قصيدة الشاعر فاروق بن نايف بن ثعلي مرسلها للشاعر ناصر بن شجاع الدغيلبي
نترككم مع القصيده واتمنى ان تنال على اعجابكم
راكب اللي من حفيزه قراطيسه علاه=وارد الالفين واضف عليها الأربعه.
ساع مانزل من الباخره عند وكلاه=حسب نوع مواصفاته ورد من مصنعه.
جيب فاكس لياركب سايقه فوقه وجاه=كن طبلونه قصور الرياض مولعه .
مثل عقد اللول في عنق مردوع الشفاه=زينت في حفلها ثم جات مشرعه.
لاشتغل ماتسمعه لين تاقف في قفاه=تسمع الشكمان واللي قدم ماتسمعه.
يوم ينهض مع مقامه كما فرخ القطاه=فر من شيهانة<ن> ثم راحت تتبعه.
ان نزل تنزل معه وان طلع تطلع وراه=قام يبرمها وراحت وراه تجربعه.
وان عطا الحزم الجلد صار له صوت ووحاه=وان عطا التغريز لز الدبل ثم رفعه.
وان عطا البطناج يغنج كما غنج الفتاه=زينها زايد وغير الجمال مدلعه.
الهنوف اللي تهذلف كما عنز المهاه=القدم دوبه يحطه ودوبه يرفعه.
زل وصف الجيب ستر الولي يضفي علاه=راح في طرقة لزومه وستر الله معه.
ناصي<ن> ناصر بمكتوبه اللي في يداه=سلم المكتوب عقب السلام تسمعه.
الرفيق اللي على رفقته حرص وشفاه=لو تناحا في بعيد الدير مانقطعه.
بيننا رفقه وصحبه على طول الحياه=بالجواهر والغلا والعقود مرصعه.
صحبة الرجال ماهي كما حذفت حصاه=فالقلوب موثقه مثل طبع المطبعه.
جب وفأ واخذ وفأ والرجل طيبه وفاه=ومن يجنب عنك ويصد حذرا تتبعه.
الرجال الها منازل وكل<ن> في سراه=رجل وافي في لزومه ورجل معمعه.
اتبع الطيب وعزه وبالغ في غلاه=والردي خله يولي وبقعا تصفعه.
رفقة الطيب كما الكنز من حطه لقاه=ورفقة الخايب سواة السراب وملمعه.
الردي خله يولي ولاتبحث خفاه =وكان به حبل<ن> يوصل معه فاأنت اقطعه.
قل لناصر يانديبي وبلغه الوصاه=رفقة الطيب وعرفه تراها مطمعه.
مابقي في وقتنا الاهمومه مع غثاه=وش نسوي كيف نصبر علاه اونتبعه.
ان لزمنا الصبرصبر<ن> تعدى منتهاه=وان بغانا نبلع الغيض زاد اعن اسنعه.
وان بغانا نتبع الوقت جوده مع رداه=احتسب للشر والخير كله واجمعه.
وقتنا يدرج لحيه كما ادراج الرحاه=وكل ماتلزم لحيه ببطنه يبلعه.
مايعرف الزين والشين يوم الله بلاه=ومالزم من صيدة<ن>حطها بين أربعه.
يتغدى ويتعشأ وبطنه ماملاه= هب ياذا الوقت ياشين دله وطبعه.
عاد ويش الحل ياربعنا كيف السواه=ميزوافالوقت مازال حنا في سعه.
النشاما اليوم راحوغدى الوقت وعشاه=هم ضحايا الوقت وهل الردا عاشو معه.
الردي لوكان وجهه كما وجه الصفاه=مايبش من الندى زان وقته ورفعه.
حطله فنجال والله من الدنيا عطاه=وقام يزمر كنه السبع وسط المسبعه.
ويالله المعبود ياللي سجدنا في رضاه=انت راع الفضل والجود راعي المنفعه.
أغفر الزلات يامستجيب المن دعاه=واصلح الاعمال والشر عنا تقلعه.
وانصر الاسلام وانصر ولاته وادعياه=واخذل الكفار والكفر واللي يتبعه.
وانزل آيات الغضب فالطواغيت العصاه=شرذمة شارون صلط علاهم واقلعه.
الغضب والصخط ينزل علاهم من سماه=مثل مانزل لفرعون هو واللي معه.
يبتدي بالكلب شارون قدام ارفقاه=ينفتح له شق في وسط الأرض وتبلعه.
والسلام ختام والعذر فالناقص نباه=لكل من يقرأ كلامي ومنهو يسمعه ،،،،،،،،،،،
،الشاعرالامير/فاروق نايف ابن ثعلي الروقي
| التوقيع |
|
(( رأس الحكمه مخافة الله )) |
« آخـــر الـــمـــشـــاركــــات »
28-Nov-2005, 12:33 AM
قصيده للشاعر فاروق ابن نايف ابن ثعلي
العرض العادي
