ابن نميان]

وقلته وأنا شاعر وجدي حشيفـان
..............................و ربعي هل الطالات ذوله وذولـه

ونعم والله ولاتكـفي بعد ..!!

أبونجر ..!! شـاعر ..!! حقـاً تستلهم الـقارئ والسامع لـ قصيدكـ .!!

وتجعــلهُ متعطشـاً لـ ماهو جديد لـكـ ..!!
ماذا نقـول ..!! لانمــ تلك غير تلـكـ الكلمة التي تردد بـ عدما ينتهي
كل شاعر من قصيدتـه صح لسانكـ صح لسانكـ !! وعلى شأنكـ

قصـيدة تفوح بـ رائحة الطيب والشهامه والكرم والشجاعه

من شاعرها إلــى من يستحقـها ..!!

وسلمت



كل التقدير والأحترام لـكـ

أخوكـ ابن نميان

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[سلطان الجـذع]

وللطيب عنوانٍ وللحـرب فرسـان=وللصعب تصبر لين تلقـى حلولـه
مديّتها اشويّه وكـان اللـذي كـانعفويّةٍ جت مـن ضمـري دبولـه
وقلته وأنا شاعر وجدي حشيفـان=و ربعي هل الطالات ذولـه وذولـه
وصلّوا على سيد البشر نسل عدنان=أعداد ما هل المطـر مـن هطولـه


الله الله ياابو نجر ....

أبــــــداع xأبـــــــــداع


صح لسانك على هذه الرائعه

[فيصل المسعودي]

صح لسانك امداد بلا اعداد


مليون نعم في عيال عمنا النخشه من النفعه

،،،،،،،،،،،،،

ابو نجر النفيعي

نصوصك الشعريه تستلهم قارئها من اول برهة

في شتى اغراض الشعر المتنوعة

دامت هذه الجزالة قرينة لما تكتب

ودام هذا الابداع حليف لما تقول

تحيات وتقدير

اخوك

فيصل النفيعي

[السميــــــري]

لاد النخيش امع الوغا دوم شجعان وللجـزل سبّاقـه ولاهـي خبولـه
وللطيب عنوانٍ وللحـرب فرسـان وللصعب تصبر لين تلقـى حلولـه


والله وكفووو . ,,

وصح لسانك أيا المبدع .
ولاتكفي ..

وش أقووول في الابداع واهله . ..

دمت يامبدعناا ..

التوقيع

ربيت في حضن الزمانُ وتربيتْ = وأخذت لي من مرّ الأيام قرطوع ومن دون حدي ماغلطت وتعديتْ = ولا آطى الخطاء لو كان للناس مشروع وأمشي على نهج الرجال النعاتيتْ = واتعب لها لو هي كما حبةَ الكوع ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع

[راجح النفيعي]

الله الله الله يا بو نجر

صح لسانك .. دائماً مبدع

انت شاعرانا يا بو نجر

هاذا القصيد ولا بلاش

[خيال الجريبا]

صح لسانك على القصيده

[محب الهيلا]

مشكور على القصيده وما قصرت

[خالد المقاطي]

ابو نجر انت مبدع

وقلمه مبدع لاتوفيكــ

حقكــ إلى الامام


يازحل



لي عودات إلى هذه الرائعــ هـ


اخوكــ : خالــد المقاطي