معركة طلال

[شاعر القوابعه]

الصلاة والسلام على أشرف الانبياء وسيد المرسلين سيدنا محمد
وعلى آله وصحبه , ومن تبعهم بأحسان الى يوم الدين
.............................اما بعد
نظرا لآن معركة طلال (الكبرى)1290هـ, أحد المعارك الكبيره
ليست في تاريخ عتيبه فقط , وأنما في تاريخ المعارك في الجزيره العربيه, في القرون المتأخره , ولأنها تدّرس من ضمن مناهج تاريخ
تاريخ الجزيره العربيه ,وذلك في أقسام التاريخ وكليات الاداب في الجامعات السعوديه , وكليات المعلمين في انحاء المملكه .
وحرصا , مني , على توثيقها , قمت بمجهود ’ اتمنى ان يحوز على
رضى المتلقي أيا كان .
وقد حرصت فيه ان يكون موثقا قدر الامكان , مستنبطا من
كتب التاريخ المطبوع منها والمخطوط .
فأقول بسم الله
اولا - التعريف بشخصية الامير سعود بن فيصل بن تركي ال سعود
الحاكم الرابع للدوله السعوديه الثانيه ,ولد عام 1245هـ تقريبا , امه بنت الشيخ ابن منديل من زعماء بني خالد القبيله المشهوره , عرف الامير سعود بالشجاعه والكرم ,حتّى لقّب (أبوهلا), وهو والد الفارس الامير المشهور محمد بن سعود (غزالان), وهو ايضا جد الفارس الامير سعود الكبير (العرافه)بن عبدالعزيز بن سعود الفيصل ,من سلالته اليوم الامراء, ال كبير (صاحب السمو الاميرسلطان بن محمد بن سعود الكبير
حفظه الله وأخوانه ), ومن سلالته ايضا الامير الشاعر (السامر) عبدالعزيز بن سعود بن محمد بن عبدالعزيز بن سعود الفيصل .
(نعم بذا الوالد ونعم الوليدي ), (صقور من ماكر صقور)
يقول الشاعر فجحان الفراوي مادحا الامير سعود بن فيصل :
ياسعود ياترث الصخا منقع الجود = انت الغرض ماعاد نبغى بدالك
انته سعود معرب الجد بشهود= أبوك فيصل وابن منديل خالك
كان لما توفي والده الامام فيصل بن تركي عام 1282ه , خرج عن طاعة اخيه عبدالله بن فيصل , وحصلت بينهم عدّة وقعات , انتصر في اغلبها على عبدالله , ثم دخل الرياض حاكما في المحرم عام 1288ه الى ان توفي ,
توفي رحمه الله في الرياض في شهر ذي الحجه عام 1291ه
اسباب المعركه :
للمعركه عدّة اسباب :
السبب الاول-ان الامير مسلط بن ربيعان لم يفد على سعود , ولم يبايعه ولم يعطه الزكاة ..يقول المؤرخ مقبل الذكير في مخطوط (مطالع السعود) (....لما حصلت الانتصارات لسعود على أخيه عبدالله , في وقعتي جوده_ 1287ه _والبره_1288ه _وفد عليه رؤساء القبائل يهنئونه , الامسلط بن ربيعان فأنه لم يفد عليه فنقم عليه سعود وأراد ان ينكل به....)).انتهى ص96
السبب الثاني_ ميل الامير مسلط بن ربيعان الى صف الامام عبدالله بن فيصل ..حيث يقول الذكير(......كان سعود ناقما على مسلط ,لانه كان سابقا يميل الى عبدالله الفيصل , رغم انه لما حصل الخلاف بين عبدالله وسعود تجنب مسلط امورهم ولم يتدخل في شيء منها ولم يساعد أحد منهم ...)) انتهى ص 96
