{ما اشد من طعـن الجنابي والسيوف } شلة

[هملان]

اسعد الله مساكم


اعرض هذه القصيدة بين يديكم

عسى ان تلاقي استحسانكم

كتبتها بسبب عتاب صديق عزيز ,, قال لي : اني قليل الزياره له

وهو من بيت كرم ابن الاجواد






القصيدة بعنوان { ضيوف اليوم }



ما اشد من طعـــن الجنابي والسيوف ××× الا تشــّراه النشــامـــا الطيــبين


ما ردنا عن وصلـــهم غـــير الظــــروف ××× بالمقــبلات نعوضــهم والله يعين


سوقـه من أول قايــم ٍ راعي الحلـوف ××× يجونــه أربـّه يبتلــــهم بديـــــن


يحدهـــم له فقـــر ٍ وجــوع ٍ وخــــوف ××× وما جا بعضهم من كلام شين ،زين


واليوم وشهي ؟ ذبحت قعـود وخـروف ××× إتجفــل الضيـــفان وتبــّيــح كــنين


نفــرح ليا منــهم تنصـــونا الضــــيوف ××× اليا لفــونا فالـــهم سمن وسمـين


الضـــيف لا ســّير فهو راعي إمعروف ××× عصر الرخى ما عاد خلى معسرين


على طريـــق العمـر ممــنوع الوقــوف ××× يمـّا على الاعمــــال والا مسافريــن


يسعون بالمسعى ولا حي ٍ يطـــــوف ××× وراء المصــــالح حادريـــن وسانديــن


تشابهــوا سكـان جـــده والهفــــــوف ××× باللبس واللهجه وحلق الشــــاربين


زمن على ما قــيل من عاش بيشوف ××× مع الآســــف عادتنا راحــت طحــين


انواكـــــب التيــــار وانسايــر شـفـوف ××× مع العــرب لا راحــوا يسـار ويمـيـــن


وسلامتكم



والشيلة بصوت : ناصر المهداني

والقصيدة على اليوتيوب بعنوان مختلف وشاكر على اطراء منزلها













لتحميل القصيده صوتية
على هذا الرابط

http://file8.9q9q.net/Download/14258...---...mp3.html



تحياتي
محمد بن ناصر بن قريش