محاورة حزام العصيمي وسعيد بن رحمه (بدون ردود)

[مشعل الريمان]

أنقل لكم المحاوره المباشره التي جمعت

حزام العصيمي ...و... سعيد بن رحمه

مساء الأثنين 2007\6\4




حزام العصيمي

هلا في منتدى الهيلا هل الوقفات والردات=وحيا الله رجالن تسمع الشعـر وتغنيبـه
ابن رحمه رفيقاً لّي عرفته من زماناً فات=انا مانساه لكن لو نسيني ويش أسويبـه

سعيد بن رحمه

يدوم ابك البقا ياللي ترحبي عشر مرات=على وضح النقا ونجازي الطيب على طيبه
ابن رحمه رفيقك الاولي ماينكر العشرات=ورجل ينكر العشره قريبات محاظيبه

حزام العصيمي

تجمعنا مواقيف النشاما والديـار اشتـات=وأنا خابرك رجلاً ماقف الأبطـال تحريبـه
بن ادم رحلته تمضي وتقضي بين ود وهات=ولا يدري بعمره لين منه الذيـب يسريبـه

سعيد بن رحمه

تهرج ياحزام وقارن الابيات بالابيات=وهذي حاله الايام تشريقه وتغريبه
ابي منك السوالف والله اللي يعلم النيات=وعلم في ظميرك طالبك لاعاد تبطي به

حزام العصيمي

عصى فرعون موسى لو عصا موسى من الأيات=ماطاع ألا بعد ماقام مـوج البحـر يومـي بـه
جنود ابليس عند الباب والحارس يعيش سبـات=تبى تدخل وهـو نايـم وتمـرح فـي دواليبـه

سعيد بن رحمه

مادام انه عصى فرعون لايامن من النكبات=هذا حال الزمان الله يكفي من عواقيبه
جنود ابليس دايم تجزي الحسنات بالسيات=لكن المشكله في الضيف ولا في معازيبه ؟

حزام العصيمي

معاوين الدهر واجد لكن الكارثه بالذات=هو اللي غاية الشيطان تقبلبه وتقفيبـه
تكلمنا عن الواقع ومعنا حجةً وثبـات=وعلماً مايسر العين لا لك به ولالي به

سعيد بن رحمه

ابوزيد الهلالي يالعصيمي صامل الهدات=بلش له في عرب مايتركون الشك والريبه
من اول فالجحر حيه وهالحينه عشر حيات=ماغير مريحه في الجحر تصبح به وتمسي به

حزام العصيمي

نشدنا وين أبو زيد الهلالي قالوا إنه مـات=وموته غدر والغـدار مايامـن باصاحيبـه
سجدنا لـالله المعبود والضالم سجد لـاللات=يضن الات يوم الحشـر بتحقـق مطاليبـه

ولكم خالص ودي وإحترامي

[فالح الكرنافـ]

مشكور على النقلـ الرائعهـ

وبيضـ اللهـ وجهكـ

تحياتيـ لكـ

[مرزوق حمدان العتيبي]

...
.
فعلا كانت محاوره من الطراز الاول
وشعراءنا ابدعوا .... وتمنينا لو استمروا اطول من ذلك ...
..
الاستاذ مشعل بيض الله وجهك ....ومشكور على جهدك المشهود
في الترتيب لهذا اللقاء... الناجح
والشكر موصول لاعضاءنا الكرام على تشجيهم وتواصلهم ...
....

التوقيع

فدوة ٍ للمصطفى روحي وماتملك يميني = كيف (لا) واللي خلقني حط حبه في كياني حط حبه في كياني ماتغيّره السنيني = وانثني من دون عرضه بالذراع وباللساني @Marzouq_MHD

[ابوبجاد الرويس]

مشكور ولاهنت

[نايف الحميدي]

مشكور ولاهنت


اشهد بالله انه محاوره من الطراز الثقيل ويليت لوطولو اكثر


يعوضونا فالمقبلات انشالله

التوقيع

[ابراهيم الزراقي]

مشكور يامشعل الريمان على الجهد الرائع وصراحه محاوره رائعه بين شاعرين كبيرين

[عمرالروقي]

مشكور على النقلـ الرائعهـ
وبيضـ اللهـ وجهكـ
يامشعل الريمان
ولاهنت

[حزام العصيمي]

يعطيك العافيه يامشعل الريمان

وبيّض الله وجهك

[محمد الروقي]

صحت الالسن والقلوووب ..


وابداااع الله يعطيكم العافيه ..


وتشكر يامشعل على التنسيق ..

[نواف العصيمي]

تحيه طيب للأخ مشعل الريمان و ترتيبه للمحاوره الرائعه وبيض الله وجهك..

,, وتحية محبه للشاعرين العلمين

الشاعر : حمدان العصيمي و الشاعر : سعيد بن رحمه

ونقدر لهم حظورهم في منتدى الهيلا ونرحب بهم

ونشكركم على المحاوره الرائعه

..


ولكم التقدير والإحترام

التوقيع