السبب الثالث- أن الدويش ورؤساء مطير حرّضوا سعود على غزو عتيبه , بسبب ان عتيبه قد أخذت بعض حلال مطير السنه الفائته .....وفي ذلك يقول الذكير قاصدا سعود (....وحمله على ذلك _غزو عتيبه _ الدويش ورؤساء مطير ...))انتهى
والدويش هو الشيخ بدر بن شقير بن محمد بن فيصل بن وطبان الدويش
شيخ ال محمد من الدوشان , فقد جمع الشيخ بدر الدويش فرسان مطير من علوى وبريه فرعي قبيلة مطير , وبرز من فرسانهم في المعركه , الفارس بدر بن مشل الدويش , والفارس الشيخ غنيم بن شبلان شيخ اليحيا من الجبلان علوى مطير , والفارس الشيخ سلطان البعّير شيخ الخواطره من الموهه من علوى مطير .
مقدمات المعركه
نبه الامير سعود بن فيصل بالمغزا , وأرسل الى روؤساء البلدان والقبائل , فأجتمع لديه خلق كثير , نعدد منهم 1- مطير بفرعيها علوى وبريه 2- سبيع بقيادة الشيخ فراج بن عساف ابوثنين 3- العجمان بقيادة الشيخ حزام بن مانع بن حثلين 4-الدواسر منهم الشكره بقيادة شيخهم ابن حفيظ .
اما الحضر فمنهم اهل العارض وأهل الوشم بقيادة ابن سدحان والبواردي وأهل الخرج والحوطه والحريق بقيادة الهزاني , واهل الغاط بقياده الامير محمد بن أحمد السديري _خال الملك عبدالعزيز _وأهل القصيم بقيادة الامير مهنا الصالح ابالخيل .
ساروا في ربيع الثاني عام 1290هـ, فلما قطعوا اكثر من ثلثي المسافه , متجهين الى حيث يقطن مسلط بن ربيعان على آبار طلال في عالية نجد , فشاهدهم رجل من عتيبه اسمه سرور الحمادي , فسابقهم يريد ان ينذر قومه ,فوصل اليهم قبل الجيش بليله , فجاءهم باليل (العتيم), وأخبر مسلط بما شاهد , فأمر مسلط أحد عبيده بأن يكبّر النار بوضع جميع الحطب فيها , وأرسل مراسيل يستدعي كبار القوم , فلما حضروا أخبرهم , وقال ان سعود قريب وحروته صباح الغد , وش رايكم , فأختلفت الاراء بين الشديد والهزيمه , وبين الثبوت والعزيمه (وكان من رأي مسلط الثبات , وهذا هو رأيه دائما ,اليس هو مناوخ الحكام؟؟, لكن يريد أن يتفحص عزائم القوم ) فقال فريق آخر : نبي نهزّم البل بليل ونبقى خيل ورجال , وأذا جاء قابلناه اما ننتصر, واما ان انتصر سعود مانخسر الا السوادين (بيوت وغنم).قال الامير مسلط : وش حنا بليا السوادين ,,,هذا ماهوب راي ,,ثم تفقد الحضور وسأل عن صنيتان الضيط , وكان غائبا , فأرسل من يندبه (وكان الضيطه مشهورين الى جانب شجاعتهم , بسداد الرأي )فلما جاء صنيتان , خاطبه الامير مسلط وقال: وش رأيك ياصنيتان , قال صنيتان : الرأي رايكم , قال مسلط : مالقينا رأي ناس تقول ننهزم وناس تقول نواجه بدون مال ,وانت وش رايك ياصنيتان , قال صنيتان الضيط مقولته المشهوره:الرأي (عقال ومبرك وقلب يأوي لهن هدان), يعني عقّلوا البل ونحارب دونها , فقال الامير مسلط: هذا هو الرأي ,أسمعوا يالحضور , الحاضر يعلّم الغايب ,ترى المنع مرفوع , وترى اللي يمنع مسهوج وجهه,قال صنيتان الضيط :قم يافلان وقم