الليله الليله تراها غير عن كل الليال

[ابن صنهوت]

اليكم اخر ماكتبت وهي عباره عن ابيات تعبر عن نفسها القيتها في حفل زواجي

الليله الليله تراها غير عن كل الليال=وانا اعتبرها من ليال العيد وليال السعد
ليلة فرح فيها الفرح غطى على وصف الخيا=والشكر للمعبود رب الكون حلال العقد
واكبر فرح شوفة وجيه الحاضرين من الرجال=اللي لفونا شرفونا واحضروا على الوعد
اللي لفونا من بعيد ومن جنوب ومن شمال=من اقراب ومن اصحاب والخويا ومن كل البدد
يا مرحبا واهلين والله يا كريمين السبال=مالاح براق الحيا واعداد ماحن الرعد
واعداد من صلى ومن لبى ومن لبس العقال=واعداد حبات الرمال وعد حبات البرد
ترحيبة الغالين بالغالين في كل الحوال=ممزوجة بالمسك واحلى شوي من ذوب الشهد
ترحيبة ترقى برونقها على شم الجبال=وتضفي بهيبتها وصطوتها على كل البلد
باسمي وبسم ابوي ابن صنهوت شيال الثقال=اكرر الترحيب بالحضار ووجيه السعد
ومشكور من جانا ولا هنتوا يا سمحين القبال=والشكر للمعبود رب الكون حلال العقد

[سطام الشجعاني]

صح الله الساانك



وبيض الله وجهك




وألف ألف مليون مبروووك








تحياتي لك

[عبدالله الفهد الاسعدي]

باسمي وبسم ابوي ابن صنهوت شيال الثقال
اكرر الترحيب بالحضار ووجيه السعد

كفو كفو

صح لسانك مدد بلا عدد

والف مبروك الزواج

رزقكم الله الذرية الصالحه

[ابو ضيف الله]

سلمت وصح لسانك يا ابن صنهوت على القصيدة الجزلة والرائعة
واشهد انك كفو انت ومن يرحب بالرجال في مناسبته



بس اصدقني يوم تقول: واكبر فرح شوفة وجيه الحاضرين من الرجال
فرحة شوفة وجيه الحاضرين غطت على شوفة ادمياً انت خابره ....؟

التوقيع

قال الشافعي رحمه الله: أركان الرجولة أربع: الديانة والأمانة والصيانة والرزانة. قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة. اللهم أنصر من نصر الدين وأخذل من خذل الدين

[محمد مذكر المغيبي]

ابن صنهوت

صح لسانك وبارك الله لك ورزقك الذرية الصالحة

والحقيقة انت خابرٍ الضرف اللي ماسمح لي باالحضور

وانا والله اني مرتب لاكن على ماقال انت تريد وانا اريد

والله يفعل مايريد

تقبل تحيات اخوك

[أخو جوزا]

صح لسانك يابن صنهوت والله يديم الافراح

التوقيع

قال الله تعالى: ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

[بعيـد المرامع]

صح لسانك..

ونعم فيك..وبشايبك ..وبربعك..

والف مبروك ..

وبالرفاه والبنين..

التوقيع

تنويه ..وتنبيه ..مرامعي.. لوحظ في بعض المنتديات و من بعض الاخوه هداهم الله ..سرقة بعض مواضيعي في منتدى الهيلا..ونشرها في منتدياتهم ..بمعرف "بعيد المرامع" ..لإيهام القارئ والمتصفح ..بأنه صاحب الموضوع..والكاتب بعيد المرامع لذا أود التنويه .. بأني ..انا يا بعيد المرامع..ليس لدي اي معرف اخر..خارج موقع منتديات عتيبه الهيلا إطلاقاً.. B3EED_MRAM3@HOTMAIL.COM

[مرزوق الجعيد]

صح السانك

وادام الله لك الافراح

والف الف مبروك

اللهم بارك لكما وبارك عليكما واجمع بينكما في خير

تحيتي

[ابن صنهوت]

المشاركة الأصلية كتبت بواسطة سطام الشجعاني

صح الله الساانك



وبيض الله وجهك




وألف ألف مليون مبروووك








تحياتي لك

صح بدنك وجهك ابيض لاهنت واله يبارك فيك

[ابن صنهوت]

المشاركة الأصلية كتبت بواسطة راع الزلفي

باسمي وبسم ابوي ابن صنهوت شيال الثقال
اكرر الترحيب بالحضار ووجيه السعد

كفو كفو

صح لسانك مدد بلا عدد

والف مبروك الزواج

رزقكم الله الذرية الصالحه

هلا ياراع الزلفي صح بدنك اسعدني مرورك لاهنت