احسن فكرة ومن صالح الجميع

[عكاش]

السلام عليكم ورحمة الله وبركاته


وش رايكم نحط جمعيه ويشتركون فيها كل الاعضاء من الف ريال

علشان الي تجيه يفك ابها ازمته

وحتى ماتقولون يمكن ماتنجح الفكرة


انا مستعد اضحي بنفسي وتكون اول التجربة في استلام الجمعية عندي

[فتى الروم]

شكلك مطفر هاليام ياعكاش
وبد تراني معك
فتى الروم

[عكاش]

قدام يافتى الروم

هالحين صرنا اثنين يعني الفين

ونحتري الباقين

[ضاري]

ما سلمنا من سوا ثم جت بعدها الاسهم ثم بعدها عكا ش وش ذا الحظ الردي

اقول العب غيييييييييييييييييييييييييييييييرها يعني قديمة وش رايكم اكون انا الاول وباستثمرها بالبورصة

[فيصل المسعودي]

عكاش واللي مكافاته متوصل الالف وش يسوي


هههههههههههههههههههههههههههه


تحياتي

[عكاش]

بالعكس ياضاري فكرة ممتازة

انت هالحين لوتجمع بيدينك ورجلينك مانت بجامعن شي لنك لاجمعت قرشين علطول للبحرين ولا سوريا لهي مخلصة وقعدت تجمع ثاني مرة

بس الجمعية تفكرلك بمشروع وهي تجمعلك وليا جت لهي ضربة مهيب بسيطة ثم هاك الحين ياشيخ تسوي مشروعك برواقه
صدقني انها ناجحة ميه بالمية

وانتم بكيفكم الي يبي ياخذها الاول بس انا قلت يمكن بعضكم يتوقع انها ماتنجح ولا شي
قلت خلاص اضحي بنفسي واكون اولكم بستلام الجمعية


هلا بالمسعودي ماعليك وانا خوك لوتروح لعجوزك الله يطول عمرها وفتلك فلوسك لين تصير الف مهيب مشكلة صدقني بس اعزمو وتصلح الامور

[ضاري]

ابشرك ماعرف درب البحرين وسوريا ولا ابو صرة بعد انا سعودي واحب السعودية يعني مااطلع منها للموت

والدراهم تجي وتروح بس اذا ما تقدر تصر الدراهم حولها على حسابي تراني امين

[عكاش]

منت بمقصر ياضاري مار حنا هالحين نبا قريشاتك في الجمعية

وانت كل علومك طيبة وانت طيب ونصيحتي لك لو تروح مرة بس واحدة للبحرين ولا سوريا خلاص تدمن ادمان

نصيحتي لك لاتفكر فيها ثم تورط