مجاراة لقصيدة الشاعر محمد غازي النخيش ..!!

[عبدالمجيد العطاوي]

,,

قلب الهواوي من الهوا مايملا=دايم وهمّه !! كيف يلقى عشيقه
احدٍ لقا خلّه والاخر تخلا=هاذي طبوعك(س)يالحياة يالشفيقة
انا اشهد ان الحبّ مايذبح الا=رجلٍ بلغ فالحب مالا يطيقه
وانا سمعت القاف حتّى تعلا=قلت اعتلي معه الجبال الشهيقة
من شاعرٍ فالشعر دربه مخلا=يعطي بليد القلب حتّى يفيقه
نوٍ ترازم فالسما واستهلا=لين انّ منه الارض صارت حديقة
هيض عليّ الهاجس المستجلا=واليا هجوسي شايفٍ فيّ ضيقة
قال استرح ثم قلت حاشى وكلا=واجب على الشاعر يجاري رفيقه
ثمّ انتهض معيه ورحبّ وهلا=واصبح يصوغ البيت بأحسن طريقة
اثر الهوا يقضي على مااستحلا=وانا احسبنّ بلواه عنّا عتيقة
لقيت ابو غازي بناره تصلا=ويشكي خفايا حالةٍ مستعيقة
لو هو على خلّه دموعه تهلا=محد بحاسّ بحاله الا صديقه
عان الورود اللّي على العدّ حلا=اقفى وصدّر عنه مابلّ ريقه
انشد مجرّّب مالقى فيه حلا=مال للهوا حلٍ يعدّل طريقه
ياليت صاحبنا تزكّى وصلا=اخير من ضرب البحور الغميقة
البحر من وقّع بغبّاه ولا=ماهوب منجيٍ يامحمّد غريقه
خلّ الحجاج لمن لفا مسفهلا=واللّي يجنب عنك قل( في حريقة)
واللّي تغلاّ يامحمّد يخلا=واقنع ترا صكّات بقعاء معيقة

[عزوز النفيعي]

يا سلام يا عبدالمجيد


اضرب الحديد وهو حامي


مجاراه جزله من راس جزل


صح لسانك لين ترضي يالجزل


والعازمي عيد كيف حاله طيب؟؟

[محمد النخيش]

الله واكبر عليك يابو فيحان



مجاراه رائعه



صح لسانك ملايين ولاهنت على المجاراه

التوقيع

اطلـق سـراح الفكـر وابـعـد مجـالـه حتى تصيد الشرد وتطـوع الشـرد واتعب على الكلمه وشعر الجزاله واللـي يجمـل للعـرب تسـرده سـرد فالشعر يبقـى شعـر راع الاصالـه اللـي بشعـره منـفـرد بالـجـزل فــرد تويتر: alnkhish@

[علي الشهراني]

طيب طيب


صح لسااانك يا العطاااوي حتى ترضى


مجاراه على مستوى


لاهنت و مشكوووووووور

[عيد بن مرضي]

لقيت ابـو غـازي بنـاره تصـلا
ويشكـي خفايـا حالـةٍ مستعيقـة
لو هو على خلّـه دموعـه تهـلا
محـد بحـاسّ بحالـه الا صديقـه
عان الورود اللّي على العـدّ حـلا
اقفى وصـدّر عنـه مابـلّ ريقـه
انشد مجـرّّب مالقـى فيـه حـلا
مـال للهوا حـلٍ يعـدّل طريـقـه
ياليـت صاحبنـا تزكّـى وصــلا
اخير من ضرب البحـور الغميقـة
البحـر مـن وقّــع بغـبّـاه ولا
ماهـوب منجـيٍ يامحمّـد غريقـه


الله الله 00



صح لسانك ... يا عبدالمجيد العطاوي



تووووصيف رائع ومجاراه مبدعه لاهنت

[عبدالمجيد النفيعي]

والله أبو غازي خابرين قصايده أغلبها في الابل والمطر والربيع

بس انت ماشالله عطيت بن غازي حل عن الثلاث اللي هو ذكرها

خـــلّ الـحـجـاج لــمــن لــفــا مـسـفـهـلا=واللّي يجنب عنـك قـل( فـي حريقـة)
والــــلّــــي تــــغــــلاّ يــامــحــمّــد يــــخــــلا=واقـنــع تـــرا صـكّــات بـقـعــاء مـعـيـقـة

وإن شالله يقتنع شاعرنا محمد

صح الله لسانكم يا الاثنين المبدعين

التوقيع

تذكر قول الرسول صلى الله عليه وسلم :-"المسلم من سلم المسلمون من لسانه ويده" أتشرف بزيارتكم لمتصفحي في شهر رمضان : مــهــاذيــب ، على هذا الرابط أضغط هنا

[سـعـد الـعـصـيـمـي]

قلب الهواوي مـن الهـوا مايمـلا
دايم وهمّه !! كيف يلقـى عشيقـه




أبداع يكمل أبداع .. !!

صح لسانك ياعبد المجيد

[عبدالمجيد العطاوي]

..

الصقيل المجرب : ارررحب مليون والمتصفح منور بوجودك طال عمرررك

محمد غازي النخيش : هلا يابو غازي واعذرنا على القصور تراها مما هيّض الضمير وانا اخوك

الراي السديد : هلابك والله مرورك شرف يالذيب

عيد بن مرضي : صحّ بدنك وشهادتك وسام على الصدر لاعدمناك

عبدالمجيد النفيعي : يامررررررحبا والله ونقول انشالله يقتنع هههههه

سعد العصيمي : حياااااااااك الله وبيّاااااااااك يابا مطررر وبيّض الله وجهك على المرور الكريم