يافلان ونادوا فلان وفلان عدّد مجموعه من شباب القوم , قال ياعيال , الحين سعود منّوخ ويبي يصبحّنا , والمتسرقه (المتسللين)من قومه يشوفون نيرانّا , ويبون يحوفون البل والبيوت قبل البيرق , لكن حنا نبغا نكمن لهم , في أسفل الشعيب , ومن جاء منهم ذكيناه , وقطعنا راسه , وحطينا راسه عند رجليه , حتى أذا أغار القوم صباحه , يشوفون ربعهم على الدرب , بهذا المنظر ويرتبكون , ويجفلون ,,ففعل مثل ماقال ..
ثم لمّا دخل مسلط (المحرم )قسم النساء , جاءته ابنة أخته (مضاوي بنت الحميدي الدويش , امها شعاع بنت محمد بن ربيعان , ومضاوي كانت متزوجه من ولد خالها تركي بن سلطان بن ربيعان )وقالت لخالها الامير مسلط : ياخالي أنا طلبت بنات خوالي انني أكون في العطفه الصبح , ورضوا , وانا هالحين طالبتك ايّاها ,فقال مسلط لكي ماتريدين ..
(المعركه)
فلما جاء الصبح رتّب الامير مسلط جموعه ووضع قبائل مزحم في الميمنه , وطلحه في الميسره , وجعل العطفه في القلب مع مجموعه من شجعان القوم ,فتقدم الامير مسلط وكان عاصبا رأسه بقماش أحمر , ولبس جوخة حمراء , والى يمينه الفارس الداهيه مدوّخ السليح عاصب راسه بخرقة سوداء , وعلى يساره الفارس ذعار بن صلاّل والفارس الجلاوي .
فلما تقدّموا (وكان مسلط على فرس شعلى اللون ,وكان هو في المقدمه , على انه كان كبير السن حدود 70عام , فلما تقدّم سمعت فرسه صوت الطبول , في الجيش المقابل , وكانوا العبيد يقرعونها للتنبيه ولتحفيز الجيش على القتال ..فلما سمعت الفرس الصوت ...(أحرنت ) جفلت ,فلكدها مسلط بقدمه , وقال والله لتلكدين ,( ما مروعك الا عبد يقرع له شن),.........فتقدم وصاح , الآد روق ياعيال أبوي , اليوم يومكم , عوايدكم .......علااااااااااهم , والله أكبر .
ثم فزعت الخيل بالفرسان , وأشتبكت الجموع , وبدا الغبار وريح البارود
وصهيل الخيل وقرع السيوف وأصوات العزاوي
وانغمس الجمل بالعطفه في وسط الميدان , وخرجت
البنت (مضاوي) وحذفت , شيلتها وفرعّت , وصاحت وهي تبكي ...
(عليهم يالاد روق عليهم يالاد روق ,,هوشوا هوشوا ,,عسالكم تالي ..عسا لكم تالي ..).فانتصروا على انهم أقل بكثير من جيش سعود
قال الاستاذ أحمد عطّار في كتاب صقر الجزيره ج1 ط2 صفحه 76. بعد ان تحدث عن حكم سعود .((.....وأخيرا ضعف شأنه حتى قام عليه رجال عتيبه تحت أمرة زعيمهم مسلط بن ربيعان , بأعمال النهب و السلب وونهبوا الجانب الغربي , من الرياض فخرج اليهم سعود , وتقاتل رجاله مع رجال مسلط ,قتالا شديدا ,ذهب ضحيته ,كثير من المخلصين لسعود , واصيب هو نفسه , بجرح بليغ الزمه الفراش مده وكان ينغر عليه ويخرج منه الدم فمات من أثره عام 1291هـ..))انتهى
يقول المؤرخ ابن عيسى واصفا شراسة المعركه , وعدد من قتل فيها (....فحصل بين الفريقين قتال شديد , وصارت الهزيمه على سعود بن فيصل , ومن معه وقتل منهم خلق كثير ....))
