المغيري صاحب الفكره

[مرزوق المغيري العطاوي]

المناسبه لهذه الابيات:

كلمني احدا ابنائي يقول شوف المغيري

يسجل براءة إختراع وإبتكار صناعة سياره

كهربائيه

قلت له اثنا المكالمه أين؟ قال في مدينة الملك

عبد العزيز - وقال لي ايضاء تقدر تطالع

الخبر في منتديات بوابة عفيف

وعندما دخلت البوابه حصلت الموضوع وهاضت القريحه

بهذه الابيات اهديها للاخ سعد سعود خلف المغيري

ولكل شاب سعودي طموح واهديها

لقبيلة المغايره

	سعد سعود المغيري صاحب الفكره=لنا الفخر فى اختراع القرم ياهاني في مركز ابحاث دولتنا ورد ذكـره=بافكاره اللي لها بالفهـم برهانـي كنه يقول الصناعه غير محتكـره=على مريكـي ويبانـي وطليانـي وكنه يقول الوعد بكره بعد بكـره=يامعشر اهل الصناعه بامر رحماني اناسعودي ومسلم ياهـل النكـره=واللي الفخر واتحدا مـن تحدانـي والفضل الله وسجل علـمٍ ابتكـره=بسمي وبسم السعوديه هل العانـي وبسم عفيف وهله ولخالقي شكره=في كل الأوقات واسجـل لعنوانـي في سجل من يبتكر لو العدا تكـره=شهادتي باختراعي بسـم جدانـي تبقى ويبقا المغير صاحب الفكـره=بالمملكه عزها الله دار الاحسانـي

[باين العتيبي]

ارحب ارحب يا العطاوي


حي راس راعيها والله

وبيض الله وجهك وانا اخوك

ولا هنت يا القرم

ونعم والله يا مرزوق العطاوي

وما علاك زوود وانا اخوك

اناسعودي ومسلم ياهـل النكـره
واللي الفخر واتحدا مـن تحدانـي
والفضل الله وسجل علـمٍ ابتكـره
بسمي وبسم السعوديه هل العانـي

هالله هالله يا العطاوي

قصيده رائعه من شاعر رائع

وجزله من راس جزل

ويستاهل والله صاحب الفكره وصاحب الاختراع

هذا الشاب الطموح

وانا اشكرك على القصيده وعلى التشجيع

وموهبة تستحق الاشاده والتشجيع والفخر بها

وما هي غريبه علاك يا العطاوي ..

سعدت بأن اكون اول من رد على هالقصيده الشامخه بما فيها

تقبل مروري //

باين المغيري ..

[علي الشهراني]

بيض الله وجهك و صح لسااانك


و الله يوفق صاحب الاختراع

التوقيع

يا بو محمد وش عليه أتحسّر=لا مرقدٍ دافي و لا ماكلٍ حار احسلّي اقصْر في شفوفي و اكسّر=اخير لي من عيشة الغار و النار

[أسير القوافي]

لاهنت أستاذ : مرزوق




وصح لسانك يالنشمي ..



هنيئا لك بما هاضت قريحتك له ..



وفخرنا بابن قبيلتنا سعد .. تاج عز على رؤوسنا




لاهنت ولا هان قلمك النابض بالمحبَه ..