جزل المعاني عد جاي

[مـــــزيـــــد]

هلا يامرحبا باالشاعر الي ماعليه قصور= من العتبان والعتبان اهل فزعه ونياشاني
والا ياجزل ياجزل المعاني والراحت ادور= تراك امن الرجال اللي نزل في كل ميداني

[جزل المعاني]

يدوم بك البقاء يالي ترحب والرجال حظور=ولا فيكم قصور ولا عليكم زود يفلاني
تفضل ياعميلي واعلن الدعوى على الجمهور=وبين ماتخفيه السراير يالعريباني

[معجب العتيبي]

مزيد وجزل المعاني



صحة الالسن

التوقيع

[جزل المعاني]

المشاركة الأصلية كتبت بواسطة معجب العتيبي

مزيد وجزل المعاني



صحة الالسن

اررررررررررحب وصح بدنك

[مـــــزيـــــد]

تراه اطيب الحزات يومنا الرصاص يثور = ونعم في رجال يعرفون الحق عتباني
بغيت انشدك عن فعلت رجل مخفي ماهو مشهور= سرق له سرقتن شينه ووصلت يم جيراني

آخر تعديل مـــــزيـــــد يوم 21-Jul-2010 في 10:52 PM.

[جزل المعاني]

موازين العدالة ياعميلي بيتها معمور=ولاكن لاتميلها على شانك ومن شاني
تبي تنشد وانا خابر راجالاً ياكلون السور=ومن يرضى لنفسه بالمهونه مات فقراني

[مـــــزيـــــد]

موازين العداله ياالعتيبي سرها مصرور= ولاكن لاتنام الليل غير ك غنو الحاني
يقولون العميل الي جهد ياكل سنام الثور=ودون الكبر يارجال يقصر كل خواني

آخر تعديل مـــــزيـــــد يوم 21-Jul-2010 في 11:18 PM.

[جزل المعاني]

تقولونه ولاكن السحابة ماتغط النور=ونور الشمس يالمطنوخ ياصل كل الاوطاني
زرعنا الزرع مانحسب حساب الطير والعصفور=وخله ياخذ القسمة ويذكرها وينساني..!!

[مـــــزيـــــد]

نقوله يارجل حنا رجالن محكمين الشور= وانا طالبك ترفق باالرجل والرجل تعباني
زرعتوها بعد شفتو على المنبر عيونن عور= تشوف الدرب فيه اثنين والاول مع الثاني

آخر تعديل مـــــزيـــــد يوم 21-Jul-2010 في 11:44 PM.

[جزل المعاني]

ترا ماهو على بعض الدعاوي ياولد مجبور=مدام ان الجزيرة ظمت الهندي والافغاني
لزمنا شعيل بخطامه وثبتنا عليه الكور=بعدها ياعميل الخير لاجيته ولاجاني

/
/
/
اخوي مزيد صح لسانك والختام عندك