غالي ويستاهل

[محمد بن رشيد]

الله على اللي قيمته ربع مليون =جيب ٍ جديد من الجيوب الجديده
غالي ويستاهل على مايقولون=وهذي السنه يمكن وكيله يزيده
من وارد اليابان منتج ومامون=واليوم شايف صورته فالجريده
ابداع فالتصميم والشكل واللون=فريد نوعه والمزايا فريده
شاشه وكاميرات مثل التلفزون=تكشف لسواقه مزايا عديده
وامثبته علامته فالدركسون= تشبه لدوار ٍ بمدخل بريده
حرف ال يعني جيب لكزس ومضمون= مايشتريه اللي قليل ٍ رصيده
هو منوة اللي للفخامه يعشقون=وناوين به طوي الفيافي البعيده
والا ليا شافوا لهم برق ومزون=وعن الحيا جاهم علوم ٍ اكيده
وتواعدوا على السفر بالتليفون= ومن طيبهم دايم والارياء سديده
عن ضيقة الخاطر ليالي يسجون=وكلن مجهز للمسافه قصيده
ايقصرون البعد بطروق ولحون=واللي يغني البيت واللي يعيده
اما على طرق ٍمغنيه ابن عون=والا لبن جدلان راعي النشيده
هذي طراة العمر ياللي تمنون=وكم واحد ٍهذي مناته وعيده
وباقي الحياه احلام وامال وضنون=وانا اعتبرها اعراب جمله مفيده
دنياً تناطحنا بلا راس وقرون=وحنَا نقابلها بروس ٍ عنيده
احد ٍ يصارعها من الالف للنون= واحد ٍ مقيدته واحد فك قيده
دام الاجل مكتوب فالرزق مضمون=والادمي قانص والارزاق صيده
والناس لو يبنون والا يهدون = ماقاوموا صفق الرياح الشديده
ولو للردي مال ٍ مثل مال قارون=روحه ماهي من ثروته مستفيده
ان مات مات بذل وان عاش مغبون=لاموت عز ولا حياة ٍ سعيده
واهل العقول الواعيه مايغرون = ويجهل بها اصحاب العقول البليده
يالله هونها على القلب وتهون= ياخالق ٍ خلقه ورازق عبيده
صار ال زبيده راي في عهد هارون = ولولا الخليفه وش تعود زبيده
ولو مصر ماتحزن على موت فرعون = مالوّح السادات للشعب بيده

التوقيع

ياناشد ٍ عن عتيبه تعرف اعتيبه =قبيلة ٍ تظهر المسجون من سجنه ! قوم ٍلها العزّ والامجاد والهيبه =وتشهد لها الناس ( قبل العرض واللجنه )! واللي تشوفه على (الصحرا ) نماريبه =هذاه مترك سليل المجد ابن حجنه ! mrm@mergab.com

[عبدالرحمن الهيلوم]

صح السانك يالغالي

[وصل العطياني؟؟؟]

صح لساااانك ...

قصيدة رائعة وتشرفت بقراءتها مرة ومرة ومرات ...


لا هنت وبيض الله وجهك ...





تحيااااااااااتي

التوقيع

na111na@hotmail.com

[عبدالله الجـــذع]

صح لسانك مليون يالغالي ..

قصيده في قمه الروعه..

التوقيع

قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) . . قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم ! فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه ) . موقع يضم جميع القراء هنا

[محب الهيلا]

صح لسانك

مشكور وماقصرت

[هايل الهيلا]

الاخ محمد بن رشيد


صح السانك وبيض الله وجهك


ويستاهل الجيب



وتقبل تحياتي

آخر تعديل هايل الهيلا يوم 26-Feb-2008 في 12:21 PM.

[خالد بن ضمين]

صح لسانك ولا هنت يالغالي