ودعتك الله

[حمود الحبيل]

عزي لمن همه على القلـب بـارك=وصفت على صدره هموم ٍ مباريـك
في وسط قلبـه شبـت ام المعـارك=بين الغـلا وعنـاد فكـر ٍ وتشكيـك
ياصاحبي ليـت الزمـان استجـارك=ياليت لو يصدق وينصـف ويعطيـك
ليته الـى منـه تـردى استشـارك=ليتـه يبـري ذمتـه قبـل يدمـيـك
وليته الـى منـه تمـادى وجـارك=في ليلة ٍ يرضي شعورك ويرضيـك
مره يتـوه الفكـر ويعمـي قـرارك=ومره يفز احسـاس قلبـك ويعميـك
ليتك قبـل تصفـق يمينـك يسـارك=فكرت مره فـي غرامـك ومغليـك
ليتك نهيت الوقت ولا افنـا عمـارك=ورديت وقتك قبـل عينـي ترديـك
عشقت ليلك وانكشـف لـي نهـارك=وانشل فكري يـوم باحـت خوافيـك
غمضت بعيونـي وطـاح اعتبـارك=وكبتك منها يـوم عافـت مواريـك
لومات حبـك وان تحطـم محـارك=وان كنت خاين ماتجاهلـت ماضيـك
اذكرك طفـل ٍ تايـه ٍ فـي مـدارك=ريح ٍ تصافـق بـك وريـح ٍ تقديـك
علمتـك الحـب الطهـور ومنـارك=علمت ذاتـك كيـف يحكـم مباديـك
اسأل خفوقك يـوم ضـاق بفنـارك=مـن علمـه يشتـاق يدفـا ويدفيـك
اسأل شعورك في زمـان انكسـارك=من علـم البسمـه تلالـى بأشافيـك
اسـأل معاليقـك ٍ و همـك ونـارك=من دخل احساس السعـاده محانيـك
اسأل زمانـك يـوم حطـم مسـارك=منهو اللذي شيد طريـق لخطاويـك
واليوم في ظهري تصـوب عيـارك=يالعنبو جـدك. وانـا اللـي مربيـك
يامل قلـب ٍ كـان يعشـق ديـارك=يتـوه نبضـه كـل ماحـل طاريـك
يضمى شعوره وان ضميتـه تـدارك=يغوص في جم المشاعـر ويسقيـك
قلب ٍ وقف جنبـك بوقـت انهيـارك=قلب ٍ تعـذب ليـن طابـت لياليـك
قلـب ٍ رجيتـه ليـن عـزم وزارك=قلـب ٍ تمنيـتـه يـحـن ويلبـيـك
قلـب ٍ وهمتـه بالغـلا وانكسـارك=قلب ٍ عشقته قبـل يعشقـك ويجيـك
انت اللذي جيتـه. وجبتـه. لـدارك=وكلك امل يلقـى وطنـه بأراضيـك
صدق دموعك يـوم خانـك وقـارك=غره دفـا صوتـه وهـزه ترجيـك
ودعتـك الله دام هــذا اختـيـارك=قلبـي لـه الله وان طعنتـه بأياديـك
ودعت ليلـي والسهـر وانتظـارك=ودعت نشوات الفرح يـوم الاقيـك
ودامك بغيت احضر زفافك واشارك=بقسى على نفسي واجاملـك واجيـك
بجيـك اتبسـم واكابـر وابــارك=وخوفي يتوه احساس فكري واعزيك
وفـر دموعـك وش يفيداعـتـذارك=يالله عسـى خيـره وربـي يهنيـك
ياقلـب يالله خـان وقتـك وجـارك=ودع غرامـك ذكرياتـك وماضيـك
صدمـه ولكـن عدهـا بأحتـقـارك=والصدمـه الـي ماتهـدك تقـويـك
وان صاح نبضك واحترق وسط نارك=قلـه سعـادة مـن تحبـه تكفـيـك

وسلامتكم

[ابوبجاد الرويس]

الله الله

صح لسانكـ

,,,,,,,,,,,,,,,,,,,,,,,,,,

[مرزوق حمدان العتيبي]

ياقلـب يالله خـان وقتـك وجـارك
ودع غرامـك ذكرياتـك وماضيـك
صدمـه ولكـن عدهـا بأحتـقـارك
والصدمـه الـي ماتهـدك تقـويـك
وان صاح نبضك واحترق وسط نارك
قلـه سعـادة مـن تحبـه تكفـيـك


نص فاخر بكل المقاييس .... صح لسانك ياحمود ...
...

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[مخلف الهقاوي]

عزي لمن همه علـى القلـب بـارك
وصفت على صدره هموم ٍ مباريـك
في وسـط قلبـه شبـت ام المعـارك
بين الغـلا وعنـاد فكـر ٍ وتشكيـك
ياصاحبي ليـت الزمـان استجـارك
ياليت لو يصدق وينصـف ويعطيـك
ليتـه الـى منـه تـردى استشـارك
ليتـه يبـري ذمتـه قبـل يدمـيـك


حمود الحبيل

وقفة اعجاب بنصك

صح لسانك ياراع الابداع

احتراماتي

[عز ربعه]

والله أنك مبدع

الله يزيدك من فضله


دمت بود

....عز ربعه

[*النجـــــم*]

الله الله

بيض الله وجهك

قصيدة جزلة صح لسانك

لك: تحيـــــــــــــــــــــــــــــاتي,,,,,,,,