من مشاهير القتلى الذين ذكرهم
1-الامير سعود بن صنيتان ال سعود
2- الامير محمد بن احمد السديري امير الغاط وخال الملك عبدالعزيز.
3- عبدالعزيز بن احمد السديري خال الملك عبدالعزيز.
4- الامير علي بن ابراهيم بن سويد امير جلاجل
5- الامير فهد بن سعد بن سدحان امير شقراء
6- سعد بن محمد البواردي من كبار اهل الوشم
وغيرهم كثير .
يقول الفارس الشاعر سهّاج بن غلاب بن ربيعان , واصفا المعركه:
جانا النذير سرور وسعود جا اليوم = يقدى الجموع الضاريات المهيله
وبدبرت الله راحوا اشتات وقسوم =عقبان نجد أهل الفعول الجليله
بدر الدويش اللي من العام مسموم = مبطي يحايلنا على كل حيله
ماخلقت الدنيا ولا الدين في يوم= واللي يتمنى حربنا نعتبيله
يوم من الجمعه على هلة التوم =عج الرمك كنه عجاج المخيله
اولاد روق اللي كما دولة الروم = امرويه حدب السيوف الصقيله
ومركاضنا من عقبه الجمع مثلوم = ولبس الحداد اللي ينقّض جديله
ومن طاح لا راحم ولاهوب مرحوم = بموصلات بالعروق الطويله
والكبد ماذاقت من الزاد مطعوم = لين أقتفتهم خيلنا فالدبيله
وياطير ياللي فالسما تكثر الحوم= عان السدارى روسهم فالمسيله
وفهد ولد سدحان في مذبح القوم= وراع الرويضه مالقى من يشيله
الذبح تسعميه وزود بلملوم = عود من الروسان ربي مزيله
وراك يالملوم تخمر مع القوم = ماجا من الله مامعي فيه حيله
كذلك قال الفارس الشاعر شليويح العطاوي عدّة قصائد
لكن أشهرها , (آوي )
يقول المؤرخ العبيّد في مخطوط النجم اللامع , في صفحه 297 بعد ان تحدث عن تفصيل المعركه :
((...وتشهد بشهرتها , قصيدة شليويح العطاوي , كما شهدت , قصيدة عمرو بن كلثوم لبني تغلب في وقعة خزاز , مع اليمانيين .....)) انتهى
والقصايد سوف تأتي تباعا
وهذه هي القصائد :
هذه مجموعه من قصائد معركة طلال الكبرى 1290هـ
القصيده الأولى وهي لشليويح العطاوي والتي
وصف فيها المعركة وهي :-
ألا يالله تغفـر لـي ذنوبـي تغفـر لـي ذنوبـي والآثـام
كما إنـي ماتقفّـى الغافليـن ولا أسـب الأجاويـد الكـرام
هجدنـا النذيـر بهـود ليـل وحنـا هاجعـيـن فالمـنـام
والشردان أشـاروا بالرحيـل والظفران أشـاروا بالمقـام
وأقمنـا وبنّيـنـا البـيـوت وكلاً دونهـا لبـس الحـرام
يوم سعـود جانـا بالدويـش جاب مطير مع صبيـان يـام
وأهل سدير والسبعان معهـم والعجمـان يقداهـم حــزام
والقصمان جونا مـن يميـني بـون المبانـي والجـهـام
والـدمـام دقــوّه العبـيـد ونور الشمس غاطيه الغمـام
وشافونـا وجونـا سارحيـن والله مانـوونـا بالـرحـام
ولجّـن العـذارا بالصـيـاح شافن الجمـوع الهـا ادحـام
ورمـن البخانـق والهـدوم وينخّـن بالجـدود وبالأسـام
وردينـا لدهمـان الفرنجـي وحد الشلف كاسرت العظـام
ومركـاضٍ يسـر الناظريـن ترعابـه مرودمـة السـنـام
لاتبكـن يابيـض النـحـور عان الفعل فـي ولـد الأمـام
دون البل مكرمت الضيـوف بعنـا الـروح بيـع مايسـام
