""" غياهب مهجتي """

[مقعد الدغيلبي]

الله يمسيكم بالخير والرضاء والعافيه""واعذرونا فالغياب ولاكن حتى اثنا الغياب
لم يحصل النسيان ولكن للظروف احكام""وهذي مشاركه واسمحولها بالمرور

على هجعة عيونٍ ماهناها النوم خمسـه شهـور=ثلاث شهور مع شهرين جفـن العيـن سهرانـي
وبعد مانزاح ثلث اليل واستبشـر طلـوع النـور=جنـون الشعـر ثلـث الليـل تامرنـي وتنهانـي
تفضل ياهجوسٍ في غياهـب مهجتـي محشـور=بعد مـالاح بـراق الفـرج مـن غـر الامزانـي
تباشر بالنصر دام النصـر قامـت رحـاه تـدور=علـى بـر الامـان وفالامـان وداخـل آمـانـي
نويت أنحت سخر واقطف ثمر وأسبح عميق بحور=بحـورٍ تستظيـف بقوعهـا لؤلـؤ ومرجـانـي
أعشق الكايده وآصلهـا لـو دونهـا الشرشـور=لآشاش الراس قوة بـاس يخـدم كـل شيطانـي
كذا طبعي وانـا طبعـاً لنـي مغـرم ولا مجبـور=قراده والقـراده فـي طريـق المـوت تحدانـي
هذا مؤجز هذي نبذه بسيطه فـي ثـلاث سطـور=ثلاث سطور والمجـد العفـر رمـزي وعنوانـي
وذا كله لجـل مرسـول عشـقٍ يلتطـم ويفـور=مراسيـل الشكـاوي بالشكـاوي عنـد بيبـانـي
على فراش المعـزه والكرامـه نـوّخ المظهـور=وصلـت لشامـخٍ عـز وذرى يامنبـه العـانـي
غلاي وسلوتي تشكي من اهل العمي واهل العـور=وتندبلـي بصـوتٍ نبرتـه مـن هـم وحزانـي
تبلوهـا رخـومٍ مالهـم مجـد وقصـار شبـور=عواذيـلٍ مهمتـهـا تـفـرق جـمـع خـلانـي
ماعاد أبها سكوت ولآش راي ولاستماعت شـور=ابـه نصـراً عظيـمٍ يستغيـض فـلان وفلانـي
تعالـي لعنبـو حيـك وخلـي خاطـرك مسـرور=حرامٍ من حزامـي ماحسبـت احسـاب عدوانـي
مكاني فاول الطابـور وأعشـق مقّـدم الطابـور=على هاذي حيـاة العـود قبـل يمـوت وصانـي
وانا حراً تسلسـل مـن حـراراً فعلهـا مخبـور=عشايه مـن مخاليبـي وعـزي روس جنحانـي
وانا من عزوةٍ يـوم المواقـف والسـلاح يثـور=لهل فعلٍ عظيـم وصيتهـا فـي كـل الاوطانـي
رجالٍ تكـره البـوره ولـو كـل الرجـال تبـور=سهـوم المـوت لآمـن ولعـة شعلـه ودخانـي
على عز ومعزه فـي رحـاب البيـرق المنشـور=مواقفهم عظيمـه لآحضـروا فـي كـل ميدانـي
عتيبه عزوتي حطت على نجـد المسمـى سـور=زمانٍ فـات يومـن الحصـان بسـرج وعنانـي
لنا فالمجـد مجـد وفـي حمانـا يرتعـن الخـور=ويشبع من فرايسنـا الفهـد والذيـب سرحانـي
ذكـرت اللـي ذكرتـه والحقيقـه مادخلهـا زور=وانـا شاعـر عتيبـي وافتخـر بفعـول جدانـي
هذا قول الصحيح ولاعلى بـاق الرجـال قصـور=لنا فعل ولهـم فعـل ولنـا شـان ولهـم شانـي

التوقيع

[ابن نميان]

لنا فالمجد مجـد وفـي حمانـا يرتعـن الخـور
.....................ويشبع من فرايسنـا الفهـد والذيـب سرحانـي



صح لسانك صح لسانك صح لسانك صح لسانك صح لسانك

صح لسانك صح لسانك صح لسانك صح لسانك
صح لسانك صح لسانك صح لسانك
صح لسانك صح لسانك

صح لسانك
صح لسانك صح لسانك
صح لسانك صح لسانك صح لسانك
صح لسانك صح لسانك صح لسانك صح لسانك

صح لسانك صح لسانك صح لسانك صح لسانك صح لسانك



يامقعد على الدررر ..


وعلى القصيده الجزله....


دمت بود وعااافيه

التوقيع

’,’ ,’,’*,لاَ إِلهْ إَلاَ اللهَ , آللهُ أَكْبَر , (ولا ) حَولَ ( ولا ) قُوةَ ( إلاَ ) بالله ,*’,’, [ رَبْنَا لاَ تُؤَخِذنَا إِنّ نَسِينَا أَو أَخَطْأَنا ]

[ماله امان]

مقعد صح لسانك مليووووون وبصراحة قصيدة في روعة الجزاله0

تــــــحياتــــــــي ،،،،

[فيصل المسعودي]

صح لسانك يامقعد


عزالله انها جزله وجزله وجزله


دائماً تسلك طرق الجزاله


وتعرف مداخل الإبداع


دمت مبدعاً ياغالي


تقديري


أخوك


فيصل النفيعي

[نواف العصيمي]

صح لسانك يامقعد الدغيلبي

التوقيع

[متعب العصيمي]

.. مقعد الدغيلبي صح لسانك وسجل اعجابي..
.. ولاتحرمنا من جديدك ..
.. موودتي..

[رشيد النقريني]

صح لسااانك اخوي معقد الدغيلبي

على هذة القصيدة الراائعه


ولاهنت

[أبو نجر النفيعي]

..
.
ذهب ذهب ذهب ذهب .. يابو فيصل ..
..
.
صح لسانك ملالالالالالايين على هذه الدره ..
.
..
سجل اعجابي بك وبها

..
.

موووووووودتي ..
.

[تركي البرّاق]

ياسلالالالالالام يابو فيصل ..

وش اقووول .. ؟؟ غير صح لسااااانك ملالالالالاين وعساني ماعدمك ياشيخ

تقبل مروري واعجاااااااابي المسبق ق ق

دمت بخير..,,

[الشبـــح]

___

عتيبه عزوتي حطت على نجـد المسمـى سـور
زمانٍ فـات يومـن الحصـان بسـرج وعنانـي
لنا فالمجـد مجـد وفـي حمانـا يرتعـن الخـور
ويشبع من فرايسنـا الفهـد والذيـب سرحانـي

انا اشهد ... وصح لسانك
ابدع .