رائعة يوسف العصيمي (( مفرغة ))

[ولد شيبان]

ترد القصايد ردة البل علـى المقهـور
ليا صاح صياح المعاني براس القـور
تحول وترقا مع ظلوعي واحـس ابهـا
ادرهم بصدري مثل درهامة المظهـور
ادرهم بصدري لين تورد علـى قلبـي
وليا صدرت مامثل هاك الشعور شعور
ادور على بيوت الجزالـه واوسمهـا
ولا اوسم الواقف ولا اوسم المكسـور
لأن القصيده فكـرت ابـداع شاعرهـا
ولاينبت الابداع بارض الخيال البـور
وانا شاعر ومبدع وامثل بنـي عمـي
مثل مايمثل يـام شاعرهـم المشهـور
مثل ماحضرت اول واجازتنـي اللجنـه
ابمتـع اللجنـه وابمتـع الجمـهـور
ولاني بمـن لطامـة العايـل عتيبـه
اذا ماضحك تركي ولا صفق الدكتـور
تمر بخيالي بعـض الافكـار واكتبهـا
مثل مايمر من الزجاجه شعـاع النـور
وانا اللي جوانب فكرتي يـوم اكملهـا
يصير الورق عش القلم والقلم عصفور
كبرنـا وشفنـا والليالـي عرفنـاهـا
توافيق وحضوض الرياجيل تلعب دور
وانا قادر اغنـي معاهـم واشاركهـم
وحظي معاهم طيب ولاعليـه قصـور
ولكن انا في بعـض الاحيـان تلقانـي
احاول احس احساس ابوجعفر المنصور
لو انه يجي ويشوف بغداد وش صارت
سماها كفن للنـاس وترابهـا كافـور





منقووووووووووووووووووووول

[عمر الدغيلبي]

لاهنت يا الذيب وصح لسان يوسف انا اشهد انه هز الجمهور

[نفيع العتيبي]

ولد شيبان كفو والله على المجهود الكتبته وصح لسان يوسف العصيمي ولسانك


وبتوفيق...

[مقاطـي]

تسلم على النقل
وصح لسانه

[عسكر البارود]

انا اشهد انه شاعر . وان شاء الله المليون من نصيبه .