والا يانديبـي فـوق عـوب فوق الهجن عجـلات الـولام
خلّن العلـم عنهـن جنـوب وهنـه كنهـن ربـد النعـام
يلقـن البـيـوت مبنـيـات سـود كأنهـن روس القـدام
وأول مايواليـهـن عـقـاب بن شبنان والربـع الحشـام
ويلقـن الـدلال مساطـرات ويعبـى كيفهنـه بـالـولام
ويلقـن الصحـون ممليـات وأذناب الكبوش إلهـا إيـدام
سلملي علـى آلاد الكريـزي حمول الخيل مرويـن الحيـام
سلملـي عليهـم يانديـبـي وخص عقاب حمّاي الجهـام
قل لولا الحب والرفوان فيكـم لقنّع بوشكـم حمـر العسـام
لجازي من طمع في جل ذودي بفعل يشتهـر شـرق وشـام
لين إن الهبود تشوف فعلـي وأنا لي كزّة الفـارس غـرام
ولكن هذه لم ترضي الاميرمسلط بن محمد بن ربيعان حيث قال لشليويح فعلنا اكبرمن هذه القصيدة وهذه قصيدتك في ابلك التي خذوها ذوي خضيرمن المقطه في لوم فقال شليويح قصيده ثانيه قال فيها :-
جانا النذير عصير مـرذي الفطايـر= سرور شوق اللي حوى الراس بقران
يقـول جاكـم واحــدٍ مايسـايـر= طاغي وظالم مانوى فيكـم إحسـان
سعود جاء من يمـة الشـرق فايـر= بصبيان يـام مرجحـة كـل ميـزان
ومعهم هل العارض وسبع الجزايـر= ومعهم بريه وغيرهم جمـع دوشـان
وردّوا لـرأي مدرّبيـن البصـايـر=وقلنا على الله مانبا غيـره أعـوان
وسقنا لهم جمـعٍ يشـوق النظايـر=موحديـن اللـي ليـا وحّـد اعـان
وبعد صـلاة الصبـح والعـج ثايـر=لين اتقى خشم النجج عقـب مابـان
وخيلٍ نصـت خيـل وخيـلٍ تخايـر=وخيلٍ مرزنّها غنيـم ابـن شبـلان
كنه ليا اعرض في وجيـه الجرايـر= يمنع هذولا عـن هـذولا بقرعـان
وراحوا لنا مـع دبـرت الله نحايـر=عقبان نجد اللي يقـدّون الأضعـان
جو بالجرايـر وأنكفـوا بالخسايـر=خسايـرٍ ماتنتـعـوض بالأثـمـان
والله مـا اذم متيهـيـن العشـايـر=لكـن ضاموهـم عطيبيـن الأكـوان
الـدم سايـل فـي وجيـه الكسايـر=وراحت سربهم كنها جـول غـزلان
ياراكـب اللـي كنـه الهيـق ذايـر=وليا عطا دوا الخـلا يقـرن أقـران
ليا جيـت برقـا خصهـم بالبشايـر=قل إرجعوا لدياركـم هـي الأوطـان
برتوبـنـا ياذاهبـيـن الحظـايـر=وحنا ذراكم يـوم زوغـات الأذهـان
راح العصيمـي والخيوطـي يذايـر=وضعونهم وصلن جاحـد وسقمـان
وحنّا خدمنا اللي من ورا العرض ناير=بأولاد روق مطوعـة كـل فسقـان
بدهم الفرنجي مـن حـداد الذخايـر=وحدب السيوف اللي يقصن الأمتـان
ومسلط كما حرٍ مـن الوكـر طايـر=صيده نهار الكون ذربيـن الأيمـان
عسـى يمينـه ماتجيهـا الجبـايـر=يمنىً ترّوي فالملاقـى شبـا الـزّان
والحضـر واللـي ياكلـون البرايـر=غدو شتـاتٍ عقـب ماهـم بخـلان
افـرج لنـا الله مـن أمـورٍ كبايـر=الله ولافزعت عقـاب إبـن شبنـان
وجميع هذه القصايد لم ترضي الامير مسلط إبن ربيعان
وطلب من الشعراء قصيده أفضل .
فقال شليويح العطاوي قصيده أرضت الامير مسلط بن ربيعان
وأرضت جميع عتيبه لانها تناسب الحدث




