سري وشخصي العتبان

[ابوطلال العصيمي]

بسم الله الرحمن الرحيم
تبرعت ب50الف صوت ليوسف مباشره من الشركه واباقي الربع على 10 الف وخمسه الاف صوت والباقي على الهيلا صانعين المستحيل عصابه الراس
اما نعيش وروسنا مرفوعه//والا نموت مع موتانا
القضيه ماهي بشعر اهم شي استبعاده عن الرنامج


ابو طلال العصيمي

ارجو الاجابه رجاءا

[فيحان بن فياح]

نرجوا من الجميع التفاعل مع الموضوع بكل جديه وصدق

وانا من عندي ((5000)) صوت قد نذرت نذر أمام الله ووجب الوفاء به

يالله يابني عمي ارخوا الريال تكفون ياعصابة راسي ياحبتي

لاتخاذل تصويت تصويت

أخوكم/فيحان بن فياح العضياني

[راعي النيسان]

عزتي للي ماعنده عيال عم مثلكم


اقولها من كل قلبي والله


انقطع جوالي يوم اصوت للقثامي


لكن بسدده لعيون يوسف واذا ماهو منسحب بصوت له الين ينقطع


والله يعطيكم العافيه

[فيحان بن فياح]

يالله ياعيال عمي ياعصابة راسي

نعلنها من هنا الكل يفعل بمايقوله

نبي مصداقيه نبي فعل ينومس

ولانبي أحد يتكل على الثاني

أرخوا الريال لابوه قرطاااااااااااس

تحياتي للجميع

[جااار القمر]

ابشر بعزك وانا اخوك ماطلبت غالى

[الادعاصم@]

بيض الله وجهك ياطلال بس حنا لازم نعرف الحين العلم الوكاد هو يبي يستمر ولالا ياليت يوسف يشارك معنا في المنتدى ويخبرنا بالي حصل وهل يبي ينسحب

[هلالي عتيبه]

بيض اله وجيهكم , وهذا واجب على كل عتيبي

انا ابي اصوت بشريحة الاتصالات السعودية الين ما يقطعونها

وابي اطلع لي ثلاث شرايح من موبايلي من موبايلي , واصوت بها الين تنقطع .

ويالربع اللي ما عنده دراهم مثلي يطلع من موبايلي تراهم اذا ما سددت ما كل اللي يسوونه يقطعونها عنك وبس .

والوقت هذا وقت شيوخ عتيبه , المشيخه ماهيب لبس بشوت وطال عمرك وختم يبصم به كل شوي , لازم يدعمون يوسف بمالهم وهم غنيين

والدور الاكبر على تجار القبيلة , ماهوب ياكلون في الرز والدجاج ويخلون ابن عمهم يلعبون به الرياجيل


تكفوووووووووووووووووووووووووووووون ياعتاااااااااااااااااااااااااابه

[فيحان بن فياح]

الاد عاصم يابعد راسي

الخبر أكدة الشاعر الكبير

أبن العم فهد القثامي

صوت يامال الغنيمة

تكفون تكفون

يالهيـــــــــــلا

[سلطان الجـذع]

ماهي غريبه عليكم ياعتيبه
انا اعرف لي واحد اليوم مقدم
على قرض من البنك يبي يصوت

[مطلوب للعداله]

والله إنكم لابه ما بعدها لابه لكن يا الربع بالله تتقوقعون إنهم معطينه هاذي النسبه عشان يكون لكم امل تطلعونه

والله إنها حركه مقصوده وأنا عندي رئي يارب يلقى من يدعمه أنكم تتركون هذا التصويت الي يبي يمتص أموالكم وبعدها ما من فود ونوجه أموالنا يا ربعي يا هلي لعيال قبيلتنا الي في الكويت البدون الي محتاجين هذاي الأموال فعلاً
مو النصابه والله العظيم أحرق قلبي يوسف يوم قال ابي حقي من الدستور ووصف مجلس الشورى حقهم والمشادات التي تحصل فيه بالثيران والذي حاول حمد السعيد إبعاد معنى القصيده عن اذهان الناس وكئنه يقصد اللجنه لأنها واللهفظيحه
للكويتيين الي يسوونه بهاذي الفئه الي أكثر من مخلصه تكفون تكفون يا عصابة راسي توفرون فلوسكم إذا كان يوسف
فعلاً إنسحب وتوجهونها في مكانها الصحيح أنا ناخيكم ويارب تكون لكم أيدي بيضاء مع ابنا عمومتكم وقفه حقيقية مو
وقفت برامج إلى وقفت حياة ومصير وش فيها إذا قمنا بحظ عيال عمنا وكفيناهم الذل الي عايشينه بسبة ها الجنسية والله
إنكم قلتوها إن فينا التجار ورجال الأعمال ياريت تكون لنا وقفه معهم يسجلها التاريخ عبر السنين أما هذا البرنامج ماراح إلى يسجل لقب لا يسمن ولا يغني من جوع إضافتاً إنه بعيد كل البعد عن النزاهه .
وأنا أنخاك يا أبو طلال العصيمي إنك تفعل هذا الرئي وتتبنى هذه الفكرة وتفك بها أزمه وتذكر قول الرسول _ صلى الله عليه وسلم_ فيما معناه ( من سن سنة حسنه فله اجرها واجر من عمل بها ) و أأسف على الإطاله أخوكم في الله مطلوب للعداله والرجاء عدم إهمال مشاركتي والرد علي حتى لو كان الرد مالا أتوقعه وهو الرفض . وشكراً