فلسفة العشق العفيف - الهيـــــــــــــلا *** منتدى قبيلة عتيبة

ابن سلوم الهيلوم · 03-Apr-2012, 11:59 PM

ياصاحبي ما انت بخصيم ولا اظنك حليف
000000اخاف اسكنك بخفوقي يالحبيب وتطعنه

اخشى واشكك واتردد من تصرفك المخيف
000000يوم اطمىن وينشرح صدري ويوم ازعل منه

يوم يونس وحشتي لكن مايبطي خفيف
000000وايام مثل الحنضله والخل وثقل من سنه

ليه الجفا ياغايتي والجور والمزح العنيف
000000ونا القصيد ليا ذكرتك في معانيه احضنه

كم قلت احبك واعشق اطباعك ولا غيرك وليف
000000لا تنهي العشق العفيف بذكرياتن محزنه

وصل الحبايب مانفاه الشرع والدين الحنيف
000000احذر ظليمة عاشق جاك بحنوطه وكفنه

في ساعده بيرق سلام ويدفعه حب عفيف
000000مدري يفوز بعشقته ولا يموت وتدفنه

والموت اخير من انتظاري في رجا عطفك ضعيف

000000ياشين وصلا يسبقه ذل وعذاب ومسكنه

ايوالله انك في البشر نادر ولا جالك وصيف
000000انت الدرر وانت الثمين من الذهب في مخزنه

اعزم وازورك يالغضي في مهجتي هرجن طريف
000000حافظ قصيد وفلسفه كلي سوالف والسنه

وساعة ما اشوفك تعرق اطرافي واتمتم يالطيف
000000وارجع بجرح في الحشا غير الجروح المزمنه

الوصف يسحر ناضره ويعذب الصوت الكفيف
000000حتى القصايد من قرا فيها وصوفك تفتنه

محمد@الجعيد · 04-Apr-2012, 02:57 AM

ياسلام ياسلام صح لسانك على هالجزله

عايض جزاء العصيمي · 04-Apr-2012, 03:05 AM

صح لسااااااااااااااانك

سجل اعجابي

عثمان الثبيتي · 04-Apr-2012, 05:05 AM

لله درك وصح السانك يامبدع

التوقيع

انكان طاب الوقت وانكان ماطاب=مايختلف نهج الشجيع وطموحه

اما اقبلوني هكذا سلب وايجاب = والا ودعاً والعذر والسموحه

اذا انقفل باب انفتح غيره ابواب = وكلً على ما قالوا ادرى بروحه