أول كلامـي طلبتـي ذكـر اللهماني عن الرب الكريم غنـاوي
أغفر ذنوبـي يامحـل ذنوبـيإن كان في بدع كلامـي غـاوي
ماني بمن يمـدح بقـول لسانـهولاني على عشق البنات هواوي
على طلال الصبح خلت مخيلـهتاصل مناينهـا ليـا الجـرذاوي
وبروقها الهند ومصاقيل العجـمورعودها البـارود والعـزاوي
وتمطر بعطشان المحبب والقنـاوالها بروس الخيّريـن تعـاوي
جانـا سعـود مسيـرِ بجنـودهمعـه الدويـش ولمّـة البـداوي
ومعه جموع سبيع وأهل العارضوصبيان يام وبيرق القصمـاوي
ثمانيـة آلاف عـداد جموعهـمبلـوى وربـي يدفـع البـلاوي
وحنّا ثمانميـة عـداد جموعنـا................................
ألاد روق اللـي عديـمٍ رايهـملاجاء من الحكـام رد بـراوي
نبب عيلنا شيخنـا إبـن محمـدثم إنتهض مثل العقـاب النـاوي
عودٍ تعصب في ظهـر جلومـدجلومدٍ مثـل القضيـب الهـاوي
مترفعـاً عنهـا اللحـم بعلوّهـاشعلاً شعـاع شعّلـتٍ شعـلاوي
وصحنا عليهـم ثـم عاونـا اللهلين إنها صـارت لنـا منـاوي
ياضفرهـم لاقـرب الله دارهـموحنّا عليهم مثـل نجـمٍ هـاوي
لكن سربتهم ليـا اوجهنـا بهـمشـراد ريـمٍ مـع حمـادٍ داوي
ولكن سربتنـا ليـا اوجهوابنـازمولٍ مخزمتٍ علـى الكـراوي
ولكن شليل الخيل قـدم نحورنـاصيد الخلا معطٍ مـع القـراوي
وطلحه نحو عنّا بريه يسارهـموتعاقبوا دهم العـروق هـداوي
كنّ الجنايز في نحـاوي طلحـهجدع الخشب فالـوادي السنـاوي
وحنّا تلاقينـا بسربـة علـوىوساع الطعون مطوعين الغـاوي
ونخيت مزحم سعد منهـم ربعـهيوم اللقاء زادوا ورى الهقـاوي
ردوا يمانيهـم لكـل مـجـربو ياما خذوا من روح كل مساوي
نضرب بسلات الهنادى روسهـمونقسم مثانيهم ماهـي بسطـاوي
ونرخي عليهم حد كل موصـلاوفي فعلها يحتار كـل مـداوي
وارويت مذلوق القنا من خيلهـمليـن ادبحـو شرابـة القهـاوي
ومنعت سلطـان البعّيـر بينهـموشيوخ ماصدوا لهـم نحـاوي
يارب تنجيني وتنجـي سابقـياللـي تّزبنـي عـن الأهـاوي
مايلحق العنّـان هومـة راسهـاياكود يركيها علـى السنـداوي
حزمبرٍ كـن الحـزوف بطيهـاولاثيـاب الـبـز فالمـطـاوي
مضرب يداها في صليب الرّقّـهتأخذ من أدنى الحزم كبر الشاوي
قباً مـن الزلبـات وافٍ عدهـابنت الأصيل وركضها فجحاوي
أبّرهـا وأم العـيـال تبـرهـاتشرب حليب الفاطر الجنفـاوي
وتطلعن يالبيض في مركاضنـاوصلـت كسايرهـم للجـرذاوي
عزي لهم لولا اسمر في خيلهـميهوي علانـا هوايـة النـداوي
ولارحم ابو من صد عن محرافهايوم إنقلاع الستر عن مضـاوي
نطعن لعين اللي تهـل دموعهـاتبكي وفي تالي البكـاء نخـاوي
تقول يالظفـران مـن عاداتكـمهوشوا عسى يبقالكـم شـلاوي
ونطعن لعين اللي تجـر حنينهـاعفراً تبـى صيفيـة المطـاوي
قلت ابشري بالفك ياحـم الـذرادام الطعـن يفـك والأهــاوي
ترعابنا جرد الرقـاب وتنثنـيماحدرت حسله ليـا الحجنـاوي
والمدح لله ثـم لنسـل محصّـنعسى لهم عنـد الإلـه عـراوي
كم طلّقوا مـن جـادلٍ رعبوبـهجرت على مضنونهـا النعـاوي
وذوي ثبيت أهل المناخ شيوخنـاهل العطف والمنزل المتسـاوي
سوّاقة المغتـر علـى الحرّابـهيوم الحريب عن الحريب يلاوي
ياحايف الفنجـان عـدّه لمـدّوخواثنه لأبن صـلال والجـلاوي
وانا زبون الحرد ابو ضيـف اللهليا كلّح الشارب عـن الشفـاوي
مايعذرب الرجـال عـدّ أفعالـهولاني بجّماع الهـروج هـذاوي
وأنا أحمد الله يوم أنا مـن لابـهمهوب من قصّار البتوع شواوي


