.::. ليــــــل الخمـــيس .::. !!!!

[ناصر الجلاه]

..

ليل الخميس اللي سرى ليله بروقٍ مع رعود=تراكمت سحب الغلا متأخره في ساعته
قامت تهل امطارها يالين باحٍ السدود=ثم ديمت وسط الهجوس اللي همومه لاعته
الله وأكبر يوم نشت بالوفا ترقا سنود=خدام شيخٍ تتعب انفسها وتكسب طاعته
اثر الهوى طعمه حلا واثر الهوى سم الكبود=طبيت سوقه واشتري واسوم يابياعته
عسى نهارٍ ساقنيله ياجماعه مايعود=احسب أنا الرابح لكني سلعته وابضاعته
يامترفه لك بالغلا حب و وفا ماله حدود=لو أوصفه كلٍ يحاول نشرته بإذاعته
يامترفه زرعتلك بالصدر فستان وورود=فالقلب وردك مبتهج وضلوع صدري راعته
يامترفه كلٍ يجود بوقتنا باللي يجود=وانا بجودي مد كيلي طافحٍ عن صاعته
واللي دعاني يالطيف الروح ياسمح الخدود=ذاك الجمال اللي جذبني صورته وإبداعته
سبحان من كمل وصوفك زين ياغض النهود=ماهوب زين اللي تصنع مفتخر بصناعته
وألا العذاب اللي ذبحني كل ماشفتك يزود=إنك بأساليب الدلع سمنٍ وناري ماعته
أبيك بإسلوبك كذا نارد على كل العدود=وأذوق معسولٍ غنايم خافقي وطماعته
ياقبلة الله يوم يقفي يحسب خطاه بركود=وقام يتهزع من ردوفه ياحلا تهزاعته
يامترفه خوفي من الله واقبلي يكفي صدود=حالي برى مير اجزعي فالحال ياجزاعته
قدمك ترى هاب الشجيع اللي ماهاب من الحشود=شجاعته جت نكبته يانكبته شجاعته
وعقب الليال البيض قفت والبديل ليال سود=اخذي كلامٍ يلزمك توثيقته وطباعته
((( لاتجحدين إنسان حبك مامشى معك بجحود=قلبه تراه وداعتك لاتفرطي في وداعته )))

التوقيع

القصيد اللي معانيه وبيوته = بالاشاده والشهاده يمتلكها ماكسبها من تحت كمه وكوته=لارسمها بالهواجيس وحبكها جمل الله حال من جمل ثبوته = وانتخى دون الجميله ماتركها كل متذوق لنا يدلي بـ/صوته=السعوديه .."حمد" (شاعر ملكها) آلف آلف مبروووك لقب شاعر الملك يا د. حمد العصيمي لتواصــل على الايميــل الجديد n200m@hotmail.com

[زبن الدخيل]

اثر الهوى طعمه حلا واثر الهوى سـم الكبـود
طبيـت سوقـه واشتـري واسـوم يابياعتـه
عسـى نهـارٍ ساقنيلـه ياجماعـه مايـعـود
احسب أنا الرابـح لكنـي سلعتـه وابضاعتـه

أي بالله ياامبدع هنااا رقيت بمعنى الشعر
الحقيقي صح لسااانك واعفني من التعليق
لان شهاااااااااادتي فيييك مجرررررررروحة

[محب الهيلا]

صح لسانك

مشكور وماقصرت

[عايض بن زوير]

((( لاتجحدين إنسان حبك مامشى معك بجحود ..قلبه تراه وداعتك لاتفرطي في وداعته )))

الله الله

ياناصر الجلاه

صح لسانك مدد بلا عدد

رائعه وليت الليال كلها خميس

عشان تهيض القريحه ..وتطربنا بالجديد

أعجابي ..وتقديري

وتقبل

خالص التحيا

[أبو فيصل الدلبحي]

الله الله عليك يالجزل صح لسانك وقصيده كلها ابداع من مبدع
















لك خالص اعجابي وتحياتي

[خالد المقاطي]

الله الله





يالخال .. الظاهر وانا اقوووول طالع على من





دْره ياناصر



..

لاتجحدين إنسان حبك مامشى معك بجحود
قلبه تراه وداعتك لاتفرطي في وداعته

..


الله اكبر




صح اللسانك من محلي إلى محلك

يالمبدع







اخوك :





..

[ناصر الجلاه]

..

زبن الدخيل

..

صح بدنكـ يالغاااالي ..الابداااع تواجدكـ شرفتني مروركـ

لاهنت

..

[ناصر الجلاه]

..

محب الهيلا

..

صح بدنك

لاهنت

..

[ناصر الجلاه]

..

عايض المقاطي

..

صح بدنك ياعايض .. الرائع تواجدكـ ومروركـ المشرف

لاهنت

..

[ناصر الجلاه]

..

ابوفيصل الدلبحي

..

صح بدنكـ يالغاالي الجزاله من اصلك والابداااع تواجدكـ

لاهنت

..