اقرب ياشاعر روق

[تركي الحربي]

ياشاعر الروقه ترى فيه ميعاد ياشاعر الروقه = يالمطرب الفني حسب مايقولون يالمطرب الفني
المزن من فوقه بروقٍ ورعاد المزن من فوقه = رد الخبر عني حسب مايقولون رد الخبر عني

[شاعر روق]

تركي بطاروقه منادي ونشاد تركي بطارقه=وبقافه ايغني حسب مليقولون وبقافه يغني
الصيف وبروقه تقادح ولا فاد الصيف وبروقه=مانت بعلى ظني حسب مايقولون مانت بعلى ظني

[تركي الحربي]

بنه ومحروقه من النار وقاد بنه ومحروقه = ياحامس البني حسب مايقولون ياحامس البني
الروس محلوقه وبسيوفن احداد الروس محلوقه = والسن بالسني حسب مايقولون والسن بالسني

[((الدلبحي))]

الله الله

تسلمون واصلوا وحنا متابعين وازهلوا الصفوف

تحيااااااااااااااااااااااااااااااتي

[معــ المرقاب دي]

الله الله

واصلواااااااااااااااااااااا

[شاعر روق]

عليك مسيوقه بلا هيل وقناد عليك مسيوقه=واخذتها مني حسب مايقولون واخذتها مني
والروس مفلوقه ولو تاب ماعاد الروس مفلوقه=يقرع كما الشني حسب مايقولون تقرع كما الشني

[شاعر روق]

الدلبحي

هلا وغلا


حياك الله ومتابعتك تهمنا

[شاعر روق]

معدي المرقاب

نورت الصفحه

[تركي الحربي]

كلن معه ذوقه على زاد وزناد كلن معه ذوقه = ياورق لاتحني حسب مايقولون ياورق لاتحني
هرجه ومنطوقه ومن عصر الاجداد هرجه ومنطوقه = فالذيب والجني حسب مايقولون فالذيب والجني

[شاعر روق]

اذنيك مطروقه وميسمك قد جاد اذنيك مطروقه= مقعِ كما الزني هذا اللي يقولون مقعي كما الزني
شنتك مفتوقه بعدجيت وراد شنتك مفتوقه=واقفيت ياهني هذا اللي يقولون واقفيت ياهني