والقصيده الاخيره من معلقّات قبيلة عتيبه حيث انك تجد حتّى
الطفل الصغير يردّد ابيات هذه القصيده المفخره .
سبحانك اللهم وبحمدك استغفرك اللهم واتوب اليك
والسلام عليكم ورحمة الله وبركاته

[خيال الجريبا]

ونعم والله بالروووقه ومشكور على النقل

[محب الهيلا]

مشكور وماقصرت على النقل

[حافي]

رائعة طلال
سررت بها أخوي شاعر القوبعه الف شكر واسمح لي بتنسيقها

أول كلامـي طلبتـي ذكـر الله=ماني عن الرب الكريم غنـاوي
أغفر ذنوبـي يامحـل ذنوبـي=إن كان في بدع كلامـي غـاوي
ماني بمن يمـدح بقـول لسانـه=ولاني على عشق البنات هواوي
على طلال الصبح خلت مخيلـه=تاصل مناينهـا ليـا الجـرذاوي
وبروقها الهند ومصاقيل العجـم=ورعودها البـارود والعـزاوي
وتمطر بعطشان المحبب والقنـا=والها بروس الخيّريـن تعـاوي
جانـا سعـود مسيـرِ بجنـوده=معـه الدويـش ولمّـة البـداوي
ومعه جموع سبيع وأهل العارض=وصبيان يام وبيرق القصمـاوي
ثمانيـة آلاف عـداد جموعهـم=بلـوى وربـي يدفـع البـلاوي
وحنّا ثمانميـة عـداد جموعنـا= !!!!!!!!!!!!!!!!!!!!!!!!!!!!!!
ألاد روق اللـي عديـمٍ رايهـم=لاجاء من الحكـام رد بـراوي
نبب عيلنا شيخنـا إبـن محمـد=ثم إنتهض مثل العقـاب النـاوي
عودٍ تعصب في ظهـر جلومـد=جلومدٍ مثـل القضيـب الهـاوي
مترفعـاً عنهـا اللحـم بعلوّهـا=شعلاً شعـاع شعّلـتٍ شعـلاوي
وصحنا عليهـم ثـم عاونـا الله=لين إنها صـارت لنـا منـاوي
ياضفرهـم لاقـرب الله دارهـم=وحنّا عليهم مثـل نجـمٍ هـاوي
لكن سربتهم ليـا اوجهنـا بهـم=شـراد ريـمٍ مـع حمـادٍ داوي
ولكن سربتنـا ليـا اوجهوابنـا=زمولٍ مخزمتٍ علـى الكـراوي
ولكن شليل الخيل قـدم نحورنـا=صيد الخلا معطٍ مـع القـراوي
وطلحه نحو عنّا بريه يسارهـم=وتعاقبوا دهم العـروق هـداوي
كنّ الجنايز في نحـاوي طلحـه=جدع الخشب فالـوادي السنـاوي
وحنّا تلاقينـا بسربـة علـوى=وساع الطعون مطوعين الغـاوي
ونخيت مزحم سعد منهـم ربعـه=يوم اللقاء زادوا ورى الهقـاوي
ردوا يمانيهـم لكـل مـجـرب=و ياما خذوا من روح كل مساوي
نضرب بسلات الهنادى روسهـم=ونقسم مثانيهم ماهـي بسطـاوي
ونرخي عليهم حد كل موصـلا=وفي فعلها يحتار كـل مـداوي
وارويت مذلوق القنا من خيلهـم=ليـن اذبحـو شرابـة القهـاوي
