حنا سعوديين ولكن ...

[الشيباني محمد]

للدكتور صعب بن محمد الزعيمر {عكاظ} 528


حنا السعوديين أكثر شعب في العالم يمتلك بترول . وحنا
اللي تبرعنا لأغلب دول العالم . وحنا اللي إكتفينا من
القمح وصدرناه للعالم . وحنا اللي أخذنا كأس أسيا ثلاث
مرات . ووصلنا لكاس العالم ثلاث مرات . وحنا اللي هزمنا
العراق في حرب الخليج . وحنا اللي فجرنا مركز التجارة
والبنتاجون .


حنا السعوديين أول من طلع الفضاء من العرب . وحنا أكثر
شعب في المنطقة وحنا أكثر شعب عنده ستالايت . وحنا اللي
نمتلك قناة mbc وقناة art ... وحنا أكثر من يتصل على
القنوات الفضائية ونلعب مع المذيعات الحلوات ونمزح معاهم
.


حنا اللي أرسلنا أكثر المجاهدين لأفغانستان والبوسنة
والشيشان . وحنا اللي ماأحد يغار على الدين مثلنا ، رغم
إن أغلبنا مايصلي كل الفروض . وحنا اللي مافي شعب يضايق
الكفار مثلنا . والتكفير عندنا مثل شرب الماء وألذ من
العسل .


حنا السعوديين مافي أطيب وأكرم مننا . حنا اللي نرمي نصف
أكلنا في الزبالة من زود الكرم . وحنا من تفوق على غيرنا
في كبر الكروش والكسل .


حنا من أكثر شعوب العالم إستهلاكا للدخان والشيشة . وحنا
اللي عندنا مدينة جدة رابع أكبر مدينة تلوث في العالم .
وحنا اللي قضينا على الحياة البرية في السعودية من
كثرالصيد والقنص. ثم رحنا على مصر والسودان نقضي على
الباقي .


حنا أكثر من يطارد بنات العالم في الخارج . وحنا أكثر
ناس في العالم ننفق على السياحة . وحنا اللي تبكي وتتحسف
علينا بانكوك وبتايا من بعدها عنا .


حنا أكثر شعب في العالم عنده عمالة أجنبية . وأكثر
الأشياء اللي نستخدمها من صنع غيرنا . ومانرضى نشتغل في
المطاعم والمطابخ والمخابز والمغاسل . لأننا نشوفها أقل
من مستوانا .


حنا اللي نحافظ على تقاليدنا حتى لو كانت غلط . وحنا
اللي مانشوف أحسن من قبايلنا . ونشوف الأجانب أقل مننا .
إلا من رحم ربي .


حنا اللي نشوف البنت مخلوق ناقص ومالها رأي . ماهي
مسؤولة عن نفسها ، لكن مسؤولة عن أفعالها . ماتأكل في
العزايم إلا من بقايا أكلنا .
حنا أول من إبتكر مطاردة البنات في الشوارع بالسيارات.
وإذا شفنا بنت راكبة السيارة مع سواقها تجمعنا بسياراتنا
حولها مثل الغنم . نبغا منها كلمة حتى لو تتفل في وجيهنا
أو ترمينا بحجر.


حنا اللي عندنا أغلى المهور في العالم . ومانشوف ولا
نعرف العروس إلا بعد الزفاف (شختك بختك) . وبسبب هذا ثلث
الزيجات عندنا تنتهي بالطلاق ..!! .


رغم الحقيقة والألم ..


حنا السعوديين أحسن المسلمين والعرب.( هيّن بس ) .!!


ملاحظة : كل المعلومات الواردة في المقال صحيحه وعلى حسب
الإحصائيات

[عبدالمجيد النفيعي]

لا والله الا فيه ظلم وأنا أخوكـ

خذ عندك

(والتكفير عندنا مثل شرب الماء وألذ من العسل)

أعتقد إن هذه معلومة تتواجد عند فئة ضاله لاتمثلنا لأنهم خرجوا من الشعب و كفرونا وقتلوا منا أما التكفير الذي في محله بأدلة هذا قول الحقائق لاغبار عليه

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[الطرفاوي]

مقال جريء لا استطيع ان انكر ماجاء فيه لكن هي امور نسبيه

والنقد وسيلة من وسائل الاصلاح

يقول :

. وحنا من تفوق على غيرنا
في كبر الكروش والكسل .

اتخيل صراحة محلات السوبر ماركت والعربات مليئه بانواع المعلبات والمجمدات والعصبية عند الشراء

وكان الاكل رح يخلص من العالم ,احس اننا شعب فينا سعار

اضيف الى مقال الدكتور صعب حنا اكثر شعب عندنا مشاكل ونحن اكثر شعب يكره النقد

بعض الامور تعدت مرحلة الظاهرة الى المشكلة

مشكلتنا نقول العالم حاسدتنا ليش لا ,لكن لازم نفكر يمكن العكس

تحياتي للجميع

[الشيباني محمد]

المشاركة الأصلية كتبت بواسطة الطرفاوي

مقال جريء لا استطيع ان انكر ماجاء فيه لكن هي امور نسبيه

والنقد وسيلة من وسائل الاصلاح

يقول :


اتخيل صراحة محلات السوبر ماركت والعربات مليئه بانواع المعلبات والمجمدات والعصبية عند الشراء

وكان الاكل رح يخلص من العالم ,احس اننا شعب فينا سعار

اضيف الى مقال الدكتور صعب حنا اكثر شعب عندنا مشاكل ونحن اكثر شعب يكره النقد

بعض الامور تعدت مرحلة الظاهرة الى المشكلة

مشكلتنا نقول العالم حاسدتنا ليش لا ,لكن لازم نفكر يمكن العكس

تحياتي للجميع

تحياتي لك يالطرفاوي