محافحه اولى...والله لتبطي عظم ماصرت رجال

[ذيب بن عماس]

السلام عليكم ورحمة الله وبركاته


اليكم هذا النص المتواضع

مافي داعي تجرح فلان يافلان=ماكل كلمه ياأبيض الوجه تنقال
السانك انه صنته وهذبته ولان=يكفيك من شر العواذل والانذال
جاهد لسانك واغلبه..حتى لو كان=جلستك بين الربع ساكت على حال
والى بديت بكلمة(ن)هات برهان=من قبل خبل القوم ياتيك بخبال
ولاتكذب الرجال قدامه اعلان=قله تراك اخطيت والشك زوال
واعرف ترى بعض العرب فيه نقصان=خله...يزيد النقص بهياط واهبال
وان كان بأنك من مشاكلك بلشان=لاتشكي الا للي لاشال ما مال
ماباح سدك بين الاجواد ولاهان=قرم(ن)عطاه السر وصفا به البال
لو كاتت الهرجه تزيد الرجل شان=اجل اكيد الشان كله لدلال
ولو كان كثر القول من طبع شجعان=اجل بنات القوم من ضمن الابطال
وان كان مرجلتك تبيها من السان=والله لتبطي عظم ماصرت رجال

وسلامتكم........

[سعود بن سعد الحافي]

صح لساااااااااانك مليوون يا ذيب

قصيدة طيبة و جميلة

و لكن لو تلاحظ قافية الصدر والعجز ( آن ، آل )

و هذا يضعف القصيدة و الشاعر ـ

ولاهنت

[فهد رشيد الزلامي]

صـــــــــــح لسـانك وفكرك

ملاحظه2 : هناك بعض الابيات بها خلل في الوزن وخصوصا الشطر الأول لكل بيت

تحيااااااااااااااتي

[ذيب بن عماس]

الله لايهينكم وصحت ابدانكم



لكن هناك طبع في الادمي مهما يحاول يخفه يظهر وهو الطمع



وانا طمعان ياالزلامي في توضيح الابيات التي بها خلل في الوزن


وانا متأكد ان الابيات لاينقصها الوزن



اخوي سعود صح ابدنك واشكرك على هذه الملاحظه التي بالفعل استفدت منها
ولكن القصيده جات تلقائيه ولم اختار القاف بنفسي بل هي التي اختارته لي








اشكركم جزيل الشكر وانتظر الافاده اكثر واكثر

[محمد العتيبي]

الله يعطيك العافيه يالغالي ..



الفكره طيبه وبناء الابيات طيب ..



راجع ماكتبت مره اخرى ..




تحيتي واعجابي
..

التوقيع

للتواصل عبر twitter تويتر al_bargawy@