ومنعت سلطـان البعّيـر بينهـم=وشيوخ ماصدوا لهـم نحـاوي
يارب تنجيني وتنجـي سابقـي=اللـي تّزبنـي عـن الأهـاوي
مايلحق العنّـان هومـة راسهـا=ياكود يركيها علـى السنـداوي
حزمبرٍ كـن الحـزوف بطيهـا=ولاثيـاب الـبـز فالمـطـاوي
مضرب يداها في صليب الرّقّـه=تأخذ من أدنى الحزم كبر الشاوي
قباً مـن الزلبـات وافٍ عدهـا=بنت الأصيل وركضها فجحاوي
أبّرهـا وأم العـيـال تبـرهـا=تشرب حليب الفاطر الجنفـاوي
وتطلعن يالبيض في مركاضنـا=وصلـت كسايرهـم للجـرذاوي
عزي لهم لولا اسمر في خيلهـم=يهوي علانـا هوايـة النـداوي
ولارحم ابو من صد عن محرافها=يوم إنقلاع الستر عن مضـاوي
نطعن لعين اللي تهـل دموعهـا=تبكي وفي تالي البكـاء نخـاوي
تقول يالظفـران مـن عاداتكـم=هوشوا عسى يبقالكـم شـلاوي
ونطعن لعين اللي تجـر حنينهـا=عفراً تبـى صيفيـة المطـاوي
قلت ابشري بالفك ياحـم الـذرا=دام الطعـن يفـك والأهــاوي
ترعابنا جرد الرقـاب وتنثنـي=ماحدرت حسله ليـا الحجنـاوي
والمدح لله ثـم لنسـل محصّـن=عسى لهم عنـد الإلـه عـراوي
كم طلّقوا مـن جـادلٍ رعبوبـه=جرت على مضنونهـا النعـاوي
وذوي ثبيت أهل المناخ شيوخنـا=هل العطف والمنزل المتسـاوي
سوّاقة المغتـر علـى الحرّابـه=يوم الحريب عن الحريب يلاوي
ياحايف الفنجـان عـدّه لمـدّوخ=واثنه لأبن صـلال والجـلاوي
وانا زبون الحرد ابو ضيـف الله=ليا كلّح الشارب عـن الشفـاوي
مايعذرب الرجـال عـدّ أفعالـه=ولاني بجّماع الهـروج هـذاوي
وأنا أحمد الله يوم أنا مـن لابـه=مهوب من قصّار البتوع شواوي

ومليون نعم في بني عمنا الروقة مرجحين الموازين

=عندي استفسار هل ابن ربيعان استفزع ببرقا في هذه الوقعة؟

=ليا جيـت برقـا خصهـم بالبشايـر=قل إرجعوا لدياركـم هـي الأوطـان
برتوبـنـا ياذاهبـيـن الحظـايـر=وحنا ذراكم يـوم زوغـات الأذهـان
راح العصيمـي والخيوطـي يذايـر=وضعونهم وصلن جاحـد وسقمـان


وش قصد شليويح العطاوي في هذه الأبيات؟؟؟


ابن عصيم الحلحلي

[فهد النفيعي]

يعطيك العافيه .. ,وماقصرت

ولك التقدير والإحترام

[شاعر القوابعه]

مشكورين على المرور اخوكم نايف العتيبي

[خيال الجريبا]

على ما اعتقد ان هذه الموقعه لم يشارك فيها ابناء عمومتنا برقا

[شاعر القوابعه]

اعتقد مير ان شاركو ولا ماشاركو هم اهل الفزعه عيال عمي